ອົງການ Global Witness ລາຍງານວ່າ ລັດວິສາຫະກິດຈາກ
ຫວຽດນາມ ມີສ່ວນກ່ຽວຂ້ອງກັບການຕັດໄມ້ທໍາລາຍປ່າ ແລະ
ການຍາດຊິງເອົາທີ່ດິນຂອງປະຊາຊົນໃນລາວ ແລະກໍາປູເຈຍ
ອົງການ Global Witness ຈາກ ປະເທດອັງກິດ ຊຶ່ງໄດ້ດໍາເນີນການ ເກັບກໍາຂໍ້ມູນ ແລະ ກວດກາກ່ຽວກັບສະພາບການທໍາລາຍຊັບພະຍາກອນທໍາມະຊາດໃນເຂດລຸ່ມແມ່ນໍ້າ ຂອງ ລາຍງານວ່າ ກຸ່ມບໍລິສັດ Hoang Anh Gia Lai (HAGL) ຈາກຫວຽດນາມ ໄດ້ດໍາເນີນທຸລະກິດທີ່ລະເມີດຕໍ່ພັນທະສັນຍາວ່າດ້ວຍການອະນຸລັກສິ່ງແວດລ້ອມທໍາມະຊາດ ແລະການພັດທະນາທາງສັງຄົມ ທັງໃນລາວ ແລະກໍາປູເຈຍ.
ໂດຍລາຍງານຂອງອົງການ Global Witness ດັ່ງກ່າວນີ້ ໄດ້ລະບຸວ່າ ກຸ່ມບໍລິສັດ HAGL ໄດ້ມີສ່ວນກ່ຽວຂ້ອງທັງໃນການຕັດໄມ້ທໍາລາຍປ່າ ແລະການຍາດຊິງເອົາທີ່ດິນຂອງປະຊາຊົນໃນ ລາວ ແລະກໍາປູເຈຍຢ່າງກວ້າງຂວາງ ໂດຍສະເພາະແມ່ນການຍາດຊິງເອົາທີ່ດິນຂອງປະຊາຊົນ ລາວ ແລະກໍາປູເຈຍ ໄປເປັນສ່ວນນຶ່ງໃນເຂດສໍາປະທານ ທີ່ດິນຂອງບໍລິສັດນັ້ນ ກໍປາກົດວ່າ ບໍລິສັດ HAGL ກໍເປັນ 1 ໃນ 2 ບໍລິສັດຈາກຫວຽດ ນາມ ທີ່ມີສ່ວນໃນການຍາດຊິງເອົາທີ່ດິນຂອງປະຊາຊົນລາວ ແລະກໍາປູເຈຍ ຄິດເປັນເນື້ອທີ່ລວມກັນກວ້າງກວ່າ 3.7 ລ້ານເຮັກຕ້າ.
ກຸ່ມບໍລິສັດ HAGL ເປັນບໍລິສັດໃຫຍ່ອັນດັບທີ 2 ໃນຕະຫຼາດຮຸ້ນຫວຽດນາມ ທີ່ມີການລົງທຶນທັງ ໃນ ແລະຕ່າງປະເທດ ໂດຍສໍາລັບລາວນັ້ນ ກໍໄດ້ເນັ້ນໜັກການລົງທຶນໃນດ້ານການປູກຢາງພາຣາ ການຂຸດຄົ້ນແຮ່ທາດ ການກໍ່ສ້າງເຂື່ອນຜະລິດໄຟຟ້າ ແລະອຸດສາຫະກໍາການແປຮູບໄມ້ ທີ່ຄິດເປັນມູນຄ່າການລົງທຶນໃນລາວ ລວມກັນຫຼາຍກວ່າ 1,000 ລ້ານໂດລ່າ.
ໂດຍໃນປັດຈຸບັນນີ້ ກຸ່ມບໍລິສັດ HAGL ທີ່ມີພື້ນທີ່ສໍາປະທານ
ສໍາລັບການປູກຢາງພາຣາ ກວ້າງກວ່າ 25,000 ເຮັກຕ້າ ໃນ
ແຂວງອັດຕະປື ແລະກໍາລັງຂຸດຄົ້ນແຮ່ເຫຼັກຢູ່ໃນເຂດເມືອງກະ
ລຶມ ກັບເມືອງທ່າແຕງ ໃນແຂວງເຊກອງ ທັງຍັງຈະລົງທຶນກໍ່
ສ້າງເຂື່ອນນໍ້າກົງ ເຂື່ອນນໍ້າເອັດ ແລະເຂື່ອນເຊກອງຢູ່ໃນລາວ
ດ້ວຍ ເປົ້າໝາຍທີ່ຈະສົ່ງກະແສໄຟຟ້າໄປຂາຍຍັງຫວຽດນາມ
ອີກດ້ວຍ.
ຍິ່ງໄປກວ່ານັ້ນ ກຸ່ມບໍລິສັດ HAGL ກໍໄດ້ລົງທຶນສ້າງສະໜາມ
ບິນ ຢູ່ແຂວງອັດຕະປື ແລະແຂວງ ຫົວພັນ ຊຶ່ງເປັນການລົງທຶນ
ແລະດໍາເນີນການກໍ່ສ້າງສະໜາມບິນ ທັງ 2 ແຫ່ງ ໃຫ້ກ່ອນ ໂດຍ ລັດຖະບານລາວ ຈະຕ້ອງຊໍາລະຄືນໃນພາຍຫຼັງຄິດເປັນມູນຄ່າລວມຫຼາຍກວ່າ 110 ລ້ານໂດລ່າ ທີ່ແບ່ງເປັນການລົງທຶນສ້າງສະໜາມບິນ ທີ່ແຂວງອັດຕະປືໃນມູນຄ່າ 36 ລ້ານໂດລ່າ ສ່ວນ 74 ລ້ານໂດລ່າ ທີ່ເຫຼືອນັ້ນ ກໍເປັນການລົງ ທຶນສ້າງສະໜາມບິນທີ່ແຂວງຫົວພັນ ຕາມລໍາດັບ ທັງນີ້ກໍເນື່ອງຈາກວ່າລັດຖະບານ ລາວບໍ່ມີງົບປະມານທີ່ຈະດໍາເນີນການດ້ວຍ ຕົນເອັງ ດັ່ງທີ່ເຈົ້າໜ້າທີ່ຂັ້ນສູງ ໃນກົມການບິນພົນລະເຮືອຂອງລາວ ໄດ້ໃຫ້ການຊີ້ ແຈງວ່າ:
“ຄັນວ່າເວົ້າເລຶ່ອງພື້ນຖານໂຄງຮ່າງນີ້ ກໍບໍ່ສາມາດຂ້າມສະໜາມບິນ ໂດຍສະເພາະແມ່ນລັດ ຖະບານໄດ້ມີແຜນການລະຫວ່າງ ສາມປະເທດ ກໍຄື ລາວ ກໍາ ປູເຈຍ ແລະຫວຽດນາມ ເພື່ອສ້າງເຂດເສດຖະກິດພິເສດລະຫວ່າງປະເທດ ສະນັ້ນ ເພື່ອຮັບຮອງໃຫ້ກັບການພັດທະນາ ລັດຖະບານຈຶ່ງໄດ້ກູ້ຢືມຈາກ Hoang Anh Gia Lai ເພື່ອໃຫ້ Hoang Anh Gia Lai ນີ້ ສ້າງສະໜາມບິນຢູ່ແຂວງອັດຕະປື.”
ການກໍ່ສ້າງສະໜາມບິນ ທັງສອງແຫ່ງດັ່ງກ່າວ ຈະສໍາເລັດ ແລະເປີດໃຊ້ພາຍໃນປີ 2015 ໂດຍສໍາລັບສະໜາມບິນ ຢູ່ທີ່ແຂວງອັດຕະປືນັ້ນ ຈະມີທາງແລ່ນຂຶ້ນລົງ ຫຼື Runway ຍາວ 1,850 ແມັດ ກວ້າງ 30 ແມັດ ສາມາດຮອງຮັບເຮືອບິນຂະໜາດ 70-100 ບ່ອນນັ່ງ ສ່ວນສະໜາມບິນຢູ່ແຂວງຫົວພັນນັ້ນ ກໍເປັນແບບດຽວກັນ.
ແຕ່ຢ່າງໃດກໍຕາມ ການທີ່ອົງການ Global Witness ໄດ້ສະເໜີລາຍງານດັ່ງກ່າວ ທັງກໍຍັງໄດ້ຮຽກຮ້ອງ ຂໍໃຫ້ບັນດາສະຖາບັນການເງິນລະຫວ່າງປະເທດຖອນການສະໜັບ ສະໜຸນດ້ານເງິນທຶນທີ່ໃຫ້ກັບກຸ່ມບໍລິສັດ HAGL ດ້ວຍນັ້ນ ກໍຍ່ອມທີ່ຈະສົ່ງຜົນກະທົງເຖິງການລົງທຶນ ຂອງກຸ່ມບໍລິ ສັດດັ່ງກ່າວນີ້ໃນລາວດ້ວຍ ຖ້າຫາກວ່າ ສະຖາບັນການເງິນລະຫວ່າງປະເທດປະຕິບັດຕາມການຮຽກຮ້ອງດັ່ງກ່າວຂອງອົງການ Global Witness ໃນໄລຍະຕໍ່ໄປ.
ຫວຽດນາມ ມີສ່ວນກ່ຽວຂ້ອງກັບການຕັດໄມ້ທໍາລາຍປ່າ ແລະ
ການຍາດຊິງເອົາທີ່ດິນຂອງປະຊາຊົນໃນລາວ ແລະກໍາປູເຈຍ
Your browser doesn’t support HTML5
ຟັງລາຍງານ ບໍລິສັດຫວຽດນາມຕັດໄມ້ທໍາລາຍປ່າ ໃນລາວ
ອົງການ Global Witness ຈາກ ປະເທດອັງກິດ ຊຶ່ງໄດ້ດໍາເນີນການ ເກັບກໍາຂໍ້ມູນ ແລະ ກວດກາກ່ຽວກັບສະພາບການທໍາລາຍຊັບພະຍາກອນທໍາມະຊາດໃນເຂດລຸ່ມແມ່ນໍ້າ ຂອງ ລາຍງານວ່າ ກຸ່ມບໍລິສັດ Hoang Anh Gia Lai (HAGL) ຈາກຫວຽດນາມ ໄດ້ດໍາເນີນທຸລະກິດທີ່ລະເມີດຕໍ່ພັນທະສັນຍາວ່າດ້ວຍການອະນຸລັກສິ່ງແວດລ້ອມທໍາມະຊາດ ແລະການພັດທະນາທາງສັງຄົມ ທັງໃນລາວ ແລະກໍາປູເຈຍ.
ໂດຍລາຍງານຂອງອົງການ Global Witness ດັ່ງກ່າວນີ້ ໄດ້ລະບຸວ່າ ກຸ່ມບໍລິສັດ HAGL ໄດ້ມີສ່ວນກ່ຽວຂ້ອງທັງໃນການຕັດໄມ້ທໍາລາຍປ່າ ແລະການຍາດຊິງເອົາທີ່ດິນຂອງປະຊາຊົນໃນ ລາວ ແລະກໍາປູເຈຍຢ່າງກວ້າງຂວາງ ໂດຍສະເພາະແມ່ນການຍາດຊິງເອົາທີ່ດິນຂອງປະຊາຊົນ ລາວ ແລະກໍາປູເຈຍ ໄປເປັນສ່ວນນຶ່ງໃນເຂດສໍາປະທານ ທີ່ດິນຂອງບໍລິສັດນັ້ນ ກໍປາກົດວ່າ ບໍລິສັດ HAGL ກໍເປັນ 1 ໃນ 2 ບໍລິສັດຈາກຫວຽດ ນາມ ທີ່ມີສ່ວນໃນການຍາດຊິງເອົາທີ່ດິນຂອງປະຊາຊົນລາວ ແລະກໍາປູເຈຍ ຄິດເປັນເນື້ອທີ່ລວມກັນກວ້າງກວ່າ 3.7 ລ້ານເຮັກຕ້າ.
ກຸ່ມບໍລິສັດ HAGL ເປັນບໍລິສັດໃຫຍ່ອັນດັບທີ 2 ໃນຕະຫຼາດຮຸ້ນຫວຽດນາມ ທີ່ມີການລົງທຶນທັງ ໃນ ແລະຕ່າງປະເທດ ໂດຍສໍາລັບລາວນັ້ນ ກໍໄດ້ເນັ້ນໜັກການລົງທຶນໃນດ້ານການປູກຢາງພາຣາ ການຂຸດຄົ້ນແຮ່ທາດ ການກໍ່ສ້າງເຂື່ອນຜະລິດໄຟຟ້າ ແລະອຸດສາຫະກໍາການແປຮູບໄມ້ ທີ່ຄິດເປັນມູນຄ່າການລົງທຶນໃນລາວ ລວມກັນຫຼາຍກວ່າ 1,000 ລ້ານໂດລ່າ.
ສວນປູກຢາງພາລາ ທີ່ລົງທຶນໂດຍບໍລິສັດຫວຽດນາມ
ໂດຍໃນປັດຈຸບັນນີ້ ກຸ່ມບໍລິສັດ HAGL ທີ່ມີພື້ນທີ່ສໍາປະທານ
ສໍາລັບການປູກຢາງພາຣາ ກວ້າງກວ່າ 25,000 ເຮັກຕ້າ ໃນ
ແຂວງອັດຕະປື ແລະກໍາລັງຂຸດຄົ້ນແຮ່ເຫຼັກຢູ່ໃນເຂດເມືອງກະ
ລຶມ ກັບເມືອງທ່າແຕງ ໃນແຂວງເຊກອງ ທັງຍັງຈະລົງທຶນກໍ່
ສ້າງເຂື່ອນນໍ້າກົງ ເຂື່ອນນໍ້າເອັດ ແລະເຂື່ອນເຊກອງຢູ່ໃນລາວ
ດ້ວຍ ເປົ້າໝາຍທີ່ຈະສົ່ງກະແສໄຟຟ້າໄປຂາຍຍັງຫວຽດນາມ
ອີກດ້ວຍ.
ຍິ່ງໄປກວ່ານັ້ນ ກຸ່ມບໍລິສັດ HAGL ກໍໄດ້ລົງທຶນສ້າງສະໜາມ
ບິນ ຢູ່ແຂວງອັດຕະປື ແລະແຂວງ ຫົວພັນ ຊຶ່ງເປັນການລົງທຶນ
ແລະດໍາເນີນການກໍ່ສ້າງສະໜາມບິນ ທັງ 2 ແຫ່ງ ໃຫ້ກ່ອນ ໂດຍ ລັດຖະບານລາວ ຈະຕ້ອງຊໍາລະຄືນໃນພາຍຫຼັງຄິດເປັນມູນຄ່າລວມຫຼາຍກວ່າ 110 ລ້ານໂດລ່າ ທີ່ແບ່ງເປັນການລົງທຶນສ້າງສະໜາມບິນ ທີ່ແຂວງອັດຕະປືໃນມູນຄ່າ 36 ລ້ານໂດລ່າ ສ່ວນ 74 ລ້ານໂດລ່າ ທີ່ເຫຼືອນັ້ນ ກໍເປັນການລົງ ທຶນສ້າງສະໜາມບິນທີ່ແຂວງຫົວພັນ ຕາມລໍາດັບ ທັງນີ້ກໍເນື່ອງຈາກວ່າລັດຖະບານ ລາວບໍ່ມີງົບປະມານທີ່ຈະດໍາເນີນການດ້ວຍ ຕົນເອັງ ດັ່ງທີ່ເຈົ້າໜ້າທີ່ຂັ້ນສູງ ໃນກົມການບິນພົນລະເຮືອຂອງລາວ ໄດ້ໃຫ້ການຊີ້ ແຈງວ່າ:
“ຄັນວ່າເວົ້າເລຶ່ອງພື້ນຖານໂຄງຮ່າງນີ້ ກໍບໍ່ສາມາດຂ້າມສະໜາມບິນ ໂດຍສະເພາະແມ່ນລັດ ຖະບານໄດ້ມີແຜນການລະຫວ່າງ ສາມປະເທດ ກໍຄື ລາວ ກໍາ ປູເຈຍ ແລະຫວຽດນາມ ເພື່ອສ້າງເຂດເສດຖະກິດພິເສດລະຫວ່າງປະເທດ ສະນັ້ນ ເພື່ອຮັບຮອງໃຫ້ກັບການພັດທະນາ ລັດຖະບານຈຶ່ງໄດ້ກູ້ຢືມຈາກ Hoang Anh Gia Lai ເພື່ອໃຫ້ Hoang Anh Gia Lai ນີ້ ສ້າງສະໜາມບິນຢູ່ແຂວງອັດຕະປື.”
ການກໍ່ສ້າງສະໜາມບິນ ທັງສອງແຫ່ງດັ່ງກ່າວ ຈະສໍາເລັດ ແລະເປີດໃຊ້ພາຍໃນປີ 2015 ໂດຍສໍາລັບສະໜາມບິນ ຢູ່ທີ່ແຂວງອັດຕະປືນັ້ນ ຈະມີທາງແລ່ນຂຶ້ນລົງ ຫຼື Runway ຍາວ 1,850 ແມັດ ກວ້າງ 30 ແມັດ ສາມາດຮອງຮັບເຮືອບິນຂະໜາດ 70-100 ບ່ອນນັ່ງ ສ່ວນສະໜາມບິນຢູ່ແຂວງຫົວພັນນັ້ນ ກໍເປັນແບບດຽວກັນ.
ແຕ່ຢ່າງໃດກໍຕາມ ການທີ່ອົງການ Global Witness ໄດ້ສະເໜີລາຍງານດັ່ງກ່າວ ທັງກໍຍັງໄດ້ຮຽກຮ້ອງ ຂໍໃຫ້ບັນດາສະຖາບັນການເງິນລະຫວ່າງປະເທດຖອນການສະໜັບ ສະໜຸນດ້ານເງິນທຶນທີ່ໃຫ້ກັບກຸ່ມບໍລິສັດ HAGL ດ້ວຍນັ້ນ ກໍຍ່ອມທີ່ຈະສົ່ງຜົນກະທົງເຖິງການລົງທຶນ ຂອງກຸ່ມບໍລິ ສັດດັ່ງກ່າວນີ້ໃນລາວດ້ວຍ ຖ້າຫາກວ່າ ສະຖາບັນການເງິນລະຫວ່າງປະເທດປະຕິບັດຕາມການຮຽກຮ້ອງດັ່ງກ່າວຂອງອົງການ Global Witness ໃນໄລຍະຕໍ່ໄປ.