ພວກທະຫານ ຈາກປະເທດ Chad ກ່າວວ່າ ເຂົາເຈົ້າໄດ້ພົບ
ເຫັນຊາກສົບຫຼາຍກວ່າ 100 ສົບຢູ່ໃນຂຸມຝັງສົບໃຫຍ່ຢູ່ເມືອງ
Damasak ຂອງ Nigria ຫຼັງ ຈາກໄດ້ຊ່ວຍປົດປ່ອຍເມືອງດັ່ງ
ກ່າວ ຈາກພວກຫົວຮຸນແຮງ Boko Haram.
ພວກທະຫານກ່າວວ່າ ຜູ້ເຄາະຮ້າຍຈຳນວນນຶ່ງໄດ້ຖືກປາດຄໍ.
ເຂົາເຈົ້າເວົ້າວ່າ ຂຸມຝັງສົບຂະໜາດໃຫຍ່ນີ້ໄດ້ພົບເຫັນຢູ່ກ້ອງ
ຂົວ ນອກເມືອງ.
ບັນດາຜູ້ເຫັນເຫດການກ່າວວ່າ ສະພາບຂອງຊາກສົບສະແດງ
ໃຫ້ເຫັນວ່າ ໄດ້ຖືກສັງຫານມາດົນນານຊົ່ວໄລຍະນຶ່ງແລ້ວ.
ພວກຫົວຮຸນແຮງອິສລາມ Boko Haram ໄດ້ເຂົ້າຍຶດເອົາເມືອງ Damasak ໃກ້ກັບຊາຍ
ແດນ Niger ໃນເດືອນພະຈິກປີກາຍ ແຕ່ວ່າ ກຳລັງທະຫານຈາກ Niger ແລະ Chad ຫາ
ກໍ່ເຂົ້າຍຶດເອົາເມືອງດັ່ງກ່າວຄືນມາຫວ່າງມໍ່ໆມານີ້ ອັນເປັນພາກສ່ວນນຶ່ງ ໃນຄວາມພະຍາ
ຍາມຂອງກຳລັງນາໆຊາດຕ້ານພວກຫົວຮຸນແຮງນັ້ນ.
ແຜ່ນທີ່ໄນຈີເຣຍ
ກຸ່ມ Boko Haram ໄດ້ກໍ່ກະບົດຂຶ້ນຢູ່ໃນພາກເໜືອຂອງ
Nigeria ໃນໄລຍະຫົກປີທີ່ຜ່ານມາ ອັນເປັນສາເຫດໃຫ້
ຫລາຍພັນຄົນເສຍຊີວິດ ແລະຫລາຍກວ່ານຶ່ງລ້ານຄົນ
ຖືກຂັບໄລ່ໃຫ້ໜີອອກຈາກບ້ານເຮືອນເຂົາເຈົ້າ.
ຫລັງຈາກ ກຸ່ມດັ່ງກ່າວ ໄດ້ຂະຫຍາຍການໂຈມຕີ ເມື່ອໄວໆ
ມານີ້ ໄປສູ່ປະເທດ ເພື່ອນບ້ານ ປະເທດເຫຼົ່ານັ້ນຈຶ່ງໄດ້ຮ່ວມ
ສົມທົບກຳລັງກັບ Nigeria ບຸກໂຈມຕີ ຕ້ານຄືນ ຊຶ່ງໄດ້ປະສົບ
ຜົນສຳເລັດໃນການຍາດເອົາເມືອງຕ່າງໆຄືນມາໃນທົ່ວພາກ
ຕາ ເວັນອອກສຽງເໜືອຂອງ Nigeria ໃນເດືອນແລ້ວ.
ໃນຕົ້ນອາທິດນີ້ ເຖິງຢ່າງໃດກໍດີກຸ່ມ Boko Hamrtam ໄດ້ສັງຫານຢ່າງໜ້ອຍ 10 ຄົນ ຢູ່ເມືອງ Gomboru ຊຶ່ງເປັນເມືອງຊາຍແດນຂອງ Nigeria ທີ່ພິສູດໃຫ້ເຫັນວ່າ ກຸ່ມຫົວຮຸນ
ແຮງດັ່ງກ່າວຍັງສາມາດທຳການໂຈມຕີໄດ້ ເຖິງແມ່ນວ່າ ໄດ້ຖືກຂັບໄລ່ໃຫ້ແຕກຖອຍໄປ
ແລ້ວກໍຕາມ.
ເບິ່ງວີດີໂອກ່ຽວຂ້ອງ:
Your browser doesn’t support HTML5
Will Violence That Marred 2011 Nigeria Elections Be Repeated? Africa 54 Takes a Look