ໃນຄ່ຳຄືນນີ້ ວັນນະສອນ ຈະມາກ່ອມອາລົມທ່ານຜູ້ຟັງ ດ້ວຍເພງລູກທົ່ງສາກົນແບບ
classic ແລະແນວເພງອື່ນໆ ນຳດ້ວຍ. ຂໍເຊີນຮັບຟັງເພງດັ່ງກ່າວ ໃນລາຍການສຽງ ເພງຈາກແດນໄກຂອງວີໂອເອ ໄດ້ນະບັດນີ້.
Your browser doesn’t support HTML5
ລາຍການສຽງເພງຈາກແດນໄກ: ເພງ Someone Else Calling You Baby ຂັບຮ້ອງໂດຍ Luke Bryan
ສະບາຍດີທຸກໆທ່ານ ເປັນຈັ່ງໃດລະ ຫວັງວ່າສັບປະດາທີແລ້ວນີ້ ວັນນະສອນ ໄດ້ຈັດ
ເພງທີ່ຖືກໃຈທ່ານຜູ້ຟັງເໜາະ ເພາະວ່າມັນເພງຕາມຄຳຂໍຂອງທ່ານ ແລະກໍຫວັງວ່າ
ຄັ້ງຕໍ່ໄປ ວັນນະສອນ ຈະໄດ້ມີໂອກາດ ຈັດເພງທີ່ຖືກໃຈທ່ານຜູ້ຟັງທີ່ຂຽນເຂົ້າມາອີກ.
ມື້ນີ້ເຮົາຈະຂໍເລີ້ມດ້ວຍເພງທີ່ໜ້າຮັກ ຂອງ Luke Bryan ທີ່ມີຄວາມໝາຍໃນພາສາ
ລາວວ່າ ຄົນອື່ນເອີ້ນເຈົ້າວ່າທີ່ຮັກ ທີ່ແປມາຈາກຊື່ຂອງເພງນີ້ Someone Else
Calling You Baby. ເອົາມາຟັງພ້ອມກັນເລີຍເໜາະ.
ເປັນຈັ່ງໃດ ມ່ວນບໍ່ ຫວັງວ່າຄົງຖືກໃຈບໍ່ຫຼາຍກໍໜ້ອຍ ແຖມຍັງຈະຊັກຊວນໃຫ້ທ່ານຫວນ
ຄິດເຖິງອະດີດນຳ. ເອົາບັດນີ້ ມາຟັງເພງຂອງ Michael Bublee ໃນບົດເພງ Home
ທີ່ມີຄວາມໝາຍວ່າ...ເຖິງແມ່ນວ່າ ຈະເປັນສິນລະປິນ ນັກຮ້ອງທີ່ມີຊື່ສຽງ ມີຜູ້ຄົນຕິດຕາມ
ເປັນແສນເປັນລ້ານກໍຕາມ ແຕ່ກໍຍັງຮູ້ສຶກງຽບເຫງົາ ດຽວດາຍ ປຽບກັບວ່າຂ້ອຍໄດ້ໃຊ້
ຊີວິດເປັນຂອງຄົນອື່ນ ບໍ່ແມ່ນຊີວິດຂ້ອຍເອງ ເຖິງຈະແມ່ນຢູ່ປາຣີ ຫຼື ນະຄອນໂຣມ
ກໍຕາມ ຂ້ອຍກໍຍັງບໍ່ມ່ວນໃຈ ເຝົ້າຫ່ວງຫາອາທອນ ຄິດຮອດເຈົ້າ ຜູ້ຢູ່ທາງບ້ານພຸ້ນ...
ຈຶ່ງມີຄຳຮ້ອງໃນວັກສຸດທ້າຍວ່າ... I’ve my run, baby I am done; I gotta go
home. Let me go home. It will be all right. I’ll be home tonight; I’m
coming back home. ເອົາທ່ານຜູ້ຟັງ ລອງແປເປັນພາສາລາວ ແລ້ວຂຽນກັບມາ
ບອກແດ່ ວ່າ ມີເນື້ອໃນໃຈຄວາມວ່າຈັ່ງໃດ...ແລະວ່າເພງນີ້ຊຶ້ງກິນໃຈບໍ່?
ມື້ນີ້ຂໍອຳລາທ່ານຜູ້ຟັງໄປ ດ້ວຍເພງດັງໃນອະດີດ ແລະຄິດວ່າ ຫຼາຍໆ ທ່ານ ຄົງຈະມີ
ຄວາມຮູ້ສຶກແບບດຽວກັນ...ຄິດຮອດເພງດັງ ໃນຊຸມປີ 1980-90 ພຸ້ນ ແລະວ່າ
ເພງ Careless Whisper ຈະເຮັດໃຫ້ທ່ານສະດຸ້ງໃຈ ເພາະຟັງແລ້ວພາໃຫ້ຄິດເຖິງ
ອະດີດ ເພງນີ້ເປັນຜົນງານເພງຂອງມື້ລາງ George Michael ທີ່ໄດ້ອຳລາພາຈາກ
ພວກເຮົາໄປແລ້ວ ຖິ້ມໄວ້ແຕ່ຄວາມຊົງຈຳ ແລະບົດເພງປະທັບໃຈ ໃຫ້ພວກເຮົາ
ໄດ້ຄິດຮອດ. ຂໍໃຫ້ທຸກທ່ານນອນຫຼັບຝັນຫວານ ພົບກັນໃໝ່ໃນສັບປະດາໜ້າ.