ພິທີບາສີສູ່ຂັວນ
ພິທີບາສີ
ພິທີບາສີ
Your browser doesn’t support HTML5
ຟັງລາຍງານການພົບປະສັງສັນຂອງຄະນະແພດລາວ_ຄັ້ງທີ 2
ຄະນະແພດລາວ
ການພົບປະສັງສັນຂອງຄະນະແພດລາວໃນທົ່ວທະວີບ ຄັ້ງທີ 2
ໄດ້ຈັດຂຶ້ນໃນທ້າຍເດືອນຕຸລາ ຜ່ານມາ ທີ່ນະຄອນ Las Vegas
ລັດ Nevada ນີ້ແມ່ນຖືວ່າເປັນການຮວມຕົວຂອງຫຼາຍໆອົງການ
ຫຼາຍໆໜ່ວຍງານ ແລະບຸກຄະລາກອນ ສ່ວນບຸກຄົນທີ່ກ່ຽວຂ້ອງ
ກັບວົງການແພດລາວ ໃນທົ່ວໂລກ. ທ່ານ ດຣ. ເຈຊັນ ຄໍາລີ ຊຶ່ງເປັນ
ປະທານໃຫ້ການຈັດງານຄັ້ງນີ້ ໄດ້ອະທິບາຍ ເຖິງເປົ້າໝາຍສໍາຄັນ
ຂອງການຈັດງານຄັ້ງນີ້ ສູ່ VOA ຟັງວ່າ:
Your browser doesn’t support HTML5
ຟັງການສໍາພາດ_ທ່ານດຣ. ເຈຊັນ ຄໍາລີ
ພິທີມອບຂອງທີ່ລະລຶກ
ບຸກຄົນສໍາຄັນອີກທ່ານນຶ່ງທີ່ຖືວ່າເປັນຜູ້ອະວຸໂສ ຮຸ່ນໃຫຍ່
ດຣ. ສີສົງຄາມ ກະຕ່າຍ ສະໂສຣິດ ເຄີຍດໍາຣົງຕໍາແໜ່ງເປັນ
ປະທານຂອງຄະນະແພດລາວຈາກການາດາ ກໍໄດ້ເຂົ້າຮ່ວມ
ໃນງານສັງສັນຄືນນັ້ນ ຊຶ່ງທ່ານໄດ້ກ່າວວ່າ:
Your browser doesn’t support HTML5
ຟັງການສໍາພາດ_ທ່ານດຣ. ສີສົງຄາມ ກະຕ່າຍ ສະໂສຣິດ
ວົງການແພດລາວກໍຖືວ່າເປັນວົງການສໍາຄັນ ຄືປັດໄຈທີ່ຈໍາເປັນ
ໃນການດໍາລົງຊີວິດ ບໍ່ຈໍາກັດ ຊັ້ນວັນນະຫຼືເພດ ຊຶ່ງສຸພາບສະຕີ
ດຣ. ເຈົ້າອາຣຸນາ ເພັຊຣາຊ ຂັຕຕິຍະວົງ ລູກສາວຂອງ
ສະເດັດເຈົ້າເພັຊຣາຊ ທີ່ຮັບເປັນທີ່ປຶກສາຂອງອົງການດັ່ງກ່າວນີ້
ກໍໄດ້ຮ່ວມສະແດງຄວາມຮູ້ສຶກປາບປື້ມ ທີ່ໄດ້ເປັນສ່ວນນຶ່ງຂອງ
ງານຄັ້ງນີ້ ຊຶ່ງທ່ານໄດ້ກ່າວວ່າ:
Your browser doesn’t support HTML5
ຟັງການສໍາພາດ_ທ່ານດຣ. ເຈົ້າອາຣຸນາ ເພັຊຣາຊ ຂັດຕິຍະວົງ
ຄະນະແພດລາວ
ງານພົບປະສັງສັນໃນໝູ່ຄະນະແພດລາວຄັ້ງທີ 2 ນີ້ຖືວ່າປະສົບ
ຜົນສໍາເລັດ ຊຶ່ງໄດ້ມີແຂກເຂົ້າຮ່ວມເກຶອບ 4 ຮ້ອຍຄົນ ຊຶ່ງແຂກ
ເຫຼົ່ານີ້ ແມ່ນໄດ້ເດີນທາງມາຈາກຫຼາຍໆເຂດໃນສະຫະລັດແລະ
ຕ່າງປະເທດ. ສຸພາບສະຕີ ຍາເອື້ອຍພອນສະອາດ ຈຸນລະມະນີ
ຄໍາລີ ເຈົ້າໜ້າທີ່ພະນັກງານແພດ ຕາງໜ້າໃຫ້ທ່ານ ດຣ. ເຍ-
ນາຣາ ທີ່ຮັບໜ້າທີ່ ເປັນທີ່ປຶກສາຂອງອົງການດັ່ງກ່າວນີ້ ບອກວ່າ ຂໍທາງໜ້າພໍ່ ທີ່ແກ່ຊະລາແລ້ວ ມາຮ່ວມບໍ່ໄດ້ ຈຶ່ງມາເປັນຕົວແທນໃນຄັ້ງນີ້ ຊຶ່ງເພິ່ນໄດ້ກ່າວວ່າ:
Your browser doesn’t support HTML5
ຟັງການສໍາພາດ_ຍານາງພອນສະອາດ ຈຸນລະມີນີ ຄໍາລີ.Mp3
ຄະນະໜຸ່ມນ້ອຍເຍົາວະຊົນ
ການເປີດງານ
ຄະນະແພດລາວ
ຕາງໜ້າໃຫ້ເຍົາວະຊົນໜຸ່ມນ້ອຍ ກໍແມ່ນຄຣີສຕີນາ ຫານສຸກສະວົງ ພະຍາບານແພດຈາກ ລັດ California ຊຶ່ງເປັນລູກ
ສາວຂອງ ດຣ. ບຸນລັດ ຫານ ສຸກສະວົງ ກໍໄດ້ປະກອບສ່ວນ
ຟ້ອນນາດຕະສິນລາວ ທີ່ພາກັນມາຮ່ວມທັງໝົດຄອບຄົວ ຜູ້ເປັນພໍ່
ທັງຕີກອງແລະຮ້ອງເພງ ນ້ອງສາວຫຼິ້ນຂິມແລະລະນາດ, ສ່ວນແມ່
ນັ້ນ ກໍປະກອບສ່ວນຕຸບຊິ່ງແລະຮ້ອງເພງປະກອບນໍາ ເປັນຕາ
ອອນຊອນຂອງຄອບຄົວຍຸກໃໝ່ ທີ່ເປັນທັງລາວ-ທັງອາເມຣິກັນ
ທີ່ມີຄວາມກ້າຫານ ສະຫຼາດຫຼັກແຫຼມ ມີຄວາມຮູ້ ຄວາມສາມາດ
ແລະກໍຍັງຄົງຄວາມເປັນລາວ ຍຶດເຄົ້າມູນເດີມລາວໄວ້ ເດີນຮອຍ
ຕາມພໍ່ ຮຽນຝ່າຍແພດໜໍ ຈົນເປັນພະຍາບານໃຫ້ຄອບຄົວໄດ້
ພູມໃຈ ຊຶ່ງຄຣີສຕີນາ ໄດ້ກ່າວເຖິງຄວາມຮູ້ສຶກພູມໃຈທີ່ເກີດ
ເປັນຄົນລາວວ່າ:
Your browser doesn’t support HTML5
ຟັງການສໍາພາດ_ນາງສາວ ຄຣີສຕິນາ ຫານ ສຸກສະວົງ
ຄະນະແພດຍິງ
ຮ້ອງເພງຮວມໝູ່
ພິທີເປີດງານໂດຍສ່ວນໃຫຍ່ຂອງຊາວລາວແລ້ວນັ້ນ ເຖິງແມ່ນວ່າ
ຈະພັກອາໄສ ຢູ່ແຫ່ງຫົນໃດກໍຕາມ ຍັງຮັກສາຮີດສິບສອງ
ຄອງສິບສີ່ ສືບມາ ຊຶ່ງກໍໄດ້ມີການ ຜູກຂໍ່ຕໍ່ແຂນ ຕາມຮີດຄອງປະເພ
ນີຟ້ອນອວຍພອນ ນໍາສະເໜີບັນດາເຈົ້າໜ້າທີ່ຈັດງານ ຈາກທຸກຝ່າຍ
ແລະກິນເຂົ້າສາມະຄີ ເປັນງານລ້ຽງແບບບຸບແຟ ທີ່ຈັດຂຶ້ນໃນໂຮງແຮມ
ໂອ້ໂຖງແຫ່ງນຶ່ງ ແມ່ງານຈາກຝ່າຍອາເມຣິກາ ທີ່ເປັນຫົວຈັກຫົວແຮງ
ກໍແມ່ນທຸນ້າ ເຈົ້າວັນຄໍາ ວົງວານິດແລະຍານ້າຄໍາສີ ສີຫາຣາດ
ສ່ວນຄະນະຈາກທາງການາດາ ກໍແມ່ນຍາເອື້ອຍມະນີຈັນ ວົງຈັນ
ປະທານຄະນະແພດລາວ-ການາດາ ຄົນປະຈຸບັນ ແລະທັນຕະແພດ
ອຸດສາຫະ ຊົງວິໄລ ຊຶ່ງເປັນຜູ້ລິເລີ່ມຢາກໃຫ້ມີງານສັງສັນຄະນະແພດ
ຄັ້ງທີ 2 ນີ້ ເກີດຂຶ້ນ ແລະຜູ້ທີ່ຮອງຮັບເປັນເຈົ້າພາບຮັບຮອງແຂກ
ຫຼັງຈາກວັນງານ ທີ່ນະຄອນ Las Vegas ກໍແມ່ນ ຍາເອື້ອຍ
ບຸນອຸ້ມ ສິຣິສັກ ຊຶ່ງກໍໄດ້ຮັບການສະນັບສະໜູນ ສົມທົບເລື່ອງ
ອາຫານການກິນແລະອື່ນໆຈາກທຸກພັກຝ່າຍ ທັງໃນເຂດທ້ອງຖິ່ນ
ແລະແຫ່ງອື່ນໆ.
ດຣ. ໜຸ່ມທັງທີ່ເປັນທະນາຍຄວາມນໍານັ້ນ ກໍຄື Dr. Thuan
Tran ຊຶ່ງເປັນ Keynote Speaker ທີ່ຂຶ້ນກ່າວຄໍາປາໄສ
ໃນຄໍາຄືນນັ້ນ ທີ່ໄດ້ກ່າວເຖິງ ຄວາມສໍາຄັນຂອງການຈັດງານຄັ້ງນີ້
ແລະໃນຖານະທີ່ເປັນຜູ້ທີ່ອາບນໍ້າຮ້ອນມາກ່ອນນັ້ນ ທີ່ມີປະສົບ
ປະການ ໃນຫຼາຍໆດ້ານ ຊຶ່ງທ່ານດຣ. ໄດ້ກ່າວວ່າ ທ່ານຢາກ
ສົ່ງເສີມແລະຊຸກຍູ້ ໃຫ້ໜຸ່ມນ້ອຍ ລາວເດີນຕາມ ເພື່ອພັດທະນາ
ແລະສ້າງບຸກຄະລາກອນ ທາງການການແພດໃຫ້ຫຼາຍໆ ຊຶ່ງມີ
ຄວາມສໍາຄັນແລະຈໍາເປັນ ໃນການດໍາລົງຊີວິດ ຊຶ່ງທ່ານໄດ້ກ່າວວ່າ:
Dr. Thuan ໃຫ້ VOA ສໍາພາດ
Your browser doesn’t support HTML5
ຟັງການສໍາພາດ_ທ່ານດຣ. ທວນ ທຣັນ