Your browser doesn’t support HTML5
ຟັງລາຍການສຽງພຽງຈາກແດນໄກ: ເພື່ອນທີ່ຈິງໃຈ - ULUVUS
ສະບາຍດີແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງຈາກແດນໄກທຸກທທ່ານ ຂໍເລີ້ມດ້ວຍເພງ“ເພື່ອນທີ່ຈິງໃຈ” ເປັນເພງຣ໊ອກແນວຮ້ອນແຮງ ທີ່ໜຸ່ມຊາວຕ່າງຊາດ ທີ່ໄດ້ມາເຮັດວຽກໃນສປປ ລາວ ຫຼົງໄຫຼແລະມັກຮັກທັງພາສາປາກເວົ້າ ທຳນອງຄອງທຳ ແລະຮີດຄອງປະເພນີລາວ ແລະແນ່ນອນປາກເວົ້າພາສາລາວ ຈົນໄດ້ຕັ້ງວົງດົນຕີ ທີ່ມີຊື່ວ່າ ULUVUS ຂຶ້ນມາ ແລະອອກເພງມາໄດ້ 2 ຊຸດແລ້ວ ແລະຍັງໄດ້ຖືກສຳພາດທາງໂທລະ ພາບຂອງໄທນຳ. ວົງດົນຕີ ULUVUS ເປັນທີ່ຮູ້ຈັກໃນແວດວົງບັນເທີງ ຂອງລາວ ຄັ້ງນີ້ ວົງ ULUVUS ໄດ້ນຳເພງທີ່ເຄີຍຮ້ອງເປັນພາສາລາວແລ້ວ ມາຮ້ອງເປັນເພງອັງກິດ ຂໍມອບໃຫ້ທຸກໆທ່ານທີ່ມັກແນວເພງຣ໊ອກນີ້.
ສ່ວນເພງຕໍ່ໄປນີ້ ເປັນທີ່ໜ້າຟັງອີກເພງນຶ່ງ ທີ່ໄດ້ສິນລະປິນໜຸ່ມຈາກສປປ ລາວ ຕົ້ນ ອະນິລຸດ ຂໍຈັດມອບໃຫ້ທ່ານຜູ້ຟັງ ຊື່ ໝີ ຜູ້ຟັງທີ່ຂຽນຂໍ້ຄວາມເຂົ້າມາໃນ website ຂອງເຮົາທີ່ບອກມາວ່າ “ຂ້າພະເຈົ້າຈະຕິດຕາມ ຕະຫຼອດໄປ ແລະຮູ້ສຶກວ່າ ບໍ່ມີຫຍັງແລ້ວທີ່ຈະປ່ຽນໄປໄດ້” ກໍຕ້ອງຂໍຂອບໃຈນຳ ໝີ ອີກຄັ້ງນຶ່ງທີ່ຄອຍຕິດຕາມແລະເປັນກຳລັງໃຈໃຫ້ ແລະຂໍມອບເພງມ່ວນໆ ເພງນີ້ຈັດມອງໃຫ້ ພ້ອມທັງທ່ານຜູ້ຟັງທຸກຜູ້ທຸກຄົນເລີຍ. ຂໍເຊີນໄປຟັງເພງທີ່ມີຊື່ວ່າ “ (ເພາະ)ສັກສີ” ພ້ອມໆກັນເລີຍ.
ກ່ອນປິດທ້າຍລາຍການໃນຄ່ຳຄືນນີ້ ວັນນະສອນ ກໍຂໍໃຫ້ທ່ານຜູ້ຟັງ ຈົ່ງຮັກສາສຸກຂະພາບແລະຂໍໃຫ້ເຂັ້ມແຂງ ສູ້ຊີວິດຕໍ່ໄປ ເພາະຈະໄດ້ກັບມາຟັງເພງມ່ວນໆກັບວັນນະສອນ ໃນລາຍການສຽງເພງຈາກແດນໄກ ຂອງ VOA. ຂໍປິດທ້າຍລາຍການດ້ວຍເພງທີ່ຮັກໆ... ເສົ້າໆ ໃນບົດເພງ ຖ້າບໍ່ມີຫົວໃຈ ກໍຢ່າໃຫ້ຄວາມຫວັງ ທີ່ຂັບຮ້ອງໂດຍ Joey. ພົບກັນໃໝ່ໃນສັບປະດາໜ້າ ນອນລັບຝັນຫວານ.