ອະດີດທະຫານນາວິກກະໂຍທິນສະຫະລັດຄົນນຶ່ງ ໄດ້ຖືກປ່ອຍ
ໂຕແລ້ວ ຫຼັງຈາກຕິດຄຸກ 7 ເດືອນທີ່ເມັກຊິໂກ ໃນຂໍ້ຫາມີປືນຢູ່
ໃນຄວາມຄອບຄອງນັ້ນ ກັບຄືນມາຮອດສະຫະລັດແລ້ວ.
ກະຊວງການຕ່າງປະເທດສະຫະລັດ ກ່າວວ່າ ຕົນມີຄວາມປິຕິຍິນ
ດີທີ່ບັນດາເຈົ້າໜ້າທີ່ຝ່າຍຕຸລາການຂອງເມັກຊິໂກ ສັ່ງໃຫ້ປ່ອຍ
ໂຕອະດີດ ສິບເອກ Andrew Tahmooressi ອອກຈາກຄຸກນັ້ນ.
ທ່ານນາງ Jen Psaki ໂຄສົກກະຊວງການຕ່າງປະເທດສະຫະ
ລັດກ່າວໃນວັນເສົາວານນີ້ວ່າ ບັນດາເຈົ້າໜ້າທີ່ສະຫະລັດໄດ້ສະ
ແດງຄວາມຮູ້ບຸນຄຸນນຳການຮ່ວມມືທີ່ດີເລີດຂອງເມັກຊິໂກ ຊຶ່ງ
ໄດ້ອະນຸຍາດໃຫ້ນາຍ Tahmooressi ຕິດຕໍ່ຫາກົງສຸນໂດຍໄວ ແລະສືບຕໍ່ໃຫ້ທາງກົງສຸນ ເຂົ້າຫາ ແລະຢ້ຽມຢາມຜູ້ກ່ຽວໄດ້.
ບັນດານາຍແພດ ກ່າວວ່າ ນາຍ Tahmooressi ໄດ້ມີບັນຫາທາງດ້ານຈິດໃຈບໍ່ປົກກະຕິ
ຫຼັງສົງຄາມ ຫຼັງຈາກຮັບໃຊ້ເປັນທະຫານນາວິກກະໂຍທິນ ໃນອັຟການິສຖານມາແລ້ວ.
ພວກເຈົ້າໜ້າທີ່ຮັກສາຊາຍແດນເມັກຊິໂກ ໄດ້ຈັບກຸມນາຍ Tahmooressi ໃນເດືອນມີນາ ເວລາເຂົາເຈົ້າພົບເຫັນລາວມີປືນ 3 ກະບອກຢູ່ໃນລົດບັນທຸກຂອງລາວ ຫຼັງຈາກລາວຂ້າມຊາຍແດນຈາກເມືອງ San Diego ລັດ California ເຂົ້າໄປ ໃນເມືອງ Tijuana ນັ້ນ.
ນາຍ Tahmoooressi ກ່າວວ່າ ລາວຂ້າມຊາຍແດນເຂົ້າໄປໃນເມັກຊິໂກ ໂດຍບັງເອີນ ຫຼັງຈາກລາວໄປຄາຢູ່ໃນທາງຫຼວງລັດ California ສາຍນຶ່ງ ຊຶ່ງບໍ່ມີທາງຈະກັບຄືນຈາກ
ຊາຍແດນ.
ຕຳຫຼວດເມັກຊິໂກ ກ່າວວ່າ ລາວໄດ້ເຂົ້າໄປໃນປະເທດໂດຍເຈດຕະນາ. ການເອົາອາວຸດປືນເຂົ້າໄປໃນເມັກຊິໂກ ເປັນອາຊະຍາກຳ ລັດຖະບານກາງ.