ພວກຫົວຮຸນແຮງລັດອິສລາມ ໄດ້ເລີ້ມເປີດສາກບຸກໂຈມຕີຄັ້ງ
ສຳຄັນ ໃສ່ເມືອງ Ramadi ຂອງອີຣັກ ໂດຍຍິງຖະຫລົ່ມດ້ວຍ
ລູກປືນຄົກ ແລະລະເບີດລົດຫລາຍຄັນ.
ບັນດາເຈົ້າໜ້າທີ່ທ້ອງຖິ່ນກ່າວວ່າ ການໂຈມຕີອາດແນ່ໃສ່ການ
ບຸກເຂົ້າຄວບຄຸມເອົາເມືອງດັ່ງກ່າວ ຊຶ່ງເປັນເຂດສຸດທ້າຍ ໃນ
ແຂວງ Anbar ທີ່ຄວບຄຸມໂດຍ ລັດຖະບານອີຣັກ.
ພວກມືປືນຂອງກຸ່ມລັດອິສລາມ ມີລາຍງານວ່າ ໄດ້ຍິງໃສ່ບັນດາ
ຕຶກອາຄານ ຂອງລັດຖະບານ ຢູ່ໃນເມືອງ Ramadi ແຕ່ຍັງບໍ່ທັນ
ມີລາຍງານກ່ຽວກັບການ ບາດເຈັບລົ້ມຕາຍ.
ຢູ່ທີ່ ທຳນຽບຫ້າແຈ ລັດຖະມົນຕີ ປ້ອງກັນປະທດສະຫະລັດ ທ່ານ Chuck Hagel ໄດ້
ສົນທະນາຫາລື ໃນວັນສຸກວານນີ້ ກັບລັດຖະມົນຕີກຳລັງຮັກສາ ຄວາມສະຫງົບແຫ່ງຊາດ
ຂອງຊາອຸດີ ອາຣາເບຍ ເຈົ້າຊາຍ Mitib bin Abdullah bin Abdulahziz Al Saud
ແລະ ລັດຖະມົນຕີປ້ອງກັນປະເທດ Qatar ທ່ານ Hama bin Ali al-Attiyah.
ທັງສອງປະເທດ ໄດ້ເປັນພັນທະມິດທີ່ແນ່ວແນ່ຂອງສະຫະລັດ ທີ່ເຂົ້າຮ່ວມການ ໂຈມຕີ
ທາງອາກາດຂອງແນວໂຮມ ໃສ່ລັດອິສລາມ.
ທ່ານ Hagel ໄດ້ສະແດງຄວາມຂອບໃຈຕໍ່ລັດຖະມົນຕີທັງສອງໃນການສະໜັບ ສະໜຸນ
ຂອງເຂົາເຈົ້າພ້ອມດ້ວຍຄວາມພະຍາຍາມໃນການເຝິກແອບພວກຕໍ່ຕ້ານ ທີ່ນິຍົມແນວ
ທາງປານກາງໃນຊີເຣຍ ໃນການຕໍ່ສູ້ເພື່ອໂຄ່ນລົ້ມ ປະທານາທິບໍດີ Bashar al-Assad.
ເບິ່ງສະໄລດ໌ ທີ່ກ່ຽວຂ້ອງ:
ເຫດລະເບີດ ຢູ່ເມືອງ Irbil, ອີຣັກ