ອີກສອງມື້ເທົ່ານັ້ນ ກໍຈະຮອດ ວັນປີໃໝ່ສາກົນແລ້ວ ຫລາຍໆທ່ານກໍຄົງມີ ແຜນການຈະໄປສະຫລອງ ສົ່ງທ້າຍປີເກົ່າ ຕ້ອນຮັບປີໃໝ່ກັນໃນແລງວັນຈັນມື້ອື່ນ. ແນວໃດກໍຕາມ ມາເລີ້ມສະຫລອງກັນແຕ່ຄືນນີ້ເລີຍ ດ້ວຍການຟັງເພງປີໃໝ່ ມ່ວນໆ ທີ່ດາຣາໄດ້ກຽມມາ ອ່ວຍພອນທ່ານລ່ວງໜ້າ.
Your browser doesn’t support HTML5
ຟັງເພງ Auld Lang Syne ຂອງອາເລັກແຊນດຣາ ບຸນຊ່ວຍ
ສະບາຍດີ ທ່ານຜູ້ຟັງທີ່ເຄົາລົບ ເປັນແນວໃດເພງ Auld Lang
Syne ຂອງນັກຮ້ອງສາວລູກເຄິ່ງ ລາວ-ບູລກາຣີ ທີ່ທຸກໆທ່ານ
ຄົງຈະຮູ້ຈັກກັນດີ ອາເລັກແຊນດຣາ ຫລື ທິດາວັນ ບຸນຊ່ວຍ ທີ່
ຫາກໍຮຽນຈົບປະລິນຍາໂທຈາກປະເທດຍິ່ປຸ່ນ. ເພງ Auld
Lang Syne ນີ້ກໍເປັນເພງທີ່ຮ້ອງກັນໃນຄືນວັນທ້າຍປີເກົ່າ
ແລະຕ້ອບຮັບປີໃໝ່ ເພື່ອລະນຶກເຖິງສິ່ງທີ່ດີໆ ເຊ່ນເພື່ອນຝຸງ
ແລະມິດຕະພາບອັນອົບອຸ່ນ ທີ່ໄດ້ປະສົບພົບພໍ້ມາ ໃນປີທີ່ກໍາ
ລັງຈະສິ້ນສຸດລົງ.
http://www.youtube.com/embed/7w8048VXyFU?list=PLE1F3C4000C0B347A
ພ້ອມດຽວກັນນັ້ນ ກໍອ່ວຍພອນປີໃໝ່ໃຫ້ກັນແລະກັນ ຊຶ່ງບັນຍາກາດໃນງານສະຫລອງ
ກໍຄ້າຍຄືກັບໃນເພງພາສາອັງກິດ version ນີ້ຂອງ Mariah Carey ນັກຮ້ອງຊື່ດັງຂອງ
ອາເມຣິກາ:
Your browser doesn’t support HTML5
ຟັງເພງ Auld Lang Syne ຂອງ Mariah Carey
ຟັງໄດ້ແຕ່ສອງເພງ ກໍຈະຕ້ອງໄດ້ອໍາລາຈາກກັນແລ້ວ ທ່ານທີ່ເຄົາລົບ ເພາະວ່າເວລາຂອງ ເຮົາມີ ໜ້ອຍຫລາຍ. ສະນັ້ນ ຂ້າພະເຈົ້າກໍຂໍອ່ວຍພອນໃຫ້ທຸກໆທ່ານ ຈົ່ງມີແຕ່ຄວາມສຸກ ສົມຫວັງ ພະລານາໄມດີເລີດຕະຫລອດປີໃໝ່ທີ່ຈະມາເຖິງນີ້ ແລະຂໍອ່ວຍພອນໃຫ້ພີ່ນ້ອງ ລາວທຸກຖ້ວນໜ້າ ຈົ່ງປະສົບພົບພໍ້ແຕ່ຄວາມຈະເລີນຮຸ່ງເຮືອງ ແລະຄວາມກ້າວໜ້າໃນ ການດໍາລົງຊີວິດ ທັງຢູ່ພາຍໃນແລະຕ່າງປະເທດ ແລະຂໍໃຫ້ຮັກແພງ ຊ່ວຍເຫລືອເອື້ອເຟື້ອ ເຜື່ອແພ່ຊຶ່ງ ກັນແລະກັນ ດັ່ງໃນເພງນີ້ ປີໃໝ່ມາແລ້ວ ຂອງອະນຸສັກ ທໍາມະວົງສາ ແຫ່ງ ວົງດົນຕີສາຍສໍາພັນ ທີ່ປະເທດການາດາ. ລາຕີສະວັດ.
Your browser doesn’t support HTML5
ຟັງເພງ ປີໃໝ່ມາແລ້ວ ຂອງອະນຸສັກ ທໍາມະວົງສາ
ຂໍແຖມພອນໃນເພງ ສະວັດດີປີໃໝ່ ຂອງພົມມະ ພິມມະສອນ
ແລະພອນ ພູມີທອນ ແກ່ທ່ານຜູ້ອ່ານເວັບໄຊ້ທຸກໆທ່ານ: