ກະຊວງສາທາລະນະສຸກເກົາຫລີໃຕ້ ໄດ້ປະກາດກ່ຽວກັບການ
ເສຍຊີວິດຂອງບຸກຄົນທີເຈັດຍ້ອນພະຍາດລະບົບຫາຍໃຈຮ້າຍ
ແຮງຈາກພາກຕາເວັນອອກກາງຫລື MERS.
ກະຊວງສາທາກ່າວໃນວັນອັງຄານມື້ນີ້ວ່າ ຜູ້ເຄາະຮ້າຍອາຍຸ
68 ປີ ເປັນຜູ້ຍິງ ທີ່ໄດ້ເຂົ້າຮັບການປິ່ນປົວຢູ່ຫ້ອງສຸກເສີນໃນ
ໂຮງໝໍທີ່ນະຄອນໂຊລ ບ່ອນທີ່ການຕິດແປດກ່ອນໜ້ານີ້ໄດ້
ເກີດຂື້ນ.
ກະຊວງສາທາຍັງລາຍງານອີກວ່າ ມີການລະບາດຂອງແປດ
ກໍລະນີໃໝ່ ຊຶ່ງເຮັດໃຫ້ໂຕເລກຂອງຜູ້ຕິດເຊື້ອທັງໝົດ ເພີ້ມ
ຂຶ້ນເປັນ 95 ກໍລະນີ.
Your browser doesn’t support HTML5
Despite MERS Outbreak, Normal Life in Seoul Goes On
ທ່ານ Jeong Eun-kyung ເຈົ້າໜ້າທີ່ສູນກາງຄວບຄຸມພະຍາດ ກ່າວວ່າ “ພວກເຮົາຢືນ
ຢັນໄດ້ວ່າມີທັງໝົດ 95 ກໍລະນີຂອງພະຍາດ MERS. ແຕ່ວ່າຢູ່ໃນຈຳນວນທັງໝົດນີ້ ມີ
ຄົນເຈັບເກົ້າຄົນຍັງມີອາການບໍ່ແນ່ນອນ ມາຈົນຮອດມື້ເຊົ້ານີ້.”
ການແຜ່ລະບາດດັ່ງກ່າວ ໄດ້ພາໃຫ້ມີການກັກບໍລິເວນ 2,500 ຄົນທີ່ສົງໄສວ່າ ຕິດຕໍ່ກັບ
ຄົນເຈັບ ທີ່ເປັນພະຍາດ MERS. ບັນດາເຈົ້າໜ້າທີກ່າວວ່່າ ເຂົາເຈົ້າກຳລັງຕິດຕາມເບິ່ງ
ສັນຍານໂທລະສັບມືຖືຂອງພວກທີ່ຖືກກັກບໍລິເວນ ເພື່ອໃຫ້ເປັນທີ່ແນ່ນອນວ່າ ພວກເຂົາ
ປະຕິບັດຕາມຄຳສັ່ງດັ່ງກ່າວ.
ເກົາຫລີໃຕ້ຍັງໄດ້ສັ່ງໃຫ້ປິດໂຮງຮຽນເກືອບ 2000 ແຫ່ງ ໃນຄວາມພະຍາຍາມ ເພື່ອຍຸດຕິ
ການແຜ່ລະບາດຂອງເຊື້ອພະຍາດ.
ກໍລະນີການຕິດແປດທັງໝົດ ແມ່ນໄດ້ເກີດຂື້ນຢູ່ໃນສະຖານທີ່ປິ່ນປົວສຸຂະພາບ ຕ່າງໆ.
Your browser doesn’t support HTML5
South Korea MERS