ເກົາຫລີເໜືອໄດ້ຍົກເລີກຢ່າງກະທັນ ການເຊື້ອເຊີນເລຂາທິ
ການໃຫຍ່ ອົງການສະຫະປະຊາຊາດ ທ່ານ Ban Ki-moon
ເພື່ອຈະເດີນທາງຢ້ຽມຢາມປະເທດທີ່ໂດດດ່ຽວດັ່ງກ່າວ.
ທ່ານ Ban ທີ່ພວມທຳການຢ້ຽມຢາມເກົາຫລີໃຕ້ ເປັນເວລາຫ້າ
ມື້ ກ່າວໃນວັນພຸດມື້ນີ້ວ່າ ບໍ່ມີການອະທິບາຍໃດໆກ່ຽວກັບການ
ປ່ຽນແປງໃນນາທີສຸດທ້າຍ ຊຶ່ງທ່ານກ່າວວ່າ ໄດ້ຖ່າຍທອດຜ່ານ
“ຊ່ອງທາງການທູດ” ນັ້ນ.
ທ່ານກ່າວວ່າ “ການຕັດສິນໃຈໂດຍພຽງຢາງ ເປັນທີ່ເສົ້າສະຫລົດ
ໃຈທີ່ສຸດ. ເຖິງຢ່າງໃດກໍດີ ຂ້າພະເຈົ້າ ໃນນາມ ເລຂາທິການໃຫຍ່
ອົງການສະຫະປະຊາຊາດ ຈະບໍ່ລະເວັ້ນໃນຄວາມພະຍາຍາມໃດໆເພື່ອຊັກຊວນໃຫ້ ສປປ ເກົາຫລີດຳເນີນ ງານກັບປະຊາຄົມນາໆຊາດ ເພື່ອໃຫ້ມີສັນຕິພາບ ແລະສະຖຽນລະພາບ ຢູ່ໃນ ແຫລມເກົາຫລີ ແລະໄກໄປກວ່ານັ້ນ” ທ່ານໄດ້ກ່າວໂດຍອ້າງເຖິງເກົາຫລີເໜືອ ໂດຍເອີ້ນຊື່ຢ່າງເປັນທາງການດັ່ງກ່າວ.
ເລຂາທິການໃຫຍ່ສະຫະປະຊາຊາດ ໄດ້ວາງແຜນ ທີ່ຈະໄປຢ້ຽມຢາມເຂດອຸດສາຫະກໍາ
ຮ່ວມ Kaesong ທີ່ຕັ້ງຢູ່ທາງເໜືອ ຂອງເຂດປອດທະຫານ ທີ່ແບ່ງ ເກົາຫລີເໜືອແລະ
ເກົາຫລີໃຕ້ອອກຈາກກັນ ໃນວັນພະຫັດມື້ອື່ນນີ້.
ແຜນການຢ້ຽມຢາມ ຂອງ ທ່ານ Ban ຕໍ່ເຂດອຸດສາຫະກຳທີ່ບໍລິຫານ ງານຮ່ວມກັນນັ້ນ
ຈະເປັນຂີດໝາຍເທື່ອທຳອິດກວ່າສອງທົດສະວັດ ທີ່ ເລຂາທິການໃຫຍ່ອົງການສະຫະ
ປະຊາຊາດໄດ້ຢ້ຽມຢາມເກົາຫລີເໜືອ.
ຫົວໜ້າຄົນສຸດທ້າຍ ຂອງສະຫະປະຊາຊາດທີ່ໄດ້ໄປຢ້ຽມຢາມເກົາຫລີເໜືອ ແມ່ນທ່ານ
Boutros Boutros-Ghali ທີ່ໄດ້ຂ້າມເຂົ້າໄປ ທາງເຂດປອດທະຫານໃນປີ 1993.
Your browser doesn’t support HTML5
UN Chief Nokor Visit