ປະມຸກທີ່ເປັນພົນລະເຮືອນຄົນທຳອິດຂອງມຽນມາໄດ້ສາບານ
ໂຕເຂົ້າຮັບຕຳແໜ່ງໃນຮອບຫ້າທົດສະວັດກວ່າໆ.
ທ່ານ Htin Kyaw ອາຍຸ 70 ປີ ໄດ້ສາບານໂຕເຂົ້າຮັບຕຳແໜ່ງ
ໃນວັນວັນພຸດມື້ນີ້ ໃນພິທີທີ່ຈັດຂຶ້ນເປັນເວລາສັ້ນໆ ຕໍ່ໜ້າກອງ
ປະຊຸມຮ່ວມ ຂອງສະພາ ໂດຍໃຫ້ຄຳໝັ້ນສັນຍາວ່າ ຈະຈົງຮັກ
ພັກດີຕໍ່ສາທາລະນະລັດແຫ່ງສະຫະພາບມຽນມາ. ຮອງປະທາ
ນາທິບໍດີ ທັງສອງທ່ານ Myint Swe ແລະ ທ່ານ Henry Van
Tio ກໍໄດ້ຮ່ວມສາບານໂຕ ຄຽງຂ້າງ ທ່ານ HtinKyaw.
ການສາບານໂຕເຂົ້າຮັບຕຳແໜ່ງຂອງທ່ານ Htin Kyaw ແມ່ນ
ຂີດໝາຍ ຂອງການສິ້ນສຸດລົງ ຢ່າງເປັນທາງການ ໃນການປົກຄອງເປັນບາງສ່ວນຂອງ
ພວກທະຫານ ຢູ່ໃນມຽນມາທີ່ຢ້ອນຄືນໄປຫາ ປີ 1962. ທ່ານໄດ້ເຂົ້າຮັບຕຳແໜ່ງແທນ
ທ່ານເທນເຊນອະດີດນາຍພົນທີ່ໄດ້ເຂົ້າຮັບໜ້າທີ່ໃນປີ 2011 ເວລາພວກຜູ້ນຳທະຫານ
ມອບອຳນາດການປົກຄອງໃຫ້ແກ່ລັດຖະບານເຄິ່ງພົນລະເຮືອນແລະຊຸກຍູ້ໃຫ້ມີການປະ
ຕິຮູບທາງດ້ານການເມືອງແລະເສດຖະກິດ.
ໃນຄຳປາໄສເຂົ້າຮັບຕຳແໜ່ງນັ້ນ ປະທານາທິບໍດີຄົນໃໝ່ ໄດ້ປະຕິຍານວ່າ ຈະປ່ຽນແປງ
ລັດຖະທຳມະນູນສະບັບປັດຈຸບັນ ໃຫ້ກາຍເປັນລັດຖະທຳມະນູນ ທີ່ເປີດກວ້າງ ອ້າແຂນ
ຮັບເອົາມາດຕະຖານ ປະຊາທິປະໄຕ ຢ່າງເຕັມທີ່ ລັດຖະທຳມະນູນ ທີ່ຮ່າງຂຶ້ນໂດຍພວກທະຫານ ກ່ອນທີ່ຈະມີ ການມອບໂອນອຳນາດນັ້ນ ໃຫ້ການຄ້ຳປະກັນວ່າ ພວກທະຫານ
ຕ້ອງກຳບ່ອນນັ່ງ 25 ເປີເຊັນຢູ່ໃນສະພາທັງສອງພ້ອມກັບຕຳແໜ່ງລັດຖະມົນຕີທີ່ສຳຄັນ
ເຊັ່ນກະຊວງບພາຍໃນແລະປ້ອງກັນປະເທດ.
ທ່ານນາງອອງຊານ ຊູຈີ (ກາງ) ຈັບມືກັບນາຍພົນ Min Aung Hlaing ຫລັງຈາກພິທີໂອນອຳນາດ ປະທານາທິບໍດີ ທີ່ນະຄອນຫຼວງເນປີດໍ.
ລັດຖະທຳມະນູນຍັງໄດ້ຫ້າມບໍ່ໃຫ້ທ່ານນາງອອງຊານ ຊູຈີ ຜູ້ນຳປະຊາທິປະໄຕຂອງມຽນ
ມາເຂົ້າຮັບຕຳແໜ່ງເປັນປະທານາທິບໍດີ ຍ້ອນຂໍ້ກຳນົດທີ່ຫ້າມບໍ່ໃຫ້ບຸກຄົນໃດກໍຕາມທີ່ມີ
ສາມີ, ພັນລະຍາຫລືລູກເປັນຊາວຕ່າງປະເທດ ເຂົ້າກຳຕຳແໜ່ງດັ່ງກ່າວໄດ້. ມື້ລາງສາມີ
ແລະລູກຂອງທ່ານນາງອອງຊານ ຊູຈີ ແມ່ນເປັນຄົນສັນຊາດອັງກິດ.
ແຕ່ທ່ານນາງອອງຊານ ຊູຈີ ຜູ້ທີ່ໄດ້ຮັບລາງວັນໂນແບລຂະແໜງສັນຕິພາບໄດ້ປະຕິຍານ
ວ່າ ຈະປົກຄອງມຽນມາ ຜ່ານທ່ານ Htin Kyaw ເພື່ອນຮ່ວມຊັ້ນຮຽນ ແຕ່ສະໄໝຍັງເປັນ
ເດັກນ້ອຍແລະຜູ້ທີ່ທ່ານນາງໄວ້ເນື້ອເຊື່ອໃຈມາເປັນເວລາດົນນານ. ນອກນັ້ນ ທ່ານນາງ
ຍັງຈະເປັນສະມາຊິກຜູ້ນຶ່ງໃນຈຳນວນລັດຖະມົນຕີ 18 ທ່ານຂອງປະທານາທິບໍດີຄົນໃໝ່
ແລະຄາດວ່າທ່ານນາງຈະເຂົ້າກຳຕຳແໜ່ງລັດຖະມົນຕີການຕ່າງປະເທດກະຊວງສຶກສາ
ພະລັງງານແລະລັດຖະມົນຕີປະຈຳທຳນຽບປະທານາທິບໍດີນຳດ້ວຍ.
ການເລືອກເອົາທ່ານ Htin Kyaw ເປັນປະທານາທິບໍດີ ເມື່ອວັນທີ 15 ມີນາຜ່ານມາແມ່ນ
ຜົນສະຫລຸບທີ່ຮູ້ກັນລ່ວງໜ້າໜ້າໃນຂະນະທີ່ພັກສັນນິບາດແຫ່ງຊາດເພື່ອປະຊາທິປະໄຕ
ໄດ້ຮັບໄຊຊະນະ ຢ່າງຖ້ວມລົ້ນ ເພື່ອເຂົ້າຄວບຄຸມ ທັງສອງສະພາມຽນມາ ໃນການເລືອກ
ຕັ້ງຄັ້ງປະຫວັດສາດເມື່ອເດືອນພະຈິກທີ່ຜ່ານມາ.
Your browser doesn’t support HTML5
Myanmar Politics