Your browser doesn’t support HTML5
ລາຍງານສຽງເພງຈາກແດນໄກ: ອາຣິຍະ ກຸນຣະວຸທ - ສິ້ນຫວັງ
ສະບາຍດີທຸກໆທ່ານ ກັບມາຟັງເພງລາວມ່ວນໆກັນອີກເໜາະ ຫຼັງຈາກໄດ້ຟັງເພງອາເມຣິກັນມາໄດ້ 3 ສັບປະດາແລ້ວ. ເອົາເຮົາຂໍເລີ່ມຕົ້ນ ດ້ວຍເພງຫວານໆຂອງ
ອາຣິຍະ ກຸນຣະວຸທ໌ ນັກຮ້ອງ ຮຸ່ນໃໝ່ທີ່ີເກີດໃຫຍ່ໃນສະຫະລັດ ແຕ່ກໍຍັງສືບສານ
ຂະໜົບປະເພນີລາວ ທັງເລື່ອງພາສາລາວໄວ້ໄດ້ເປັນຢ່າງດີຢູ່ ຖືວ່າເກັ່ງກາດເອົາການ ສາມາດຮ້ອງເພງລາວຢ່າງຊັດຖ້ອຍ ຊັດຄຳ ຊຶ່ງກໍຕ້ອງຍົກໂປ້ແຖມກ້ອຍ ໃຫ້ນ້ອງ
ອາຣິຍະ ກຸນຣະວຸທ໌ ດັ່ງຄຳພັງເພີຍທີ່ວ່າ ເຊື້ອໝາກຕ້ອງບໍ່ຮ່ອນຫຼົ່ນໄກກົກ ເພາະວ່າ
ນັກປະພັນເຈົ້າຄຳຜາຍ ກຸນຣະວຸທ໌ ກໍແມ່ນມີສັກສີເປັນລຸງ. ຂໍເຊີນໄປຟັງເພງສິ້ນຫວັງ ຂອງຜູ້ກ່ຽວ ໄດ້ເລີຍ.
ສ່ວນເພງລາວຂອງນັກຮ້ອງສຽງຄຸນນະພາບ ສິນລະປິນສາວລາວຈາກຝຣັ່ງ ເຕ ສັກດາ
ທີ່ຈະເປີດໃຫ້ຟັງຕໍ່ໄປນີ້ ເປັນບົດເພງທີ່ປະພັນໂດຍເຈົ້າຄຳຜາຍ ກຸນຣະວຸທ໌ ເຊັ່ນກັນ
ໃນຊຸດເພງຄູ່ ຂອງ ອະຣິຍະ ແລະ ເຕ ສັກດາ...ເອົາລະ ຂໍໃຫ້ມ່ວນໆກັບເພງຫວານນີ້...
ຮັກເປັນອະນິຈັງ.
ບັດນີ້ວັນນະສອນຂໍອຳລາທ່ານໄປພ້ອມກັບຂັບລຳລາວທ້ອງຖິ່ນທາງສະຫວັນນະເຂດພຸ້ນ
ຊຶ່ງພົງສະຫວັນ ໄຊຍະວົງ ຊາວອາເມຣິກັນເຊື້ອສາຍລາວກໍເຄີຍໄດ້ມາຂັບກ່ອມທ່ານຜູ້ຟັງໄປແລ້ວ ໃນຫວ່າງມໍ່ໆມານີ້ ສ່ວນວ່າຄັ້ງນີ້ ເປັນຂັບລຳພື້ນເມືອງລຳຜູ້ໄທ ໃນບົດ
ເພງ ກ້ຽວສາວຜູ້ໄທ ຊຶ່ງເປັນບົດກອນປະຍຸກ ທີ່ມີທັງລຳທັງຮ້ອງ...ເອົາອອກມາລ້າຍລຳ
ກັນເລີຍ ແລະກໍຫວັງວ່າລຳນີ້ຄົງຈະຖືກໃຈທ່ານຜູ້ຟັງຄໍໝໍລຳ. ຢ່າລືມຂຽນມາບອກເດີ.
ຂໍໃຫ້ທຸກໆທ່ານຈົ່ງນອນລັບຝັນຫວານ.