ອະດີດຜູ້ນຳກອງທັບທີ່ເຄີຍປົກຄອງປາກິສຖານ ທ່ານ Pervez
Musharraf ທີ່ກຳລັງປະເຊີນໜ້າກັບຂໍ້ຫາຂາຍຊາດແລະຂໍ້ຫາ
ອື່ນໆນັ້ນໄດ້ເດີນທາງອອກຈາກປະເທດ ຫຼັງຈາກໄດ້ມີການຍົກ
ເລີກການຫ້າມບໍ່ໃຫ້ທ່ານເດີນທາງ.
ສານສູງສຸດໄດ້ສັ່ງໃຫ້ລັດຖະບານ ຍົກເລີກຂໍ້ຫ້າ ມຕໍ່ອະດີດປະ
ທານາທິບໍດີໃນຕົ້ນອາທິດນີ້.
ທ່ານ Musharraf ໄດ້ອອກເດີນທາງໄປຍັງດູບາຍໃນຕອນເຊົ້າ
ວັນສຸກມື້ນີ້ ແລະຄາດວ່າ ຈະໄປຮັບການປິ່ນປົວ ຢູ່ຕ່າງປະເທດ
ໃນອັນທີ່ທ່ານກ່າວວ່າ ການເຈັບປ່ວຍມາໄດ້ສິບກວ່າປີແລ້ວ.
ອະດີດຜູ້ປົກຄອງປາກິສຖານໃຫ້ຄຳໝັ້ນສັນຍາວ່າ ຈະມາຂຶ້ນສານຕໍ່ສູ້ຄະດີກ່ຽວກັບຂໍ້ຫາ
ຕ່າງໆທີ່ທ່ານປະເຊີນໜ້າຢູ່.
ທ່ານກ່າວຕໍ່ໜັງສືພິມ Dawn ຂອງປາກິສຖານວ່າ ຂ້າພະເຈົ້າເປັນໜ່ວຍກ້າຕາຍແລະຂ້າ
ພະເຈົ້າຮັກບ້ານເກີດເມືອງນອນຂອງຂ້າພະເຈົ້າ. ຂ້າພະເຈົ້າຈະກັບຄືນມາພາຍໃນເວລາ
ຫຼາຍໆອາທິດ ຫຼືບໍ່ກໍຫລາຍໆເດືອນ.
Your browser doesn’t support HTML5
Pakistan Musharaf