Your browser doesn’t support HTML5
ຟັງເພງ ເຫັນພຽງພາບ - ອຸດອນ ວົງສີ
ສະບາຍດີ ແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງ
ຈາກແດນໄກຂອງ VOA ໃນຄ່ຳຄືນຂອງວັນອາທິດ ທ້າຍເດືອນ
ມິຖຸນານີ້ ກ່ອນອື່ນ ວັນນະສອນ ຕ້ອງຖາມໄຖ່ສະບາຍ ແລະຂໍຂອບ
ໃຈທຸກໆທ່ານ ທີ່ແວະວຽນເຂົ້າມາຖາມໄຖ່ສະບາຍດີກັນ ຜ່ານທາງ
Facebook ເຂົ້າມາຫາທາງເຮົາ ຂໍຟັງເພງນັ້ນນີ້ ຊຶ່ງເພງຕໍ່ໄປນີ້
ຂໍຈັດໃຫ້ຜູ້ຟັງທ່ານຫົງຄຳ ວົງພັກດີ ທີ່ຂຽນຂໍຟັງເພງຂອງ ອຸດອນ
ວົງສີ ສິນລະປິນລາວ ສຽງອຳມະຕະຈາກອອສເຕຣເລຍ ໃນບົດ
ເພງ “ເຫັນພຽງພາບ” ທີ່ເພງເກົ່າທີ່ປະພັນໂດຍ ອາຈານພົມມະ
ພິມມະສອນ ທີ່ອະໄສຢູ່ການາດາ ວັນນະສອນ ແນ່ໃຈວ່າ ທຸກໆທ່ານຈະຕ້ອງມັກຮັກເພງນີ້...ເພາະວ່າທຸກຄັ້ງທີ່ໄດ້ຟັງເພງເກົ່າໆ ເພງຫວານໃນອະດີດ ເຮັດໃຫ້ພວກເຮົາຄົນລາວ ທຸກໆທ່ານທີ່ມັກຮັກໃນເພງລາວນັ້ນ ຍິ່ງຟາກຈະຖະໜອມແລະຮັກສາເພງລາວໃຫ້ສືບທອດຕໍ່ໆໄປ ຕາບນານເທົ່ານານ.
ສ່ວນເພງ “ຮັກເຈົ້າສຸດຫົວໃຈ” ຂອງສິນລະປິນສາວ ແສງຈັນ ນະຄອນທັບ ຂັບຮ້ອງນີ້ ຈັດໃຫ້ຕາມຄຳຂໍຂອງທ່ານ ສຸພາບ ນະຄອນທັບ ທີ່ຂຽນເຂົ້າມາທາງ Facebook ບອກມາວ່າ ມັກເພງ “ຮັກເຈົ້າສຸດຫົວໃຈ” ນີ້ເປັນທີ່ສຸດ ເດີມທີ່ແລ້ວເພງຕົ້ນສະບັບ ເປັນເພງຂອງຜູ້ຊາຍ ແຕ່ ດ້ວຍສຽງອັນກັງວານແລະອ່ອນຊ້ອຍຂອງແສງຈັນ ນະຄອນທັບ ຈຶ່ງເຮັດໃຫ້ເພງນີ້ ແບບວ່າ ຟັງໄປ ເຄີ້ມໄປ ຊຶ່ງກັບຄວາມໝາຍຂອງເພງນີ້ ແລະຫວັງວ່າ ທ່ານຜູ້ຟັງ ທີ່ກຳລັງຮັບຟັງຢູ່ໃນຂະນະນີ້ ຄົງຈະມີຄວາມຮູ້ສຶກເຊັ່ນດຽວກັບວັນນະສອນ ແລະຂໍໃຫ້ມ່ວນຊື່ນກັບເພງນີ້.
ສ່ວນເພງ ຫອມກິນຈຳປາ ນີ້ຈັດໃຫ້ຕາມຂໍ້ຄວາມຂອງທ່ານຜູ້ຟັງທີ່ຂຽນຂໍ້ຄວາມວ່າ ເພງ
ຫອມກິນຈຳປາ ນີ້ ເຮັດໃຫ້ຜູ້ຂ້າຄິດຮອດເມືອງລາວ ແລະວັນນະສອນ ວ່າ ເພງນີ້ທີ່ ລີກ ອຸດົມໄຊ ໄດ້ຂັບຮ້ອງນັ້ນແມ່ນໃສ່ອາລົມເຕັມທີ່ແລະເພີ້ມຄວາມຫວານ ຍິ່ງທີ່ເຮັດໃຫ້ເພງນີ້ມີຄວາມໝາຍ ແລະເຮັດໃຫ້ຫຼາຍໆທ່ານ ໄດ້ຄິດເຖິງບ້ານເກີດເມືອງນອນ ຂໍເຊີນໄປຟັງພ້ອມໆກັນເລີຍ . ຂໍໃຫ້ທຸກໆທ່ານຈົ່ງນອນລັບຝັນຫວານ.