ນັກການທູດລະດັບສູງຂອງເກົາຫຼີເໜືອ ກ່າວວ່າ ໂຄງການອາວຸດ
ນິວເຄລຍຂອງປະເທດຂອງທ່ານແມ່ນບໍ່ໄດ້ຕັ້ງຂຶ້ນມາເພື່ອປຶກສາ
ຫາລື ໂດຍຢືນຢັດວ່າ ສະຖານະການ ຂອງພຽງຢາງ ແມ່ນ “ແຕກ
ຕ່າງຢ່າງສິ້ນເຊິງ” ກັບສະຖານະການ ຂອງປະເທດອີຣ່ານ.
ເອກອັກຄະລັດຖະທູດເກົາຫຼີເໜືອປະຈຳຈີນ ທ່ານ Ji Jae Ryong
ກ່າວໃນວັນອັງຄານມື້ນີ້ວ່າ ເກົາຫຼີເໜືອບໍ່ມີ “ຄວາມສົນໃຈໃດໆເລີຍ
ໃນການເຈລະຈາຫາລື ເພື່ອຍຸຕິໂຄງການນິວເຄລຍ ແຕ່ພຽງຝ່າຍ
ດຽວຫຼືຍົກເລີກໂຄງການນິວເຄລຍຂອງພວກເຮົາ.”
ທ່ານ Ji ກ່າວໃນລະຫວ່າງການຖະແຫຼງຂ່າວ ທີ່ບໍ່ຄ່ອຍໄດ້ເຫັນກັນ
ຢູ່ທີ່ສະຖານທູດເກົາຫຼີເໜືອໃນນະຄອນຫຼວງປັກກິ່ງວ່າ “ສະຖານະການຂອງ ສປປ ເກົາຫຼີ
ແມ່ນແຕກຕ່າງຈາກອີຣ່ານໂດຍສິ້ນເຊີງ. ພວກເຮົາແມ່ນປະເທດມີນິວເຄລຍ ທັງໃນນາມ
ແລະຄວາມເປັນຈິງໃນຖານະເປັນປະເທດນິວເຄລຍ ພວກເຮົາມີຜົນປະໂຫຍດຂອງພວກ
ເຮົາເອງ ໃນໂຄງການນິວເຄລຍ.”
ການໃຫ້ຄຳເຫັນດັ່ງກ່າວໄດ້ມີຂື້ນໃນຂະນະທີ່ທູດພິເສດຂອງສະຫະລັດ ທ່ານ Sydney
Seilor ເດີນທາງໄປຢ້ຽມຢາມນະຄອນຫຼວງປັກກິ່ງ ໃນວັນອັງຄານມື້ນີ້ ເພື່ອປຶກສາຫາລື
ກ່ຽວກັບວິທີຟື້ນຟູການເຈລະຈານິວເຄລຍ 6 ຝ່າຍກັບເກົາຫຼີເໜືອທີ່ຢຸດຊະງັກຢູ່ໃນເວລາ
ນີ້. ຫຼັງຈາກໄດ້ພົບປະກັບເຈົ້າໜ້າທີ່ ຢູ່ນະຄອນຫຼວງໂຊລ ໃນວັນຈັນວານນີ້ ທ່ານ Seilor
ໄດ້ກ່າວວ່າ ສະຫະລັດແມ່ນພ້ອມແລ້ວທີ່ ຈະພົວພັນກັບພຽງຢາງໃນວິທີດຽວກັບທີ່ສະຫະ
ລັດໄດ້ຊ່ວຍໄກ່ເກ່ຍໃຫ້ບັນລຸຂໍ້ຕົກລົງກັບອີຣ່ານ.
ທ່ານໄດ້ກ່າວວ່າ “ຄວາມຄືບໜ້້າໃນຄວາມພະຍາຍາມຂອງເຮົາ ເມື່ອບໍ່ດົນມານີ້ ເພື່ອເຮັດ
ອີຣ່ານ ບໍ່ມີອາວຸດນິວເຄລຍນັ້ນ ແມ່ນເປັນຕົວຢ່າງອັນດີເລີດ ສຳລັບຄວາມຜ່ອນສັ້ນຜ່ອນ
ຍາວຂອງສະຫະລັດແລະຄວາມເຕັມໃຈທີ່ຈະພົວພັນກັບບັນດາປະເທດທີ່ພວກເຮົາມີຄວາມ
ແຕກຕ່າງ ມາແຕ່ດົນນານແລ້ວນັ້ນ.”
ອິຣ່ານ ແລະ ບັນດາ 6 ປະເທດມະຫາອຳນາດໂລກໄດ້ບັນລຸຂໍ້ຕົກລົງໃນຕົ້ນເດືອນນີ້ທີ່ຈະ
ຈຳກັດຄວາມສາມາດ ທາງດ້ານນິວເຄລຍ ຂອງອີຣ່ານ ເພື່ອເປັນການແລກປ່ຽນກັບການ
ຜ່ອນຜັນມາດຕະການລົງໂທດ.
Your browser doesn’t support HTML5
Nokor Iran Nuclear