ເກົາຫຼີເໜືອກ່າວວ່າ ຕົນເຕັມໃຈທີ່ຈະປະກາດການຢຸດການທົດ
ລອງນີວເຄລຍເປັນການຊົ່ວຄາວ ຖ້າສະຫະລັດຍົກເລີກແຜນ
ການຊ້ອມລົບຮ່ວມປະຈຳປີຂອງຕົນ ກັບເກົາຫຼີໃຕ້ນັ້ນ.
ກະຊວງການຕ່າງປະເທດສະຫະລັດ ໃນການໃຫ້ຄຳຖະແຫຼງ
ຕອບໂຕ້ສັ້ນໆໃນວັນເສົາວານນີ້ ເອີ້ນການເອົາເລື້ອງການຢຸດ
ເຊົາທົດລອງນີວເຄລຍໄປເປັນເງື່ອນໄຂ ໃຫ້ຍົກເລີກການຊ້ອມ
ລົບທາງທະຫານນັ້ນ” ເປັນການຂົ່ມຂູ່ຢ່າງແນ່ນອນອັນນຶ່ງ.”
ທ່ານນາງ Jen Psaki ໂຄສົກປະຈຳກະຊວງການຕ່າງປະເທດ
ສະຫະລັດ ຮຽກຮ້ອງໃຫ້ລັດຖະບານພຽງຢ້າງ ນັບຖືມະຕິຕ່າງໆ
ຂອງສະຫະປະຊາຊາດທີ່ມີຢູ່ໃນປັດຈຸບັນ ທີ່ຫ້າມການທົດລອງ
ນີວເຄລຍຕ່າງໆນັ້ນ.
ທ່ານນາງ Psaki ຮຽກຮ້ອງໃຫ້ເກົາຫຼືເໜືອ “ຢຸດເຊົາການຂົ່ມຂູ່ໃດໆທັງໝົດໃນປັດຈຸ
ບັນ ຜ່ອນຄາຍຄວາມເຄັ່ງຕຶງຕ່າງໆແລະໃຫ້ເອົາບາດກ້າວທີ່ຈຳເປັນ ໄປສູ່ການ
ເປັນເຂດປອດນີວເຄລຍ” ທີ່ຈຳເປັນເພື່ອແຜ້ວທາງ ສຳລັບການໂອ້ລົມສົນທະນາກັນ
ດ້ານນີວເຄລຍໃນອະນາຄົດນັ້ນ.
ອົງການຂ່າວສູນກາງຂອງທາງການເກົາຫຼີເໜືອ ກ່າວວ່າ ຂໍ້ສະເໜີຂອງຕົນ ໄດ້ສົ່ງໄປໃນວັນສຸກຜ່ານມານີ້ ໂດຍຜ່ານຊ່ອງທາງທີ່ບໍ່ລະບຸໃຫ້ຊາບຢ່າງເຈາະຈົງ.
ລັດຖະບານພຽງຢ້າງ ຮ້ອງມາເປັນປະຈຳ ກ່ຽວກັບການຊ້ອມລົບປະຈຳປີລະຫວ່າງສະຫະ
ລັດແລະເກົາຫຼີໃຕ້ນັ້ນວ່າ ເປັນຂໍ້ອ້າງສຳລັບການຮຸກຮານ ເຖິງແມ່ນມີການໃຫ້ຄຳໝັ້ນສັນ
ຍາວ່າ ການຊ້ອມລົບເຫຼົ່ານີ້ ເປັນການປ້ອງກັນໂຕເທົ່ານັ້ນກໍຕາມ.