Your browser doesn’t support HTML5
ຟັງລາຍການສຽງເພງຈາກແດນໄກ - ບໍ່ຈ້າງໃຫ້ງຶດ - 07ທັນວາ14
ສບາຍດີແລະກັບມາພົບກັນເຊັ່ນເຄີຍໃນລາຍການສຽງເພງຈາກ
ແດນໄກ ຄ່ຳຄືນນີ້ ເພງ “ບໍ່ຈ້າງໃຫ້ງຶດ” ນີ້ ທີ່ຂັບຂ້ອງໂດຍ ດາວ
ສີວິໄລ ເປັນເພງທຳນອງແນວປະຊົດປະຊັນ ເປັນເພງຜູ້ຊາຍທີ່
ຮ້ອງຕອບ ເພງ “ຈ້າງກະບໍ່ງຶດ” ຂອງສິນລະປິນສາວ ປຸກກີ້
ເງິນລ້ານ ທີ່ເປັນເພງແນວໜ້າຮັກ ກໍຂໍມອບໃຫ້ໜຸ່ມໆທັງຫຼາຍ
ແລະວ່າ ຄວາມຮັກ ຄວາມເຂົ້າອົກເຂົ້າໃຈ ຊຶ່ງກັນແລະກັນນັ້ນ
ບໍ່ແມ່ນການເອົາລັດເອົາປຽບ ປະຊົດປະຊັນກັນ ແຕ່ຢ່າງໃດ
ແລະຫວັງວ່າ ໜຸ່ມໆທີ່ໄດ້ຮັບຟັງເພງນີ້ ຄົງຈະເຂົ້າໃຈແລະເຫັນໃຈ ຍອມຮັບຜິດກ່ອນ ຍອມງໍ້ກ່ອນ ໃນທີ່ສຸດ ຝ່າຍຍິງກໍຈະມາງໍ້ແລະຄືນດີເອງ ນັ້ນລະ ບໍ່ເຊື່ອ ກໍຂໍໃຫ້ລອງປະຕິບັດເບິ່ງວ່າ ຜົນຈະອອກມາດີບໍ່ ແລ້ວກໍຢ່າລືມຂຽນບອກໃຫ້ເອື້ອຍຟັງແດ່ວ່າ ມັນເຮັດໄດ້ແທ້ໆ ເອົາໄປຟັງພ້ອມໆກັນເລີຍ.
ສ່ວນເພງ “ຮັກສາວໂພນໂຮງ” ນີ້ ຈັດໃຫ້ຜູ້ຟັງທີ່ມີນາມແຝງວ່າ “ເວີນ999” ທີ່ຂຽນເຂົ້າມາຂໍຟັງເພງ “ໂພນໂຮງຍາມຈາກ” ແຕ່ເສຍດາຍ ທາງເຮົາບໍ່ມີເພງນີ້ ຈຶ່ງຂໍຈັດເພງ “ຮັກສາວໂພນໂຮງ” ທີ່ຂັບຮ້ອງໂດຍ ດວງ ດາຣາພອນ ແທນ ຫວັງວ່າຄົງບໍ່ວ່າກັນ ແລະກໍຈະພະຍາ
ຍາມຫາເພງທີ່ນ້ອງຂໍມານັ້ນ ຈັດໃຫ້ຟັງໃນໂອກາດຕໍ່ໄປ.
ຂໍອຳລາທ່ານຜູ້ຟັງ ດ້ວຍເພງນີ້ “ລົມໜາວ” ຂອງ ຕຸກຕາ ສຸກສະຫວັນ ສິນລະປິນສາວສຽງ
ຫວານຈາກ ສປປ ລາວ ຊຶ່ງຊ່າງປະຈວບເໝາະກັບບັນຍາກາດໃນນະຄອນຫຼວງ ວໍຊິງຕັນ
ດີຊີ ທີ່ຂ້ອນຂ້າງໜາວ ແລະວ່າ ສປປ ລາວ ໃນບາງພາກ ກໍຄົງໜາວເຊັ່ນກັນ ກໍຂໍໃຫ້ຮັກສາ
ສຸກຂະພາບ ຢ່າໄດ້ເຈັບປ່ວຍ ເພາະຈະໄດ້ກັບມາຟັງເພງຮ່ວມກັນອີກ ໃນສັບປະດາໜ້າ.