Your browser doesn’t support HTML5
ຟັງສາລະຄະດີເທັກໂນໂລຈີ ກ່ຽວກັບວິວັດທະນາການໃໝ່ຂອງເຄື່ອງກອງນ້ຳ
ນ້ຳດື່ມທີ່ສະອາດແມ່ນເປັນສິ່ງຈຳເປັນໃນການປ້ອງກັນໂຣກຕ່າງໆ
ແລະເພື່ອໃຫ້ມີສຸຂພາບດີ. ແຕ່ ອິງຕາມອົງການອະນາໄມໂລກ
ແລ້ວແມ່ນວ່າ ຜູ້ຄົນ ປະມານ 663 ລ້ານຄົນ ຊຶ່ງເປັນນຶ່ງໃນແຕ່
ລະສິບຄົນໃດໃນໂລກ ແມ່ນບໍ່ມີນ້ຳດື່ມນໍ້າໃຊ້ທີ່ປອດໄພ. ພວກເຄື່ອງກອງນ້ຳທີ່ລາຄາແພງ ຍິ່ງເຮັດໃຫ້ຫຼາຍໆປະຊາຄົມ
ທ່ານນາງໄດ້ເຕີບໃຫຍ່ຢູ່ໃນປະເທດຈີນ ໄດ້ຮຽນຮູ້ຄຸນຄ່າຂອງນໍ້າດື່ມທີ່ສະອາດ ຕັ້ງແຕ່ຕອນ
ຍັງນ້ອຍໆ.
ໃນປະຈຸບັນນີ້ ທີ່ມະຫາວິທະຍາໄລແຫ່ງລັດ California ທີ່ Berkeley ວິສະວະກອນ ສະພາບແວດລ້ອມຜູ້ນີ້ ກຳລັງປະດິດເນື້ອເຫຍື່ອຫຸ້ມແຊລແບບໃໝ່ ທີ່ເປັນຊິ້ນນສ່ວນສຳຄັນ ທີ່ມີປະສິດທິພາບທີ່ດີກວ່າ ເທັກໂນໂລຈີການກັ່ນກອງນ້ຳ ໃນປະຈຸບັນ ແລະປະຢັດພະລັງ
ງານໃນຂັ້ນຕອນການປະຕິບັດງານດີກວ່າ.
ເຄື່ອງກອງນໍ້າທີ່ວ່ານີ້ ປະກອບດ້ວຍ graphene ທີ່ບາງກວ່າເສັ້ນຜົມມະນຸດ 100 ພັນເທື່ອ.
ທ່ານນາງ ບາວShahມີ ຮອງອາຈານສອນມະຫາວິທະຍາໄລແຫ່ງລັດ California ທີ່ Berkeley ກ່າວວ່າ “ພວກເຮົາເຮັດເຄ່ືອງກອງດັ່ງກ່າວດ້ວຍ graphite ຊຶ່ງເປັນວັດຖຸ ເຊັ່ນສິ່ງທີ່ພວກເຮົາໃຊ້ໃນສໍຂຽນໜັງສືເປັນຕົ້ນ ຊຶ່ງລາຄາຖືກແລະມີຖົມເຖໄປ ເພາະສະນັ້ນເຮົາຈຶ່ງໃຊ້ມັນໄດ້ ແລະຂັ້ນຕອນຕ່າງໆໃນການເຮັດມັນ ຈາກ graphite ມາເປັນ graphene oxide ຄວາມຈິງແລ້ວ ກໍແມ່ນພໍຂູດອອກມາໄດ້ງ່າຍສົມຄວນ.”
ນັ້ນກໍໝາຍຄວາມວ່າ ເນື້ອເຫຍື່ອຫຸ້ມແຊລນັ້ນອາດສາມາດປັບໃຫ້ເປັນເຄື່ອງກອງນ້ຳມາຈາກກ໊ອກ ດັ່ງດຽວກັນກັບລະບົບທີ່ໃຫຽ່ ທີ່ໃຊ້ກອງນໍ້າທີ່ບໍ່ສະອາດທົ່ວໄປ.
ເນື້ອເຫຍື່ອຫຸ້ມແຊລນີ້ ມີລັກຊະນະຄືກັນກັບແລວນໍ້າທີ່ເປັນເມັດນ້ອຍທີ່ສຸດ. ນ້ຳຈະໄຫຼຜ່ານຊັ້ນຕ່າງໆ ທີ່ມີຊ່ອງວ່າງຫ່າງກັນ ທີ່ອອກແບບມາເພື່ອແຍກເອົາຂອງເສຍ ຫຼື ສິ່ງທີ່ບໍ່ດີນັ້ນຖິ້ມ.
ທ່ານນາງ Baoxia ຮອງອາຈານສອນມະຫາວິທະຍາໄລແຫ່ງລັດ California ທີ່ Berkeley ກ່າວວ່າ “ໃນການທີ່ຈະເອົາຖິ້ມ ວັດຖຸນ້ອຍໆ ຫຼື molecules ທີ່ເປັນເປົ້າໝາຍນັ້ນ ແນວ ຄິດແບບກົງໆກໍຄື ການຈັດຊ່ອງລະຫວ່າງຊັ້ນຕ່າງໆໃຫ້ດີ.”
ພວກນັກຄົ້ນຄ້ວາເຫຼົ່ານັ້ນພວມພາກັນເຮັດວຽກເພື່ອທຳການປັບປຸງຕໍ່ໄປ. ພວກເຂົາເຈົ້າຫວັງວ່າ ວຽກງານຂອງພວກເພິ່ນຈະສາມາດປະກອບສ່ວນແກ້ໄຂບັນຫາຊ່ອງທາງການກັ່ນກອງນ້ຳໄດ້ໃນທົ່ວໂລກ ເພື່ອເຮັດໃຫ້ນ້ຳສະອາດທີ່ໃຜໆກໍສາມາດຊື້ໄດ້ ແລະມີໃຫ້ທຸກໆຄົນໃນທຸກ
ຫົນແຫ່ງ.