ບັນດານັກເຄື່ອນໄຫວສິດທິມະນຸດໃນປະເທດໂປແລນກ່າວວ່າ ກຸ່ມຄົນອົບພະຍົບ ປະມານ 30 ຄົນ ທີ່ກຳລັງຊອກຫາບ່ອນລີ້ໄພ, ເຊິ່ງໃນນັ້ນລວມມີເດັກນ້ອຍ, ໄດ້ຕິດຄ້າງຢູ່ທີ່ກຳແພງກັ້ນເຂດຊາຍແດນລະຫວ່າງໂປແລນ ແລະ ເບລາຣຸສ ເປັນເວລາ 3 ມື້ແລ້ວ, ອີງຕາມອົງການຂ່າວ ເອ.ພີ. ບາງຄົນຕ້ອງການການ ຊ່ວຍເຫຼືອທາງດ້ານການແພດ, ນັກເຄື່ອນໄຫວຂອງກຸ່ມຊາຍແດນໄດ້ກ່າວຢູ່ໃນສື່ ສັງຄົມ. ເຖິງແມ່ນວ່າພວກອົບພະຍົບຈະຢູ່ອີກຟາກນຶ່ງຂອງກຳແພງ, ບັນດານັກເຄື່ອນໄຫວກ່າວວ່າ ພວກເຂົາເຈົ້າແມ່ນຢູ່ໃນດິນແດນຂອງໂປແລນ ແລະ ເບລາຣຸສ ບໍ່ຍອມໃຫ້ພວກເຂົາກັບຄືນໄປ. ໃນປີກາຍນີ້, ໂປແລນ ໄດ້ສ້າງກໍາແພງ ເຫຼັກເກືອບ 190 ກິໂລແມັດ ຫຼັງຈາກຜູ້ອົບພະຍົບຫລາຍພັນຄົນຈາກ ເອເຊຍ ແລະອາຟຣິກາໄດ້ຂ້າມເຂົ້າໄປໃນປະເທດ. ບັນດາລັດຖະບານຂອງຕາເວັນຕົກ ກ່າວຫາເບລາຣຸສວ່າໃຊ້ຄົນອົບພະຍົບເປັນເຄື່ອງມືສ້າງຄວາມບໍ່ສະຖຽນລະພາບ ໃຫ້ແກ່ສະຫະພາບ ຢູໂຣບ - ເຊິ່ງແມ່ນສິ່ງທີ່ ເບລາຣຸສ ໄດ້ປະຕິເສດ.
ອົບພະຍົບລວມທັງເດັກນ້ອຍ ຕິດຄ້າງຢູ່ທີ່ເຂດກຳແພງກັ້ນຊາຍແດນໂປແລນ; ບັນດານັກເຄື່ອນໄຫວກ່າວວ່າ ເບລາຣຸສ ຈະບໍ່ຍອມໃຫ້ພວກເຂົາເຈົ້າກັບຄືນ
ສະມາຊິກຂອງຄົນອົບພະຍົບປະມານ 30 ຄົນ ທີ່ກຳລັງຊອກຫາບ່ອນລີ້ໄພ ໄດ້ຖືກພົບເຫັນຢູ່ໃນ Bialowieza ປະເທດໂປແລນ ໃນວັນທີີ 28 ພຶດສະພາ 2023 ກົງກັນຂ້າມກັບກຳແພງທີ່ໂປແລນ ໄດ້ສ້າງຢູ່ເທິງຊາຍແດນຂອງຕົນ ແລະ ເບລາຣຸສ ເພື່ອຢຸດແຮງກົດດັນຈາກອົບພະຍົບຈຳນວນຫຼາຍ