ລັງຈາກໄດ້ເຊີນບັນດານັກຂ່າວຕ່າງປະເທດຫລາຍຮ້ອຍຄົນ ໄປລາຍງານຂ່າວກ່ຽວກັບ ກອງປະຊຸມໃຫຍ່ຂອງພັກແຮງງານ ຊຶ່ງເປັນພັກລັດຖະບານຂອງເກົາຫລີເໜືອ ໃນຮອບ 36 ປີແລ້ວ ເກົາຫລີເໜືອຊ້ຳພັດໄດ້ຫ້າມບໍ່ໃຫ້ສື່ມວນຊົນເຂົ້າໄປໃນກອງປະຊຸມດັ່ງກ່າວ.
ກອງປະຊຸມໃຫຍ່ຂອງພັກແຮງງານນີ້ເປັນກອງປະຊຸມທາງການເມືອງທີ່ໃຫຍ່ສຸດ ທີ່ໄດ້ ຈັດຕັ້ງຂື້ນໃນເກົາຫລີເໜືອໃນຮອບຫຼາຍສິບປີ ແລະຄາດວ່າຈະເປັນການເສີມຂະຫຍາຍ ການເຂົ້າກຳອຳນາດຜູ້ນຳໜຸ່ມນ້ອຍທ່ານ Kim Jong Un ແລະປະກາດນະໂຍບາຍ “Byongjin” ຂອງທ່ານຢ່າງເປັນທາງການ ເພື່ອຊຸກຍູ້ທັງການພັດທະນາເສດຖະກິດ ແລະ ສະມັດຖະພາບທາງດ້ານນິວເຄລຍໄປພ້ອມໆກັນ.
ບັນດານັກຂ່າວຕ່າງປະເທດພາກັນຖ່າຍຮູບ ໃນວັນທີ 25 ເມສາ ທີ່ສູນກາງວັດທະນາທຳເກົາຫລີເໜືອ.
ກອງປະຊຸມໃຫຍ່ຂອງພັກແຮງງານ ຄັ້ງສຸດທ້າຍໄດ້ຈັດຂຶ້ນໃນປີ 1980 ກ່ອນທີ່ທ່ານ Kim Jong Un ເກີດ ແລະໄດ້ຈັດຂຶ້ນເພື່ອໃຫ້ການຮັບຮູ້ ໃນການເຂົ້າກຳອຳນາດຂອງ ທ່ານ Kim Jong Il ບິດາຂອງທ່ານວ່າ ເປັນຜູ້ສືບທອດການປົກຄອງຢ່າງຖືກຕ້ອງຊອບທຳຈາກ ທ່ານ Kim II Sung ຜູ້ກໍ່ຕັ້ງເກົາຫຼີເໜືອແລະ ເປັນປູ່ຂອງຜູ້ນຳຄົນປັດຈຸບັນ.
ຄົນພາກັນຢ່າງຢູ່ຕໍ່ໜ້າ ບ່ອນທີ່ພິທີເກີດຂຶ້ນ ໃນວັນທີ 6 ພືດສະພາ 2016.
ທ່ານ Kim ໄດ້ຄາດໝາຍວ່າ ຈະກ່າວຄຳປາໄສເປີດກອງປະຊຸມໃຫຍ່ຂອງພັກແຮງງານ ທີຄາດກັນວ່າຈະສິ້ນສຸດລົງພາຍໃນສີ່ມື້ ແຕ່ວ່າພາກສ່ວນຂອງພິທີດັ່ງ ກ່າວໄດ້ປິດຕໍ່ສື່ມວນ ຊົນ ແລະບໍ່ໄດ້ອອກອາກາດໂດຍໂທລະພາບລັດຖະບານ.
ທ່ານນາງ Anna Fifield ຫົວໜ້າຫ້ອງການໜັງສືພິມ Washington Post ຢູ່ ນະຄອນ ຫຼວງ Tokyo ຂອງຍີ່ປຸ່ນ ສາມາດອອກອາກາດສົດທາງອິນເຕີແນັດໃນ ວັນທີ 25 ເມສານີ້ ຢູ່ນອກສູນວັດທະນາທຳ ບ່ອນທີ່ພິທີດັ່ງກ່າວໄດ້ຂຶ້ນ ແຕ່ບໍ່ໄດ້ຖືກອະນຸຍາດໃຫ້ເຂົ້າໄປທາງໃນ.