ເກົາຫລີເໜືອປະນາມການຕັດສິນໃຈຂອງເກົາຫລີໃຕ້ ທີ່ໄດ້ສົ່ງຜູ້ຕາງໜ້າພຽງແຕ່ສອງກຸ່ມ
ເທົ່ານັ້ນໄປເຄົາລົບສົບຂອງມື້ລາງຜູ້ນໍາ ກິມ ຈົງ ອິລ.
ໂຄສົກຫ້ອງການລັດຖະບານເກົາຫລີເໜືອທີ່ຮັບຜິດຊອບດ້ານຄວາມສໍາພັນຂ້າມຊາຍ
ແດນໄດ້ຕັກເຕືອນ ເມື່ອວັນອາທິດມື້ນີ້ວ່າ ການເຄື່ອນໄຫວດັ່ງກ່າວຂອງເກົາຫລີໃຕ້ອາດ
ກໍ່ໃຫ້ເກີດຜົນລັບຮ້າຍແຮງຕິດຕາມມາທີ່ຄາດບໍ່ເຖິງໄດ້.
ພຽງຢາງໄດ້ກ່າວຫາເກົາຫລີໃຕ້ ປ້ອງກັນບໍ່ໃຫ້ຊາວເກົາຫລີໃຕ້ ຈາກເຂດຊາຍແດນໄປ
ຢ້ຽມເຄົາລົບສົບ ແລະຊີ້ແນະວ່າການເຄຶ່ອນໄຫວເຊັ່ນນັ້ນອາດ ເຮັດໃຫ້ຄວາມສໍາພັນ
ຂອງປະເທດທັງສອງເສື່ອມລົງ.
ເກົາຫລີໃຕ້ປະກາດ ເມື່ອວັນເສົາວານນີ້ວ່າ ຕົນໄດ້ຕັດສິນໃຈຂອງສົ່ງ ຜູ້ຕາງໜ້າໄປພຽງ
ສອງກຸ່ມ. ໂຄສົກກະຊວງທ້ອນໂຮມຊາດຂອງເກົາຫຼີໃຕ້ ກ່າວວ່າ ບໍ່ມີພວກເຈົ້າໜ້າທີ່ລັດ
ຖະບານຮ່ວມໄປນໍາກຸ່ມຜູ້ຕາງໜ້າດັ່ງກ່າວ.
ໃນຂະນະນີ້ ກໍາລັງມີການຈັດຕຽມພິທີສົ່ງສະການມື້ລາງທ່ານ ກິມ ຈົງອິລ ທີ່ກໍານົດໃສ່ມື້ວັນ
ພຸດຈະມານີ້ ຊຶ່ງມີລາຍງານວ່າ ທ່ານໄດ້ເຖິງແກ່ມໍລະນະກໍາເມື່ອວັນທີ່ 17 ເດືອນທັນວານີ້.
ເມື່ອວັນເສົາວານນີ້ ອົງການຂ່າວຂອງທາງການຂອງເກົາຫລີເໜືອປະກາດຕໍາແໜ່ງໃໝ່ຂອງ
ທ່ານກິມຈົ່ງອຸນ ລູກຊາຍຂອງມື້ລາງກິມຈົງ ອິລ ໃຫ້ເປັນຜູ້ນໍາຄົນໃໝ່ຂອງປະເທດ.