Your browser doesn’t support HTML5
ຟັງເພງ-ບຸນສະຫວັນ-ສຸວັນນະສິງ-16ມີນາ14
ສະບາຍດີແຟນລາຍການສຽງເພງຈາກແດນໄກທຸກໆທ່ານໃນລາຍການສຽງເພງຈາກ
ແດນໄກໃນຄ່ຳຄືນ ທາງເຮົາຈັດໃຫ້ຕາມ ຂໍ້ຄວາມທີ່ທ່ານຜູ້ຟັງ ທີ່ຂຽນຂໍ້ຄວາມໄວ້ໃນ
websiteຂອງ VOA ພວກເຮົາ ມີຫຼາຍໆທ່ານທີ່ຄອຍເປັນກຳລັງໃຈແລະໃຫ້ຄວາມ
ຄິດເຫັນຕ່າງໆນາໆ ໃນການສ້າງສັນແລະຕິຊົມມາທາງເຮົາ ຂໍນ້ອມກາບຮັບເອົາໄວ້
ທຸກໆຄຳຕິຊົມ ເພື່ອຈະໄດ້ປັບປຸງໃຫ້ດີຂຶ້ນກ່ວາເກົ່າແລະຈະບໍ່ວ່າກັນເດັດຂາດເຈົ້າ
ເພງ “ທ່າເດື່ອແຫ່ງຄວາມຫຼັງ” ເປັນຜົນງານເພງຂອງສິນລະປິນໜຸ່ມລາວຈາກ
ອອສເຕຣເລຍ ບຸນສະຫວັນ ສຸວັນນະສິງ ທີ່ຫາກໍສົ່ງມາໃຫ້ຍັງສົດໆຮ້ອນໆຢູ່ເລີຍ
ກະຕ້ອງຂໍຂອບໃຈນໍາ ບຸນສະຫວັນ ແລະສິນລະປິນລາວໃນຕ່າງແດນທີ່ຄອຍ
ພະຍາຍາມເກັບຮັກສາເພງລາວ ໄວ້ນຳຜົນງານເພງອຳມະຕະຂອງລາວ ມາຈັດທຳ
ໃໝ່ ເພື່ອໃຫ້ຊາວລາວໄດ້ຮັບຟັງກັນແລະຮັບຊາບເຖິງຄວາມອຸດົມສົມບູນຂອງ
ພາສາລາວທີ່ ບັນດານັກປະພັນໄດ້ກັ່ນກອງເນື້ອຮ້ອງອອກມາເປັນເພງ ຂໍຈັດໃຫ້ທຸກໆ
ທ່ານ ທີ່ຮັກເພງລາວແລະກໍຍັງຈະຮັກເພງລາວ ຕໍ່ໆໄປ ຕາບນານເທົ່ານານ…
ບຸນສະຫວັນ ສຸວັນນະສິງ-“ທ່າເດື່ອແຫ່ງຄວາມຫຼັງ”
ເພງທີ່ສອງນີ້ ຂໍຫຼິ້ນເພງມ່ວນໆຈາກສິນລະປິນລາວ ໃນຝຣັ່ງ ວັງເງິນ ໃນບົດເພງ
“ບໍ່ອາດຈະລືມ ”…ຟັງເພງນີ້ແລ້ວ ກໍຢ່າໄດ້ລືມກັນລະ…ກັບມາຟັງເພງກັບວັນນະ
ສອນອີກ ໃນອາທິດໜ້າ ຖ້າທ່ານໃດຍັງບໍ່ເຄີຍຂຽນເຂົ້າມາ ກໍຂໍເຊີນເລີຍ ເພາະຈະ
ໄດ້ຈັດເພງໃຫ້ຖືກໃຈ…ເອົາໄປຟັງເພງມ່ວນໆພ້ອມໆກັນເລີຍ...
ຂໍຝາກສິນລະປິນ ບຸນສະຫວັນ ສຸວັນນະສິງ ໄວ້ກັບທ່ານຜູ້ຟັງອີກຕື່ມຄົນນຶ່ງ ແລະວ່າ
ຫຼາຍໆທ່ານຄົງຈະໃຈກວ້າງແລະເປີດຮັບຜົນງານເພງຂອງຜູ້ກ່ຽວ…ຈັ່ງໃດ ກະຄົນລາວ
ເຮົາດ້ວຍກັນ...ຮັກຫໍ່ໂຮມກັນໄວ້ນັ້ນລະດີ…
ຂໍໃຫ້ຊ່ອນເປັນກຳລັງໃຈແລະສົ່ງເສີມຊຶ່ງກັນແລະກັນ…ພ້ອມນີ້ ບຸນສະຫວັນ
ສຸວັນນະສິງ ກໍຂໍຝາກຄວາມຮັກ ຄວາມຄິດເຖິງ ມາກັບເພງນີ້ ແດ່ທ່ານຜູ້ຟັງທຸກໆທ່ານ
ດັ່ງຄວາມໝາຍຂອງເພງນີ້ “ຝາກເພງແທນໃຈ” ພົບກັນໃໝ່ ໃນສັບປະດາໜ້າ
ແລະຂໍໃຫ້ທຸກໆທ່ານນອນຫຼັບຝັນຫວານ.