You've Got A Friend - Carole King

Carole King

ສັບປະດານີ້ ລາຍການ​ສຽງ​ເພງ​ຈາກ​ແດນ​ໄກ​ຂອງ​ວີ​ໂອ​ເອ ຈະພາ​ທ່ານ​ຜູ້​ຟັງ​ຢ້ອນ​ກັບ​ໄປ​ໃນ​ອະດີດ ຟັງ​ເພງສາກົນເກົ່າໆຂອງ​ຊຸ​ມປີ 1960-70 ພຸ້ນ ​ແລະ​ວ່າ​ຈະ​ມີ​ເພງ​ມ່ວນ​ໆ ​ໃດ​ແດ່​ນັ້ນ ຂໍ​ເຊີນທ່ານ ​ເຂົ້າ​ໄປພິສູດ​ພ້ອມໆ​ກັນ​ເລີຍ.

Your browser doesn’t support HTML5

ລາຍການສຽງເພງຈາກແດນໄກຂອງວີໂອເອ: If You Leave Me Now - Chicago

ສະບາ​ຍດີ​ທຸກໆທ່ານ ກັບ​ມາ​ຟັງ​ເພງສາກົນມ່ວນໆກັບ​ວັນນະ​ສອນ​ອີກ ໃນ​ລາຍການ
​ສຽງ​ເພງ​ຈາກ​ແດນ​ໄກ​ຂອງ VOA. ​ເພງ You've Got A Friend ຕໍ່​ໄປນີ້ ​ແມ່ນ​ເພງ​ທີ່​
ເຄີຍ​ໂດ່​ງດັງ​ມາ​ກ່ອນ​ແລ້ວ ທີ່​ຂັບ​ຮ້ອງ​ຕົ້ນ​ສະບັບ​ແມ່ນ​ຂອງ James Taylor ​ໃນ​ປີ
1971 ຊຶ່ງກໍໄດ້​ຮັບລາ​ງວັນ​ແກຣມມີ​ຂອງ​ຊຸດ​ເພງ​ແຫ່ງ​ປີ ຫຼື Album of the Year.
​ແຕ່​ຄັ້ງ​ນີ້​ຈະເປັນ​ສຽງ​ຮ້ອງ​ຂອງ​ສິນລະປິນ​ສາວ Carole King ​ເອົາ​ຂໍ​ເຊີນ​ໄປ​ຟັງ​ເບິ່ງວ່າ​
ສະບັບ​ທີ່​ເປັນ​ຂອງ​ຜູ້​ຊາຍ​ແລະ​ສຽງ​ຜູ້ຍິງ​ນັ້ນ ຈະ​ມ່ວນ​ແຕກ​ຕ່າງ​ກັນຢ່າງ​ໃດ.

ຢ່າງ​ທີ່​ພວກ​ເຮົາ​ຊາບ​ກັນ​ນັ້ນ​ລະ ດົນຕີ ສຽງ​ເພງ​ນັ້ນ ​ແມ່ນ​ໄຮ້​ພົມ​ແດນ ບໍ່​ວ່າ​ເປັນ​
ເພງ​ລາວ ເພງ​ສາກົນ ຫຼື​ເພງ​ຂອງ​ປະ​ເທດ​ອື່ນ ກໍ​ຕາມ ​ເຮົາ​ສາມາດ​ສື່ສານ​ແລະ​ຟັງ​
ເຂົ້າ​ເຖິງ​ໃຈ ທັງໆ​ທີ່​ບາງ​ເພງ​ຂອງ​ປະ​ເທດ​ອື່ນໆ ​ເຮົາ​ອາດ​ຈະ​ບໍ່​ເຂົ້າ​ໃຈ​ໃນ​ເນື້ອ​ຮ້ອງ
​ພາສາ ​ກໍ​ຕາມ. ​ແລະ​ເພງ​ຕໍ່​ໄປ​ນີ້ ກໍ​ແມ່ນ​ອີກ​ເພງ​ນຶ່ງ​ທີ່​ໂດ່​ງດັງ​ໃນ​ຊຸມ​ປີ 1970 ພຸ້ນ
ເອົາ ມາ​ຟັງ​ເພງຂອງ​ວົງ Chicago ​ໃນ​ບົດ​ເພງ If You Leave Me Now. ວັນນະ​
ສອນ​ວ່າ ​ເພງ​ນີ້ ຄົງ​ຈະ​ເຮັດ​ໃຫ້​ຜູ້​ຟັງ​ຫຼາຍ​ທ່ານ ຢ້ອນ​ຄິດ​ເຖິງ​ອະດີດ ຄັ້ງ​ທີ່​ຍັງ​ເປັນໜຸ່ມ​
ເປັນ​ສາວ.

ຈັ່ງ​ໃດ ວັນນະ​ສອນ ກໍ​ຫຼິ້ນ​ເພງ​ເກົ່າໆ ​ເພງ​ດັງ​ໃນ​ອະດີດ ​ໃຫ້​ທ່ານ​ຜູ້​ຟັງ​ໄປ​ແລ້ວ ກໍຂໍ​ປິດ
​ທ້າຍ​ລາຍການ​ດ້ວຍ​ເພງ​ດັງ​ໃນ​ອະດີດ ອີກ​ຕື່ມ​ເພງ​ນຶ່ງ ​ເປັນ​ເພງ​ຂອງ​ວົງ​ທີ່​ໂດ່​ງດັງ
ກ້ອງໂລກ​ມາ​ແລ້ວ... ທີ່​ທຸກ​ຄົນຮູ້​ຈັກ​ເປັນ​ຢ່າງດີ The Beatles ​ແລະ​ວ່າ​ເພງ
Yesterday ນີ້ ກໍ​ຄົງ​ຈະ​ເຮັດ​ໃຫ້​ຫຼາຍໆ​ທ່ານ​ສາມາດ​ຮ້ອງ​ນຳໄດ້ ​ເພາະວ່າ ວັນນະ​
ສອນ​ ເຊື່ອ​ວ່າເພງ​ນີ້ ຢູ່​ໃນ​ໃຈຂອງ​ທ່ານ​ສະ​ເໝີ. ຂໍໃຫ້ທ່ານຜູ້ຟັງຈົ່ງນອນຫລັບຝັນດີ ແລະພົບກັນໃໝ່ ໃນສັບປະດາໜ້າ.