Your browser doesn’t support HTML5
ຟັງເພງ ກຸຫຼາບປາກເຊ - ຕິ່ງນ່ອຍ ພອຍໄພລິນ -05ຕຸລາ14
ສະບາຍດີທຸກໆທ່ານ ວັນນະສອນຫວັງຢ່າງຍິ່ງວ່າ ທຸກໆທ່ານ
ສະບາຍດີພ້ອມດ້ວຍພາລະໜ້າທີ່ ອາກາດໃນນະຄອນຫຼວງວໍຊີງ
ຕັນ ກໍກຳລັງເຢັນສະບາຍ ຍັງບໍ່ທັນໜາວເທື່ອ ຈັ່ງໃດກໍຕາມ ກໍຂໍ
ໃຫ້ທ່ານຜູ້ຟັງມີສຸຂະພາບທີ່ແຂງແຮງ ແລະກັບມາມ່ວນຊື່ນກັບ
ວັນນະສອນ ໃນລາຍການສຽງເພງຈາກແດນໄກຂອງ VOA.
ວັນນະສອນ ຂໍຈັດເພງໃຫ້ທ່ານຜູ້ຟັງທີ່ຂຽນເຂົ້າມາ ຜ່ານທາງ
Facebook ທ່ານ ໜໍ່ຄຳ ອຸ່ນສະຫວັນ ຜູ້ຟັງຈາກປາກເຊ ທີ່ບອກວ່າ
ຮັບຟັງ VOA ໄດ້ຜ່ອນຄາຍແລະສະບາຍໃຈ ໄປກັບສຽງເພງທຸກໆວັນອາທິດ ພ້ອມທັງໄດ້ຮັບຮູ້ຂ່າວທົ່ວໂລກອີກດ້ວຍ ບອກມາວ່າເປັນຄົນປາກເຊ ກໍເລີຍຂໍຟັງເພງ “ກຸຫຼາບປາກເຊ”
ຂໍເຊີນທຸກໆທ່ານໄປຟັງພ້ອມໆກັນເລີຍ…ແລະຖ້າມີໂອກາດກໍຈະໄດ້ໄປຢ້ຽມຢາມປາກເຊ ໄປໂອ້ລົມຖາມຂ່າວແລະກິນເຂົ້າຮ່ວມກັນ ແລະນີ້ຄືເພງ “ກຸຫຼາບປາກເຊ” ຂັບຮ້ອງໂດຍ ຕິ່ງນ່ອຍ ພອຍໄພລິນ ທີ່ປະພັນໂດຍ ເຈົ້າຄຳຜາຍ ກຸນລະວຸດ.
ສ່ວນທ່ານບຸນ ເຈົ້າຂອງທຸລະກິດ ຈາກ Seattle ຂຽນຂໍ້ຄວາມຝາກໄວ້ໃນ website
ຂອງ VOA ເຊັ່ນກັນ ໃນໜ້າ website ທີ່ທາງ VOA ໄດ້ລົງລາຍການເພງຂອງຄະນະ
ສາຍສຳພັນ ທີ່ຂັບຮ້ອງໂດຍສິນລະປິນຄຸນນະພາບ ອ້າຍ ອະນຸສັກ ທັມມະວົງສາ ຂຽນ
ບອກມາວ່າ ມ່ວນຫຼາຍ ສະບາຍໃຈແລະຮ່າງກາຍ. ວັນນະສອນ ກໍເລີຍຂໍຈັດຂັບລຳລາວ
ຂະໜານແທ້ໃຫ້ຟັງ ເປັນ ຂັບທຸ້ມຫຼວງພະບາງ ທີ່ຂັບຮ້ອງໂດຍ ແດງ ດວງເດືອນ ເພາະວ່າ ມີພັນລະຍາຄົນງາມ ເປັນສາວຫຼວງພະບາງວ່າຊັ້ນ.
ສ່ວນລຳພູໄທ ທີ່ຂັບຮ້ອງໂດຍ ວິລະດາ ແດນຈຳປາ ນີ້ ຂໍມອບໃຫ້ຜູ້ຟັງ ທີ່ໃຊ້ນາມແຝງ
ວ່າ Noi ຈາກລາວ ທີ່ຂຽນຂໍ້ຄວາມຝາກໄວ້ໃນ website ວ່າ ມ່ວນຫຼາຍເດີ. ຂອບໃຈ ພົບກັນໃໝ່ໃນສັບປະດາໜ້າ ແລະຂໍໃຫ້ທຸກໆທ່ານນອນຫຼັບຝັນດີ.