ການຢຽບກັນຕາຍ ຢູ່ຂົວທາງລົດໄຟແຫ່ງນຶ່ງ ໃນນະຄອນ Mumbai ທີ່ເປັນສູນກາງ
ດ້ານການເງິນຂອງອິນເດຍ ໄດ້ເຮັດໃຫ້ 22 ຄົນເສຍຊີວິດ ແລະຫລາຍກວ່າ 20 ຄົນ
ໄດ້ຮັບບາດເຈັບ ລະຫວ່າງຊົ່ວໂມງເຂົ້າໃນການຕອນເຊົ້າວັນສຸກມື້ນີ້.
ໂຕເລກຜູ້ເສຍຊີວິດ ຄາດວ່າຈະເພີ້ມຂຶຶ້ນຕື່ມ ນັ້ນຄືຄຳເຕືອນຂອງໂຄສົກການລົດໄຟ
ອິນເດຍ.
ຫລາຍສິບຄົນໄດ້ພາກັນລີ້ຢູ່ເທິງຂົວ ຢູ່ສະຖານີລົດໄຟໃຫຍ່ Elphinstone ຂອງນະ
ຄອນດັ່ງກ່າວ ລະຫວ່າງເກີດຝົນຕົກໜັກ ໃນທັນທີທັນໃດ.
ສາເຫດຂອງການຢຽບກັນຕາຍຍັງບໍ່ຈະແຈ້ງ ເຖິງແມ່ນມີລາຍງານຂ່າວລືວ່າຂົວອາດ
ຈະຫັກພັງລົງ ຫລັງຈາກກ້ອນຊິມັງຕົກລົງມາເຮັດໃຫ້ຜູ້ຄົນພາກັນຟ້າວແລ່ນໜີອອກ
ຈາກຂົວ.
ຂົວຕໍ່ກັບສະຖານີ Elphinston ແລະສະຖານີ Parel ຢູ່ທາງຝັ່ງທະເລຕາເວັນຕົກ
ຂອງຫົວເມືອງທາງພາກໃຕ້ອິນເດຍ.
ຂົວດັ່ງກ່າວມັກຈະແອອັດໃນເວລາເຂົ້າການຕອນເຊົ້າ ໃນຂະນະທີ່ບໍລິການເປັນທາງ
ອອກໃຫ້ແກ່ຜູ້ໂດຍສານ ທີ່ອອກມາຈາກລົດໄຟ ຢູ່ສະຖານີລົດໄຟຢູ່ທີ່ໃກ້ໆນັ້ນ.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
India Stampede