ປະທານາທິບໍດີ Goodluck Jonathan ແຫ່ງໄນຈີເຣຍ
ຮຽກກອງປະຊຸມ ສະພາຄວາມໝັ້ນຄົງແຫ່ງຊາດ ຂອງ
ທ່ານຂຶ້ນໃນວັນພະຫັດມື້ນີ້ ທີ່ນະຄອນຫຼວງອາບູຈາ ຫຼັງ
ຈາກພວກທີ່ສົງໄສວ່າເປັນພວກຫົວຮຸນແຮງ ໄດ້ທຳການ
ໂຈມຕີຫຼາຍບັ້ນຕິດຕໍ່ກັນມາ ແລະລັກພາໂຕພວກເດັກ
ນັກຮຽນຍິງ ຈຳນວນຫຼາຍກວ່າ 100 ຄົນ ໄປ.
ທີ່ປຶກສາປະຈຳປະທານາທິບໍດີກ່າວວ່າ ທ່ານ Jonathan
ຈະທົບທວນເບິ່ງມາດຕະການແລະການປະຕິບັດງານດ້ານ
ຄວາມໝັ້ນຄົງຕ່າງໆໂດຍມີເປົ້າໝາຍເພື່ອ “ກຳນົດວິທີ
ທາງທີ່ດີທີ່ສຸດ ສຳຫລັບເດີນໜ້າຕໍ່ໄປ.”
ໃນຖະແຫຼງການສະບັບນຶ່ງໃນວັນພຸດວານນີ້ ທ່ານ Reuben Abati ທີ່ປຶກສາປະຈຳ
ປະທານາທິບໍດີ ກ່າວວ່າ ປະທານາທິບໍດີມີຄວາມເປັນຫ່ວງໂດຍສະເພາະກ່ຽວກັບການ
ລັກພາໂຕໃນວັນຈັນຜ່ານມານີ້ ພວກ ເດັກນັກຮຽນຍິງ ທີ່ກຳລັງຮຽນຢູ່ໃນໂຮງຮຽນມັດ
ທະຍົມແຫ່ງນຶ່ງ ໃນລັດ Borno ທາງພາກຕາເວັນອອກສຽງເໜືອ ຂອງປະເທດ.
ທ່ານ Abati ກ່າວວ່າ ປະທານາທິບໍດີ Jonathan ໄດ້ສັ່ງໃຫ້ກຳລັງຮັກສາຄວາມປອດໄພ
“ທຳຄວາມພະຍາຍາມຢ່າງສຸດຂີດ ເພື່ອຊ່ອຍກູ້ຊີວິດ ພວກນັກຮຽນຍິງເຫຼົ່ານັ້ນ.”
ໃນແລງວັນພຸດວານນີ້ ສູນກາງຂ່າວຮ່ວມຂອງໄນຈີເຣຍ ກ່າວວ່າ ໃນຈຳນວນພວກນັກ
ຮຽນທັງໝົດທີ່ຖືກລັກພາໂຕໄປ ຍັງເຫຼືອພຽງແຕ່ 8 ຄົນເທົ່ານັ້ນ ທີ່ຍັງຊອກຫາບໍ່ເຫັນ.
ໃນຖະແຫຼງການສະບັບນຶ່ງ ພົນຕີ Chris Olukolade ຫົວໜ້າຝ່າຍປ້ອງກັນ ກ່າວວ່າ
ນຶ່ງໃນຈຳນວນພວກກໍ່ການຮ້າຍ ທີ່ທຳການໂຈມຕີໂຮງຮຽນນັ້ນ ໄດ້ຖືກຈັບກຸມ.
ຍັງບໍ່ທັນມີຜູ້ໃດອ້າງເອົາຄວາມຮັບຜິດຊອບໃນຂັ້ນທຳອິດນີ້ເທື່ອ. ແຕ່ການບຸກໂຈມຕີນີ້
ແມ່ນຄ້າຍໆຄືກັນກັບ ການໂຈມຕີຕ່າງໆ ທີ່ກຸ່ມອິສລາມຫົວຮຸນແຮງ Boko Haram ເຄີຍ
ກະທຳມາ.
ເຫດການດັ່ງກ່າວໄດ້ເກີດຂຶ້ນໃນມື້ດຽວກັນ ກັບທີ່ລະເບີດໄດ້ແຕກຂຶ້ນຢູ່ສະຖານີລົດເມ
ແຫ່ງນຶ່ງ ທີ່ອັ່ງອໍໄປດ້ວຍຜູ້ຄົນ ໃນນະຄອນຫລວງອາບູຈາ ທີ່ໄດ້ສັງຫານຜູ້ຄົນໄປ ຢ່າງ
ໜ້ອຍ 75 ຄົນນັ້ນ.
ໃນວັນພຸດວານນີ້ ອົງການຂ່າວ AP ລາຍງານວ່າພວກມືປືນຈຸນຶ່ງໄດ້ທຳການໂຈມຕີ
ໝູ່ບ້ານແຫ່ງນຶ່ງໃນເມືອງ Gwoza ໃນພາກຕາເວັນອອກສຽງເໜືອ ຂອງໄນຈີເຣຍ
ເຮັດໃຫ້ປະຊາຊົນ ຢ່າງໜ້ອຍ 18 ຄົນເສຍຊີວິດ.
ຮຽກກອງປະຊຸມ ສະພາຄວາມໝັ້ນຄົງແຫ່ງຊາດ ຂອງ
ທ່ານຂຶ້ນໃນວັນພະຫັດມື້ນີ້ ທີ່ນະຄອນຫຼວງອາບູຈາ ຫຼັງ
ຈາກພວກທີ່ສົງໄສວ່າເປັນພວກຫົວຮຸນແຮງ ໄດ້ທຳການ
ໂຈມຕີຫຼາຍບັ້ນຕິດຕໍ່ກັນມາ ແລະລັກພາໂຕພວກເດັກ
ນັກຮຽນຍິງ ຈຳນວນຫຼາຍກວ່າ 100 ຄົນ ໄປ.
ທີ່ປຶກສາປະຈຳປະທານາທິບໍດີກ່າວວ່າ ທ່ານ Jonathan
ຈະທົບທວນເບິ່ງມາດຕະການແລະການປະຕິບັດງານດ້ານ
ຄວາມໝັ້ນຄົງຕ່າງໆໂດຍມີເປົ້າໝາຍເພື່ອ “ກຳນົດວິທີ
ທາງທີ່ດີທີ່ສຸດ ສຳຫລັບເດີນໜ້າຕໍ່ໄປ.”
ໃນຖະແຫຼງການສະບັບນຶ່ງໃນວັນພຸດວານນີ້ ທ່ານ Reuben Abati ທີ່ປຶກສາປະຈຳ
ປະທານາທິບໍດີ ກ່າວວ່າ ປະທານາທິບໍດີມີຄວາມເປັນຫ່ວງໂດຍສະເພາະກ່ຽວກັບການ
ລັກພາໂຕໃນວັນຈັນຜ່ານມານີ້ ພວກ ເດັກນັກຮຽນຍິງ ທີ່ກຳລັງຮຽນຢູ່ໃນໂຮງຮຽນມັດ
ທະຍົມແຫ່ງນຶ່ງ ໃນລັດ Borno ທາງພາກຕາເວັນອອກສຽງເໜືອ ຂອງປະເທດ.
ທ່ານ Abati ກ່າວວ່າ ປະທານາທິບໍດີ Jonathan ໄດ້ສັ່ງໃຫ້ກຳລັງຮັກສາຄວາມປອດໄພ
“ທຳຄວາມພະຍາຍາມຢ່າງສຸດຂີດ ເພື່ອຊ່ອຍກູ້ຊີວິດ ພວກນັກຮຽນຍິງເຫຼົ່ານັ້ນ.”
ໃນແລງວັນພຸດວານນີ້ ສູນກາງຂ່າວຮ່ວມຂອງໄນຈີເຣຍ ກ່າວວ່າ ໃນຈຳນວນພວກນັກ
ຮຽນທັງໝົດທີ່ຖືກລັກພາໂຕໄປ ຍັງເຫຼືອພຽງແຕ່ 8 ຄົນເທົ່ານັ້ນ ທີ່ຍັງຊອກຫາບໍ່ເຫັນ.
ໃນຖະແຫຼງການສະບັບນຶ່ງ ພົນຕີ Chris Olukolade ຫົວໜ້າຝ່າຍປ້ອງກັນ ກ່າວວ່າ
ນຶ່ງໃນຈຳນວນພວກກໍ່ການຮ້າຍ ທີ່ທຳການໂຈມຕີໂຮງຮຽນນັ້ນ ໄດ້ຖືກຈັບກຸມ.
ຍັງບໍ່ທັນມີຜູ້ໃດອ້າງເອົາຄວາມຮັບຜິດຊອບໃນຂັ້ນທຳອິດນີ້ເທື່ອ. ແຕ່ການບຸກໂຈມຕີນີ້
ແມ່ນຄ້າຍໆຄືກັນກັບ ການໂຈມຕີຕ່າງໆ ທີ່ກຸ່ມອິສລາມຫົວຮຸນແຮງ Boko Haram ເຄີຍ
ກະທຳມາ.
ເຫດການດັ່ງກ່າວໄດ້ເກີດຂຶ້ນໃນມື້ດຽວກັນ ກັບທີ່ລະເບີດໄດ້ແຕກຂຶ້ນຢູ່ສະຖານີລົດເມ
ແຫ່ງນຶ່ງ ທີ່ອັ່ງອໍໄປດ້ວຍຜູ້ຄົນ ໃນນະຄອນຫລວງອາບູຈາ ທີ່ໄດ້ສັງຫານຜູ້ຄົນໄປ ຢ່າງ
ໜ້ອຍ 75 ຄົນນັ້ນ.
ໃນວັນພຸດວານນີ້ ອົງການຂ່າວ AP ລາຍງານວ່າພວກມືປືນຈຸນຶ່ງໄດ້ທຳການໂຈມຕີ
ໝູ່ບ້ານແຫ່ງນຶ່ງໃນເມືອງ Gwoza ໃນພາກຕາເວັນອອກສຽງເໜືອ ຂອງໄນຈີເຣຍ
ເຮັດໃຫ້ປະຊາຊົນ ຢ່າງໜ້ອຍ 18 ຄົນເສຍຊີວິດ.
Your browser doesn’t support HTML5
nigeriaviolence17april14