ເກົາຫຼີເໜືອໄດ້ຮ້ອງຂໍໃຫ້ ພານາມາປ່ອຍເຮືອຂອງພຽງຢາງ ທີ່ຖືກຍຶດໃນເຂດນ່ານນໍ້າຂອງພານາມານັ້ນ ແລະກ່າວວ່າ ອາວຸດຢູ່ໃນເຮືອລໍານັ້ນ ທີ່ພານາມາຍຶດໄວ້ ແມ່ນສ່ວນນຶ່ງຂອງການຕົກລົງກັນທີ່ຖືກຕ້ອງຕາມກົດໝາຍ.
ໃນຄໍາຖະແຫຼງສະບັບນຶ່ງ ອອກໃນແລງວັນພຸດວານນີ້ ກະຊວງການຕ່າງປະເທດຂອງກຸງພຽງຢາງ ໃຫ້ຄໍາອະທິບາຍກ່ຽວກັບອາວຸດດັ່ງກ່າວວ່າ ເປັນອາວຸດເກົ່າໆຂອງຄິວບາ ທີ່ທາງເກົາຫຼີເໜືອໄດ້ຕົກລົງພາຍໃຕ້ສັນຍາທີ່ໄດ້ເຊັນກັນ ວ່າຈະຊ່ອມແປງໃຫ້. ຄໍາຖະແຫຼງຍັງຮຽກຮ້ອງໃຫ້ປ່ອຍເຮືອ ລໍານັ້ນ ທີ່ຊື່ວ່າ Chong Chon Gang ແລະພວກລູກເຮືອ ທັງໝົດ.
ເຈົ້າໜ້າທີ່ພານາມາ ໄດ້ທໍາການຟ້ອງຮ້ອງ ໃນຂໍ້ຫາອາຍາຕໍ່ພວກລູກເຮືອສ່ວນໃຫຍ່ ໃນຖານ ບໍ່ໄດ້ແຈ້ງໃຫ້ຊາບກ່ຽວກັບການລໍາລຽງອາວຸດດັ່ງກ່າວ. ທາງການກ່າວວ່າ ຜູ້ຕ້ອງຫາເກືອບວ່າທັງໝົດ ໄດ້ໃຊ້ສິດທິໃນການປິດປາກງຽບ ບໍ່ໃຫ້ການແຕ່ຢ່າງໃດ.
ອົງການສະຫະປະຊາຊາດ ໄດ້ຖືກຮ້ອງຂໍໃຫ້ທໍາການສືບສວນສອບສວນກ່ຽວກັບການຍຶດອາວຸດຄັ້ງນີ້ ໃນທ່າມກາງທີ່ມີການກ່າວຫາກັນວ່າ ເຮືອຂອງເກົາຫຼີເໜືອລໍານັ້ນໄດ້ລັກລອບລໍາລຽງອາວຸດ ຊຶ່ງເປັນການລະເມີດຕໍ່ການລົງໂທດຂອງອົງການສະຫະປະຊາຊາດ.
ລັດຖະມົນຕີດ້ານຄວາມປອດໄພຂອງພານາມາ ທ່ານ Jose Raul Mulino ກ່າວວ່າ ລັດຖະບານຂອງທ່ານໄດ້ຖາມອົງການສະຫະປະຊາຊາດ ຄວນຈະດໍາເນີນການຕໍ່ໄປແບບໃດກ່ຽວກັບຄະດີນີ້ ແລະວ່າ ພານາມາຕັ້ງໃຈທີ່ຈະມອບກໍາປັ່ນລໍານີ້ ໄປໃຫ້ອົງການສະຫະປະຊາຊາດຄວບຄຸມໄວ້.
ພານາມາໄດ້ຢຸດກໍາປັ່ນລໍາດັ່ງກ່າວໃນວັນຈັນຜ່ານມານີ້ ຍ້ອນສົງໄສວ່າ ມີການລໍາລຽງຢາເສບ ຕິດ ແຕ່ວ່າໄດ້ພົບເຫັນອາວຸດແທນ ທີ່ເຊື່ອງໄວ້ກ້ອງຖົງນໍ້າຕານຊາຍແດງຈໍານວນຫຼວງຫຼາຍ. ເຈົ້າໜ້າທີ່ກ່າວວ່າ ອາດຈະຕ້ອງໃຊ້ເວລາຕື່ມອີກຫຼາຍມື້ເພື່ອຈະກວດຄົ້ນກໍາປັ່ນທີ່ມີຂະໜາດໃຫຍ່ ໜັກ 14 ພັນໂຕນ ລໍານີ້.
ໃນຄໍາຖະແຫຼງສະບັບນຶ່ງ ອອກໃນແລງວັນພຸດວານນີ້ ກະຊວງການຕ່າງປະເທດຂອງກຸງພຽງຢາງ ໃຫ້ຄໍາອະທິບາຍກ່ຽວກັບອາວຸດດັ່ງກ່າວວ່າ ເປັນອາວຸດເກົ່າໆຂອງຄິວບາ ທີ່ທາງເກົາຫຼີເໜືອໄດ້ຕົກລົງພາຍໃຕ້ສັນຍາທີ່ໄດ້ເຊັນກັນ ວ່າຈະຊ່ອມແປງໃຫ້. ຄໍາຖະແຫຼງຍັງຮຽກຮ້ອງໃຫ້ປ່ອຍເຮືອ ລໍານັ້ນ ທີ່ຊື່ວ່າ Chong Chon Gang ແລະພວກລູກເຮືອ ທັງໝົດ.
ຊິ້ນສ່ວນລູກສອນໄຟ ທີ່ຖືກຍຶດຈາກ ເຮືອເກົາຫຼີເໜືອ
ເຈົ້າໜ້າທີ່ພານາມາ ໄດ້ທໍາການຟ້ອງຮ້ອງ ໃນຂໍ້ຫາອາຍາຕໍ່ພວກລູກເຮືອສ່ວນໃຫຍ່ ໃນຖານ ບໍ່ໄດ້ແຈ້ງໃຫ້ຊາບກ່ຽວກັບການລໍາລຽງອາວຸດດັ່ງກ່າວ. ທາງການກ່າວວ່າ ຜູ້ຕ້ອງຫາເກືອບວ່າທັງໝົດ ໄດ້ໃຊ້ສິດທິໃນການປິດປາກງຽບ ບໍ່ໃຫ້ການແຕ່ຢ່າງໃດ.
ອົງການສະຫະປະຊາຊາດ ໄດ້ຖືກຮ້ອງຂໍໃຫ້ທໍາການສືບສວນສອບສວນກ່ຽວກັບການຍຶດອາວຸດຄັ້ງນີ້ ໃນທ່າມກາງທີ່ມີການກ່າວຫາກັນວ່າ ເຮືອຂອງເກົາຫຼີເໜືອລໍານັ້ນໄດ້ລັກລອບລໍາລຽງອາວຸດ ຊຶ່ງເປັນການລະເມີດຕໍ່ການລົງໂທດຂອງອົງການສະຫະປະຊາຊາດ.
ລັດຖະມົນຕີດ້ານຄວາມປອດໄພຂອງພານາມາ ທ່ານ Jose Raul Mulino ກ່າວວ່າ ລັດຖະບານຂອງທ່ານໄດ້ຖາມອົງການສະຫະປະຊາຊາດ ຄວນຈະດໍາເນີນການຕໍ່ໄປແບບໃດກ່ຽວກັບຄະດີນີ້ ແລະວ່າ ພານາມາຕັ້ງໃຈທີ່ຈະມອບກໍາປັ່ນລໍານີ້ ໄປໃຫ້ອົງການສະຫະປະຊາຊາດຄວບຄຸມໄວ້.
ພານາມາໄດ້ຢຸດກໍາປັ່ນລໍາດັ່ງກ່າວໃນວັນຈັນຜ່ານມານີ້ ຍ້ອນສົງໄສວ່າ ມີການລໍາລຽງຢາເສບ ຕິດ ແຕ່ວ່າໄດ້ພົບເຫັນອາວຸດແທນ ທີ່ເຊື່ອງໄວ້ກ້ອງຖົງນໍ້າຕານຊາຍແດງຈໍານວນຫຼວງຫຼາຍ. ເຈົ້າໜ້າທີ່ກ່າວວ່າ ອາດຈະຕ້ອງໃຊ້ເວລາຕື່ມອີກຫຼາຍມື້ເພື່ອຈະກວດຄົ້ນກໍາປັ່ນທີ່ມີຂະໜາດໃຫຍ່ ໜັກ 14 ພັນໂຕນ ລໍານີ້.
Your browser doesn’t support HTML5
NOKOR PANAMA WEAPONS CNPK