ຂໍເຊີນຟັງສຽງຫວານໆຂອງ Ariana Grande ໃນບົດເພງ No Tears Left To Cry

Ariana Grande

Your browser doesn’t support HTML5

ລາຍການສຽງເພງຈາກແດນໄກຂອງວີໂອເອ: Ariana Grande - No Tears Left To Cry

ເພງ​ທີ່​ທ່ານ​ຫາ​ກໍ​ຟັງ​ຈົບ​ລົງ​ໄປນັ້ນ​ແມ່ນ​ເພງ No Tears Left To Cry ທີ່​ມີ​ຄວາມ​
ໝາຍວ່າ ບໍ່​ມີ​ນ້ຳ​ຕາ​ຫຼົງ​ເຫຼືອ​ໃຫ້​ຮ້ອງ​ໄຫ້…ຊຶ່ງ​ເພງ​ນີ້ Ariana Grande ທີ່​ຂັບ​ຮ້ອງ​ໄວ້
​ຢ່າງ​ໄດ້​ອາລົມ ​ເຮັດ​ໃຫ້​ມີ​ຄວາມ​ຮູ້ສຶກ​ວ່າເຂັ້ມ​ແຂງ​ຂຶ້ນ ລຸກ​ຂຶ້ນ​ມາ​ຕໍ່ສູ້​ແບບ​ວ່າ ບໍ່​ມີ​
ນ້ຳ​ຕາຫຼົງ​ເຫຼືອ​ໃຫ້​ຮ້ອງ​ໄຫ້ ຕໍ່​ໄປ​ອີກ​ແລ້ວ ເອົາ ພາກັນ​ອອກ​ມາ​ສ້າງ​ຄວາມ​ຄຸ້ມ​ກັນ​
ໃຫ້​ຕົວ​ເອງ​ໃໝ່ ​ເປັນ​ຄົນ​ເຂັ້ມ​ແຂງ​ແມ່ນ​ຄຳນຮັກ​ຈະ​ຈາກ​ໄປ ​ແຕ່​ໂລກ​ນີ້​ຍັງ​ໝູນວຽນ
​ດຳ​ເນີນ​ຢູ່​ຕໍ່​ໄປ…ຈະ​ໄປ​ຮ້ອງ​ໄຫ້​ເສຍ​ນ້ຳຕາ​ອີກ​ຕໍ່​ໄປ​ເຮັດ​ຫຍັງ ກັບ​ຄົນ​ທີ່​ທຳລາຍ​ເຮົາ
ມັນ​ບໍ່​ຄຸ້ມ​ດອກ...​ເຊີນ​ຮັບຟັງ​ໃຫ້​ເປັນ​ກຳລັງ​ໃຈ ຕໍ່ສູ້​ຕໍ່​ໄປ.

ສ່ວນ​ເພງ Play It Again ​ເພງ​ລູກ​ທົ່ງ​ອາ​ເມຣິກັນ ຕໍ່​ໄປ​ນີ້ ​ເປັນ​ເພງ​ຂອງ Luke
Bryan ​ທີ່​ຮັບ​ຮ້ອງ​ໄດ້​ຢ່າງ​ສະ​ໃຈ ​ແລະ​ວັນນະ​ສອນ​ ຄິດ​ວ່າ ຄົງ​ເປັນ​ທີ່​ຖືກ​ໃຈ ບັນດາ​
ແຟນເພງ​ລູກ​ທົ່ງ​ຢ່າງ​ແນ່ນອນ ​ເອົາ​ຢ່າ​ລໍ​ຊ້າ​ເລີຍ.


​ກ່ອນ​ຈາກ​ກັນ​ໄປ​ໃນ​ຄຳ​ຄືນ​ນີ້ ວັນນະ​ສອນ​ຂໍ​ມ້ວນທ້າຍ​ດ້ວຍ​ເພງ​ຫວານ ​ແບບ​ຟັງ
​ແລ້ວ​ຜ່ອນຄາຍ​ອາລົມ ​ເຂົ້າ​ຫລັບ​ແຕ່​ຫົວຄ່ຳ ​ເພາະ​ຈະ​ໄດ້​ຕືນມາ​ສົດ​ໃສ​ໃນ​ວັນ​ຈັນ​ມື້​ອື່ນ
​ໃນ​ບົດ​ເພງ​ Miss You ຂອງ Darius Rucker ນອນ​ຫຼັບ​ຝັນ​ຫວານ ​ແລະພົບ​ກັນ​ໃໝ່​ໃນ​ລາຍການສຽງເພງຈາກແດນໄກຂອງວີໂອເອ ໃນຄ່ຳຄືນວັນອາທິດ ສະບັບໜ້າ.