Your browser doesn’t support HTML5
ຟັງເພງສາກົນກ່ຽວກັບວັນເອກກະລາດຂອງສະຫະລັດ
ໃນວັນສຸກທີ 4 ກໍລະກົດທີ່ຫາກໍຜ່ານມາ 2-3 ມື້ນີ້ ເປັນວັນທີ່ຊາວ
ອະເມຣິກັນທົ່ວປະເທດໄດ້ພາກັນສະເຫຼີມສະຫຼອງວັນເອກກະລາດ
ຊຶ່ງຄອບຄົວສ່ວນໃຫຍ່ ກໍມັກຈະເຮັດ Pic-Nic ຫຼັງບ້ານ ຊຸມນຸມສັງ
ສັນກັນ ກັບເພື່ອນມິດສະຫາຍ ແລະຊົມການສວນສະໝາມແລະ
ການສະແດງ ແສງສີ ດົນຕີ ຈູດບັ້ງໄຟດອກຕ່າງໆ. ຂໍໃຫ້ທຸກໆທ່ານ
ມ່ວນຊື່ນກັບເພງນີ້ Independence's Day ຂັບຮ້ອງ
Martina McBride.
ສ່ວນເພງທີ່ໂດງດັງອີກເພງນຶ່ງທີ່ໄດ້ອະທິບາຍເຖິງຄວາມມີອິດສະລະເສລິພາບແລະເອກກະລາດຂອງປະເທດນີ້ ໃນບົດເພງ "God Bless The USA" ເປັນຜົນງານຂອງນັກ
ຮ້ອງຣຸ່ນອະວຸໂສ ຊື່ສຽງໂດງດັງ ອຳມະຕະ ຕະຫຼອດການ Lee Greenwood.
ເພງ: "God Bless The USA"
ພ້ອມນີ້ ວັນນະສອນຂໍຈັດເພງພິເສດເພື່ອມອບເປັນກໍລັງໃຈໃຫ້ທ່ານຜູ້ຟັງຍາລຸງບົວຫອມດຳລົງ ທີ່ກຳລັງຮັກສາຕົວຢູ່ທີ່ໂຮງພະຍາບານ ແລະປານນີ້ ວັນນະສອນ ຄິດວ່າຄົງໄດ້ຮັບຟັງເພງທີ່ຍາລຸງຢາກຟັງຢູ່ທີ່ບ້ານແລ້ວ ວັນນະສອນຫວັງວ່າ ຫຼັງຈາກທີ່ຍາລຸງໄດ້ຟັງເພງ“ເງິນ” ທີ່ຂັບຮ້ອງໂດຍ ອາຈານຄຳຫຼ້າ ໜໍ່ແກ້ວ ທີ່ຍາລຸງຂຽນຂໍຟັງມານັ້ນແລ້ວ ກໍຂໍໃຫ້ຍາລຸງໃຫ້ຫຼານສານຊື່ຣັດຕະນາ ຂຽນ email ເຂົ້າມາ ຫຼືບໍ່ ຍາລຸງກໍຂຽນຈົດໝາຍເຂົ້າມາຫາທາງເຮົາໄດ້ອີກເຊັ່ນກັນ. ວັນນະສອນພ້ອມດ້ວຍທີມງານ VOA ຂໍເປັນກຳລັງໃຈສົ່ງຄວາມຮູ້ສຶກທີ່ດີໃຫ້ຍາລຸງຫາຍວັນຫາຍຄືນ ແລະຢູ່ກັບລູກຫຼານ ຍືນຍາວນານ ຕະຫຼອດໄປ ແລະພ້ອມນີ້ກໍຂໍໃຫ້ເປັນແຟນລາຍການວິທະຍຸ VOA ຂອງເຮົາຕະຫຼອດໄປແລະຕະຫຼອດການ. ພົບກັນໃໝ່ໃນສະບັບໜ້າ ກັບວັນນະສອນພ້ອມດ້ວຍສຽງເພງມ່ວນໆ ໃນລາຍການສຽງເພງຈາກແດນໄກຂອງ VOA ນອນຫຼັບຝັນດີ.