ສະບາຍດີທຸກໆທ່ານ ແລະກັບມາພົບກັນອີກເຊັ່ນເຄີຍ
ໃນລາຍການສຽງເພງຈາກແດນໄກຂອງ VOA ໃນທຸກໆຄໍ່າຄືນ
ວັນອາທິດຫວັງວ່າທຸກໆທ່ານຄົງຈະມ່ວນຊື່ນ ສຸກສະບາຍດີຕາມ
ເດີມ ເພງ “ເຊລະນອງ” ຈາກນ້ຳສຽງໃສໆ ຂອງສິນລະປິນໜ້າໃໝ່
ໃນວົງການເພງລາວ ສິລິພອນ ສີປະເສີດ ຊຶ່ງວັນນະສອນ ກໍຕ້ອງ
ຂໍຂອບໃຈທ່ານກ່ອງປະກັນ ຣາຊພົນ ທີ່ສົ່ງມາໃຫ້ຟັງ ວັນນະສອນ
ກໍເລີຍອົດບໍ່ໄດ້ຕ້ອງແບ່ງປັນ ໃຫ້ແຟນລາຍການສຽງເພງຈາກແດນໄກທຸກທ່ານໆ ໄດ້ຟັງຮ່ວມກັນ ຂໍຂອບໃຈ ທ່ານກ່ອງປະກັນ ອີກຄັ້ງນຶ່ງ ທີ່ມີນ້ຳໃຈ ແລະຫວັງວ່າ ຜົນງານຮວມຊຸດ
ຂອງນັກຮ້ອງສິລິພອນ ສີປະເສີດ ສາວນ້ອຍຄົນນີ້ ຄົງມີອອກວາງຂາຍໃນໄວໆນີ້ ແລະກໍຂໍ
ຝາກຜົນງານດີໆແລະເພງມ່ວນໆ ຂອງສາວນ້ອຍຄົນນີ້ໄວ້ກັບທ່ານຜູ້ຟັງອີກຕື່ມຄົນນຶ່ງ.
ຂໍເຊີນໄປຟັງເພງ ເຊລະນອງ ພ້ອມໆກັນເລີຍ.
ວັນນະ ສອນ ຂໍແນະນຳເພງແນວໃໝ່ ປະສົມປະສານ ທັງພາສາລາວແລະອັງກິດ ຊຶ່ງຖືວ່າເປັນທີ່ນິຍົມຂອງພວກເດັກນ້ອຍລາວໃນຕ່າງແດນ ທີ່ເກີດແລະເຕີບໃຫຍ່ໃນຕ່າງປະເທດ ແຕ່ກໍບໍ່ໄດ້ປະລະພາສາແມ່ ຮາກເຫງົ້າຂອງຕົວເອງ ຈຶ່ງມັກຈະແຕ່ງເພງທີ່ປະສົມປະສານທັງສອງພາສາ ຂໍເຊີນໄປຟັງເພງ “ເຊີນ ຊາ ລາ ລາ” ພ້ອມໆກັນເລີຍ ທີ່ສິນລະປິນລາວຈາກ ການາດາ ລິນດາ ອິນທະວົງ ເປັນຄົນແຕ່ງແລະຮ້ອງເອງ ຊຶ່ງເພງນີ້ ຮ້ອງປະສານກັນກັບ ສິນລະປິນໜຸ່ມ Noy Chanthala ຈາກ North Carolina ໃນແນວເພງຮິບຮອບ...
Your browser doesn’t support HTML5
ເຊີນ ຊາ ລາ ລາ - ລິນດາ ອິນທະວົງ ແລະ ນ້ອຍ ຈັນທະລາ
ເພງສຸດທ້າຍນີ້ ຂໍມອບເພງ ປູ່ຈັນ ໃຫ້ທ່ານຜູ້ຟັງ ໄດ້ຮັບຟັງກັນ ຊຶ່ງເພງນີ້ມີຄວາມໝາຍດີ ແລະຜູ້ພັນ ກັບຜູ້ຄົນທີ່ມີເຊື້ອສາຍລາວ ຊຶ່ງສະບັບນີ້ ເປັນການຮ້ອງຄູ່ ແບບພື້ນໆ ມີພຽງແຕ່
ກິຕ້າອາຄຸສຕິກ ແລະຂຸ່ຍ ຊຶ່ງເຮົາຈະໄດ້ຍິນສຽງສົດໆຂອງສິນລະປິນ ສອງທ່ານນີ້ ເທີ ເດັກບ້ານນາ ກັບ ກິ ດ່ອງ ຖ້າຜູ້ໃດມີສິນລະປິນ ໃນດວງໃຈ ຢູ່ໃສກໍຕາມແຕ່ ທີ່ຮ້ອງເພງລາວ ແລ້ວ ກະລຸນາສົ່ງຂ່າວມາຫາທາງເຮົາດ້ວຍ. VOA ກໍຍັງຄົງຈະດຳເນີນສືບຕໍ່ສົ່ງເສີມ ສິນລະປິນລາວໃນທົ່ວທຸກມຸມໂລກ. ຂໍໃຫ້ທຸກໆທ່ານນອນລັບ ຝັນຫວານ ແລະພົບກັນໃໝ່ ໃນສັບປະດາໜ້າ.