ຄວາມພະຍາຍາມໃນການເກັບກູ້ ໄດ້ເລີ້ມຄືນອີກ ໃນບ່ອນທີ່
ເຮືອບິນ Airbus A320 ຂອງສາຍການບິນ Germanwings
ເກີດອຸບັດເຫດຕົກ ໃນວັນອັງຄານວານນີ້ ໃນເຂດເທິງພູ Alps
ຂອງຝຣັ່ງ ຊຶ່ງເຮັດໃຫ້ພວກຄົນໂດຍສານພ້ອມທັງຈຸບິນທັງໝົດ
150 ຄົນເສຍຊີວິດນັ້ນ.
ກະຊວງພາຍໃນຝຣັ່ງ ກ່າວວ່າ ໜຶ່ງໃນບັນດາທີ່ເອີ້ນວ່າ “ຫີບ
ດຳຫຼື ”blackboxes” ຈາກຖ້ຽວບິນ 4U 9525 ຂອງສາຍ
ການບິນ Germanwings ຖືກເກັບກູ້ໄດ້ແລ້ວ ແຕ່ໄດ້ຮັບ
ຄວາມເສຍຫາຍ ແລະເວລານີ້ກຳລັງມີການວິໄຈກັນຢູ່ທີ່ນະ
ຄອນຫຼວງປາຣີ ເພື່ອຊອກຫາຮ່ອງຮອຍຂອງສາຍເຫດທີ່ພາ
ໃຫ້ເຮືອບິນລຳນີ້ຕົກນັ້ນ.
ຄາດກັນວ່າ ນາຍົກລັດຖະມົນຕີ Angela Merkel ແຫ່ງເຢຍຣະມັນ ປະທານາທິບໍດີ
Francois Hollande ແຫ່ງຝຣັ່ງ ແລະນາຍົກລັດຖະມົນຕີ Mariano Rajoy ແຫ່ງສະ
ເປນຈະໄປເບິ່ງບ່ອນເກີດອຸບັດເຫດ ໃນວັນພຸດມື້ນີ້.
ເຮືອບິນລຳດັ່ງກ່າວໄດ້ເກີດອຸບັດເຫດຕົກລົງໃນເຊົ້າວັນອັງຄານວານນີ້ ໂດຍບໍ່ມີການໃຫ້ສັນຍານຂໍຄວາມຊ່ອຍເຫຼືອໃດໆ ໃນຂະຂະທີ່ກຳລັງບິນ ຈາກເມືອງ Barcelona ຂອງ
ສະເປນ ໄປຫາເມືອງ Dusseldorf ຂອງເຢຍຣະມັນ. ເຊື່ອກັນວ່າພວກຄົນໂດຍສານ
ແມ່ນຮວມທັງຊາວສະເປນແລະຊາວເຢຍຣະມັນເປັນຈຳນວນຫຼາຍ ຕະຫຼອດທັງພວກຄົນຊາດອື່ນໆຈາກເທີກີ ເນເທີແລນ ແລະອອສເຕຣເລຍ.
ປ. ຝຣັ່ງວ່າ ອາດບໍ່ມີ ຜູ້ລອດຊີວິດ ຈາກເຮືອບິນຕົກ
ມີການເຊື່ອກັນອີກວ່າ ໃນບັນດາພວກຄົນໂດຍສານນັ້ນ ມີນັກຮ້ອງ opera ເຢຍຣະມັນຄູ່ໜຶ່ງ ແລະພວກໄວລຸຸ້ນເຢຍຣະມັນ 16 ຄົນທີ່ກຳລັງກັບຄືນຈາກການໄປທັດສະນະສຶກສາຂອງໂຮງຮຽນ.
ບໍລິສັດ Lufthansa ຊຶ່ງເປັນບໍລິສັດແມ່ ຂອງບໍລິສັດສາຍການບິນລາ ຄາຖືກ German
wings ກ່າວວ່າຕົນກຳລັງຖືເລື້ອງເຮືອບິນຕົກນີ້ເປັນອຸບັດເຫດໃນເວລານີ້ ແລະກ່າວ
ເຕືອນວ່າ ການອ້າງອີງໃດໆ ໃນປັດຈຸບັນ ຕໍ່ການກໍ່ການຮ້າຍທີ່ອາດເປັນໄປໄດ້ນັ້ນຍັງ
ເປັນຄາດຄະເນກັນຊື່ໆ. ທຳນຽບຂາວກໍລາຍງານໃຫ້ຮູ້ວ່າ ໃນຂັ້ນຕົ້ນນີ້ ບໍ່ມີສ່ວນພົວພັນໃດໆກັບການກໍ່ການຮ້າຍ.
Your browser doesn’t support HTML5
France Airplane Crash
ບໍລິສັດ Germanwings ອອກຖະແຫຼງການສະບັບໜຶ່ງ ກ່າວວ່າ ຕົນໄດ້ລົບລ້າງຖ້ຽວບິນຫຼາຍຖ້ຽວ ທີ່ກຳນົດຈະອອກບິນໃນວັນພຸດມື້ນີ້ຍ້ອນພວກຈຸບິນຂໍຮ້ອງບໍ່ໃຫ້ບິນ. ສາຍການ
ບິນດັ່ງກ່າວ ຍັງກ່າວຕື່ມວ່າ ຕົນ “ມີຄວາມສະເທືອນຈິດສະເທືອນໃຈແລະໂສກເສົ້າ” ນຳເຮືອບິນຕົກນີ້ ແລະ ໃຫ້ຄຳໝັ້ນສັນຍາ ທີ່ຈະມີການສືບສວນສອບສວນຢ່າງເຕັມທີ່.