ຄວາມເຄ່ງຕຶງໄດ້ເພີ່ມທະວີຂື້ນໃນວັນຈັນນີ້ຢູ່ແຫລມເກົາຫລີ ຫລັງຈາກ ທີ່ພຽງຢາງ
ໄດ້ປ່ອຍຮູບພາບວີດີໂອອອກມາກ່ຽວກັບການຊ້ອມລົບຄັ້ງໃຫ່ຍ ແລະກຸງໂຊລ
ໄດ້ກ່າວຫາວ່າເກົາຫລີເໜືອ ໃຊ້ແຜນການສົ່ງດາວທຽມເປັນຂໍ້ອ້າງເພື່ອທົດລອງ
ລະບົບການສົ່ງອາວຸດນີວເຄລຍ.
ຮູບພາບວີດີໂອຂອງເກົາຫລີເໜືອ ສະແດງໃຫ້ເຫັນຜູ້ນໍາ Kim Jong Un ກໍາລັງ
ພົບປະກັບທະຫານ ແລະເບິ່ງອັນທີ່ມີການບັນລະຍາຍວ່າເປັນການຊ້ອມລົບຮ່ວມ
ຂອງກອງທັບບົກ ກອງທັບເຮືອ ແລະອາກາດ ຂອງເກົາຫລີເໜືອ. ວີດີໂອສະແດງ
ໃຫ້ເຫັນພາບການລະເບີດເຮືອລົບລໍານຶ່ງຢູ່ກາງທະເລ ແລະພວກທະຫານຍິງລູກ
ສອນໄຟໃສ່ເຮືອບີນ ທີ່ ລະເບີດຂື້ນຢູ່ກາງອາກາດ.
http://www.voanews.com/templates/widgetDisplay.html?id=143346996&player=article
ການປ່ອຍວີດີໂອດັ່ງກ່າວອອກມາ ແມ່ນໄດ້ມີຂື້ນພ້ອມໆກັນກັບທີ່ເຈົ້າ ໜ້າທີ່ເກົາ
ຫລີໃຕ້ ປະນາມຄໍາປະກາດຂອງພຽງຢາງ ໃນວັນສຸກຜ່ານມາ ທີ່ວ່າ ຈະສົ່ງຈະ
ຫລວດຂຶ້ນສູ່ອາວະກາດໃນກາງເດືອນເມສາ ຄືເດືອນໜ້ານີ້ ເພື່ອສົ່ງດາວທຽມຂຶ້ນ
ໂຄຈອນອອ້ມໂລກ ໂດຍມີຈຸດປະສົງທີ່ ສັນຕິ.
ຫລັງຈາກກອງປະຊຸມໃນຕອນເຊົ້າ ຂອງບັນດາລັດຖະມົນຕີການຕ່າງ ປະເທດ ແລະ
ຄວາມໝັ້ນຄົງ ໂດຍມີປະທານາທິບໍດີ Lee Myung-bak ນັ່ງເປັນປະທານນັ້ນໂຄສົກ
ປະທານາທິບໍດີຄົນນຶ່ງກ່າວວ່າ ແຜນການສົ່ງດາວທຽມດັ່ງກ່າວ ເປັນ“ການເກາະຜິດ
ຢ່າງຮ້າຍແຮງ” ແລະວ່າ ຈຸດປະສົງອັນແທ້ຈິງນັ້ນ ກໍຄືການພັດທະນາລູກສອນໄຟລະຍະ
ຍາວທີ່ສາມາດບັນຈຸຫົວລະເບີດນີວເຄລຍໄດ້.