Your browser doesn’t support HTML5
ຟັງເພງ ພູມໃຈທີ່ເກີດເປັນລາວ - ຜ່ານ ຈິນດາວົງ
ສະບາຍດີ ແລະວັນນະສອນກໍດີໃຈທີ່ໄດ້ກັບມາພົບແຟນໆເພງ ໃນລາຍການສຽງເພງຈາກແດນໄກຂອງ VOA ໃນທຸກໆແລງວັນອາທິດ. ຂໍ້ຄວາມສະບັບນີ້ ມາໄກຈາກຍີ່ປຸ່ນ ຈາກພາວັນດີ ມີໄຊ ແຟນລາຍການປະຈຳ ພ້ອມທັງເປັນສິນລະປິນລາວໃນຕ່າງແດນ ທີ່ທາງລາຍ
ການຂອງພວກເຮົາໄດ້ເຄີຍອອກຜົນງານຂອງຜູ້ກ່ຽວມາແລ້ວ ພາວັນດີ ຂຽນບອກມາວ່າ
ຕິດຕາມຮັບຟັງລາຍການວິທະຍຸມາຕະຫຼອດ ແລະວ່າໄດ້ສາລະ ຮູ້ຂ່າວຄາວຮອບໂລກເປັນຢ່າງດີແລະໄດ້ຄວາມບັນເທີງ ເພາະຈະໄດ້ອຸ່ນໃຈ ທີ່ໄດ້ຮູ້ເລື້ອງລາວຂອງຊາວລາວຢູ່ທົ່ວທຸກມຸມໂລກ ພາວັນດີ ຂໍຟັງເພງ ພູມໃຈທີ່ໄດ້ເກີດເປັນລາວ ວັນນະສອນວ່າເພງນີ້ ຄົງພາໃຫ້ຫຼາຍໆມີຄວາມຮູ້ສຶກດີ ທີ່ໄດ້ຮັບຟັງເພງນີ້ ເໝືອນໆກັນກັບທຸກໆຄົນທີ່ມີເສື້ອສາຍລາວ…ຂໍເຊີນໄປຟັງພ້ອມໆກັນເລີຍ ຊຶ່ງເປັນຜົນງານເພງຂອງ ຜ່ານ ຈິນດາວົງ.
Your browser doesn’t support HTML5
ພູມໃຈທີ່ໄດ້ເກີດເປັນລາວ - ຜ່ານ ຈິນດາວົງ
ເພງສາກົນ ທີ່ຈະເປີດໃຫ້ຟັງຕໍ່ໄປນີ້ ບໍ່ເປີດຄົງບໍ່ໄດ້ແລ້ວລະ ເພາະວ່າ ຕິດອັນດັບມາແຮງແຊງທ້າຍເຂົ້າແຖວໜ້າ ມາໄດ້ຫຼາຍສັບປະດາແລ້ວ...ມີເພງໃດໆໃໝ່ໆ ມີແພງໃດດັງໆ ຢູ່ໃສ ວັນນະສອນ ກໍຈະສັນຫາມາຝາກ ມາຟັງເພງ Shut Up and Dance ທີ່ຂັບຮ້ອງໂດຍ Walk The Moon ຊຶ່ງເພງນີ້ໄປທາງໃດ ກໍມີຄົນເປີດ...ຟັງຫຼາຍຈົນຮ້ອງໄດ້ແລ້ວ. ຂໍໃຫ້ທຸກໆທ່ານອອກມາເຕັ້ນແລະມ່ວນຊື່ນກັບເພງນີ້ດ້ວຍກັນ.
ສ່ວນຂໍ້ຄວາມຂອງທ່ານ ຄຳພັນ ອຸດົມ ຈາກສຽງຈັນ ຂຽນຂໍ້ຄວາມໄວ້ວ່າ ເອື້ອຍວັນນະສອນ ເປີດເພງໄດ້ມ່ວນຫຼາຍ ຖືກໃຈ. ຈັ່ງໃດກະຂໍຂອບໃຈທ່ານ ຄຳພັນ ທີ່ຄອຍເປັນແຟນລານການແລະຕິດຕາມຮັບຟັງມາໂດຍຕະຫຼອດ ເພາະສະນັ້ນ ວັນນະສອນ ຈຶ່ງຂໍເປີດເພງນີ້ ແທນຄຳຂອບໃຈແລະຫວັງວ່າ ທ່ານ ຄຳພັນ ຄົງຈະຍັງເປັນແຟນລາຍການທີ່ໜ້າຮັກ ແລະຕິດຕາມຮັບຟັງ VOA ຢູ່ເລື້ອຍໄປ. ຂໍເປັນເພງຂອງ ເຈແປນແດນງາມ ທີ່ຂັບຮ້ອງໂດຍ ພາວັນດີ ມີໄຊ ສິນລະປິນລາວຈາກຍີ່ປຸ່ນ ແລະວ່າ ອີກບໍ່ດົນພວກເຮົາຄົງຈະໄດ້ຮັບຟັງຜົນງານເພງໃໝ່ໆຂອງຜູ້ກ່ຽວອີກ. ຂໍໃຫ້ທຸກໆທ່ານນອນຫຼັບຝັນດີ.