ຜູ້ນຳເກົາຫຼີເໜືອ ທ່ານ ກິມ ຈອງອຶນ ໄດ້ຕິດຕາມເບິ່ງ ໃນຂະນະທີ່ “ເຮືອບິນ ບໍ່ມີຄົນຂັບ (Drone) ສະຫຼະຊີບ ຫຼື Suicide drone” ລຸ້ນໃໝ່ ໄດ້ບິນຂຶ້ນ ແລະທຳລາຍເປົ້າໝາຍ ລວມທັງລົດຖັງຈໍາລອງ, ພ້ອມທັງຮຽກຮ້ອງໃຫ້ບັນດາ ນັກຄົ້ນຄວ້າ ດໍາເນີນການພັດທະນາປັນຍາປະດິດ ສຳລັບຍານພາຫະນະບໍ່ມີ ຄົນຂັບອີກດ້ວຍ, ເຊິ່ງສື່ມວນຊົນຂອງລັດຖະບານໄດ້ອອກມາລາຍງານໃນ ວັນຈັນມື້ນີ້.
ອົງການຂ່າວລັດຖະບານ KCNA ກ່າວວ່າ ທ່ານ ກິມ ໄດ້ອອກໄປຢ້ຽມຢາມ ສະຖາບັນ Drone ຂອງໂຮງຮຽນ ວິທະຍາສາດດ້ານການປ້ອງກັນປະເທດ ຂອງເກົາຫຼີເໜືອ ໃນວັນເສົາທີ່ຜ່ານມາ ແລະໄດ້ທໍາການຕິດຕາມການທົດລອງ Drones ທີ່ລະບຸ ແລະທຳລາຍເປົ້າໝາຍທີ່ຖືກຕັ້ງໄວ້ຢ່າງປະສົບຄວາມສຳເລັດ ຫຼັງຈາກບິນໄປຕາມເສັ້ນທາງທີ່ກຳນົດໄວ້ລ່ວງໜ້າແຕກຕ່າງກັນ.
ອົງການຂ່າວ KCNA ກ່າວຕື່ມວ່າ ທ່ານ ກິມ ໄດ້ທໍາການຮຽກຮ້ອງໃຫ້ຜະລິດເຮືອບິນສະຫຼະຊີບຫຼາຍຂຶ້ນ ເພື່ອໃຊ້ໃນກອງທະຫານບົກຍຸດທະວິທີ ແລະໜ່ວຍປະຕິບັດງານພິເສດ ເຊັ່ນ: Drones ໂຈມຕີທໍາລາຍລ້າງໃຕ້ນ້ຳ ພ້ອມທັງ Drones ລາດຕະເວນທາງຍຸດທະສາດ ແລະ Drones ໂຈມຕີອະເໜກປະສົງ.
ອາວຸດປະເພດນີ້ຍັງຮູ້ອີກຊື່ນຶ່ງວ່າ ເປັນປະເພດອາວຸດລອຍນວນ, ເຊິ່ງອາວຸດ ດັ່ງກ່າວໄດ້ຖືກນໍາໃຊ້ຢ່າງກວ້າງຂວາງໃນສົງຄາມຢູເຄຣນ ເຊັ່ນດຽວກັບ ສົງຄາມຢູ່ບໍລິເວນເຂດຕາເວັນອອກກາງ.
ໂດຍທົ່ວໄປແລ້ວ ອາວຸດທີ່ລອຍໄປມາສາມາດບິນຂຶ້ນສູງ ແລະ ພ້ອມທີ່ຈະ ໂຈມຕີເປົ້າໝາຍທີ່ຕັ້ງໄວ້, ຈາກນັ້ນ ກໍທໍາການບິນຕຳເຂົ້າໃສ່ເປົ້າໝາຍ ດ້ວຍຫົວລົບສົງຄາມທີ່ຕິດຕັ້ງໄວ້ແລ້ວ.
ຮູບພາບທີ່ເຜີຍແຜ່ໂດຍສື່ມວນຊົນຂອງລັດຖະບານ ສະແດງໃຫ້ເຫັນ ໂດຣນ ຢ່າງໜ້ອຍສີ່ປະເພດທີ່ແຕກຕ່າງກັນ, ເຊິ່ງບາງລໍາຖືກປ່ອຍອອກດ້ວຍການຊ່ວຍ ເຫຼືອຂອງເຄື່ອງຈັກຈະຫຼວດຂະໜາດນ້ອຍ ກ່ອນທີ່ໃບພັດຈະເຂົ້າມາປະຕິບັດ ງານຕໍ່ຈາກນັ້ນ.
ເມື່ອຖືກຖາມກ່ຽວກັບຄວາມຄ້າຍຄືກັນລະຫວ່າງ Drone ບາງຊະນິດຂອງ ເກົາຫຼີເຫນືອ ແລະ ໂດຣນ ZALA Lancet ຂອງ ຣັດເຊຍ ຫຼື ໂດຣນ Shahed ທີ່ອອກແບບໂດຍອີຣ່ານ, ເຊິ່ງຍັງໄດ້ຖືກນໍາໃຊ້ໂດຍ ຣັດເຊຍນັ້ນ, ເສນາທິການຮ່ວມຂອງເກົາຫຼີໃຕ້ກ່າວວ່າ ການວິເຄາະເພີ່ມເຕີມແມ່ນມີຄວາມຈຳເປັນສຳລັບໂດຣນທີ່ວ່ານັ້ນ.
ອ່ານຂ່າວດ້ານລຸ່ມນີ້ເປັນພາສາອັງກິດ
SEOUL, Aug 26 (Reuters) - North Korean leader Kim Jong Un watched as new "suicide drones" took off and destroyed test targets including a mock tank, and urged researchers to develop artificial intelligence for the unmanned vehicles, state media reported on Monday.
Kim visited the Drone Institute of North Korea's Academy of Defence Sciences on Saturday and viewed a successful test of drones correctly identifying and destroying designated targets after flying along different preset routes, state news agency KCNA said.
Kim called for the production of more suicide drones to be used in tactical infantry and special operation units, such as underwater suicide attack drones, as well as strategic reconnaissance and multi-purpose attack drones, KCNA said.
Also known as loitering munitions, such weapons been widely used in the war in Ukraine as well as in the Middle East.
Loitering munitions can typically be aloft and ready to strike before a specific target is located, then attack by crashing into the target with a built-in warhead.
Photos released by state media showed at least four different types of drones, some of which were launched with the aid of small rocket engines before their propellers took over.
When asked about visual similarities between some of the North Korean drones and Russia's ZALA Lancet and the Iranian-designed Shahed, which is also used by Russia, South Korea's Joint Chiefs of Staff said more analysis is necessary.