ພວກທີ່ມີສິດປ່ອນບັດແມ່ນກຳລັງອອກໄປລົງຄະແນນສຽງ
ເລືອກຕັ້ງ ໃນວັນອັງຄານມື້ນີ້ ໃນ Israel ບ່ອນທີ່ນາຍົກ
ລັດຖະມົນຕີ Israel ທ່ານBenjamin Netanyahu ກຳລັງຫາທາງໃຫ້ໄດ້ກຳຕຳແໜ່ງເປັນສະໄໝທີ 4.
ການສຳຫຼວດຫຼ້າສຸດກ່ອນການເລືອກຕັ້ງ ຂອງສະມາຊິກ
ສະພາ 120 ທ່ານສະແດງໃຫ້ເຫັນວ່າ ພັກ Likud ນິຍົມ
ແນວທາງເດີມ ຂອງທ່ານ Netanyahu ຕາມຫຼັງບໍ່ເທົ່າໃດ
ບ່ອນນັ່ງ ຕໍ່ພັນທະມິດນຳພາໂດຍ Zionist Union ທີ່ເປັນ
ກາງອຽງຊ້າຍ ຂອງທ່ານ Isaac Herzog.
ບໍ່ຄາດວ່າທັງສອງພັກຈະສາມາດຈະຊະນະສຽງຫຼາຍເຖິງ 61 ບ່ອນນັ່ງ ໃນລັດຖະສະ ຊຶ່ງມັນ
ໄດ້ມີການປຸກລະດົມຫາສຽງ ທີ່ນຳສະເໜີໂດຍຜູ້ລົງສະໝັກ ທີ່ຮຽກໃຫ້ມີການສະໜັບສະນຸນ ຈາກກຸ່ມນ້ອຍໆ ທັງຫຼາຍ ນັບແຕ່ພັກຄອມມຸຍນີສ ແລະພັກທີ່ນຳພາໂດຍອາຣັບ ຕະຫລອດ ເຖິງພັກຊາວຢິວ ທີ່ນິຍົມແນວທາງດັ້ງເດີມ.
ທ່ານNetanyahu ຮຽກໃຫ້ມີການປ່ອນບັດໃນວັນອັງຄານມື້ນີ້ ເມື່ອ 3 ເດືອນ ຕອນທີ່ທ່ານ
ໄດ້ປົດຄູ່ຕຳແໜ່ງຜູ້ອາວຸໂສນັ້ນອອກ. ນັກວິໄຈກ່າວວ່າ ການເລືອກຕັ້ງນີ້ ໄດ້ກາຍມາເປັນປະ
ຊາມະຕິ ກ່ຽວກັບການເປັນຜູ້ນຳຂອງນາຍົກລັດຖະມົນຕີ.
ກ່ອນການລົງປ່ອນບັດເລືອກຕັ້ງ ທ່ານ Netanyahu ໄດ້ຕ່າວປື້ນທ່າທີຂອງທ່ານກ່ອນ ໜ້າ
ນີ້ ກ່ຽວກັບລັດ Palestine ໂດຍໄດ້ກ່າວໃນວັນຈັນວານນີ້ວ່າ ທ່ານຈະບໍ່ສະໜັບສະໜຸນ ໃຫ້ສ້າງຕັ້ງລັດ Palestine ຂຶ້ນ ຕາບໃດທີ່ທ່ານຍັງສືບຕໍ່ດຳລົງຕຳແໜ່ງຢູ່ນັ້ນ.
ຊາວອິສຣາແອລ ໄປປ່ອນບັດ ເລືອກຕັ້ງ