ໄພນຳ້ຖ້ວມຄັ້ງໃຫຍ່ ໃນນະຄອນຫລວງ Jakarta ຂອງອິນໂດ
ເນເຊຍ ໄດ້ລົບກວນການສັນຈອນໄປມາໃນຂອບເຂດທີ່ກວ້າງ
ຂວາງ ແລະເກືອບ 6,000 ຄົນ ຕົກຄ້າງຢູ່ຕາມສະຖານທີ່ຕ່າງໆ.
ປະທານາທິບໍດີ Joko Widodo ທີ່ຮູ້ກັນດີໃນຊື່ Jokowi ນັ້ນໄດ້
ກ່າວຕໍ່ບັນດານັກຂ່າວໃນວັນອັງຄານວານນີ້ວ່າ ທ່ານຕ້ອງການ
ເລີ້ມລົງມືກໍ່ສ້າງໃນທັນທີ ກ່ຽວ ກັບໂຄງການປ້ອງກັນນຳ້ຖ້ວມ
ຕ່າງໆ ເຊັນວ່າ ຮ່ອງລະບາຍ ແລະອ່າງເກັບນຳ້ເປັນຕົ້ນ.
ທ່ານກ່າວຕື່ມອີກວ່າ ລັດຖະບານສາມາດປະຕິບັດງານວຽກງານ
ໄດ້ດີກວ່າ ຢູ່ໃນນະຄອນຫຼວງ ທີ່ມັກເກີດນຳ້ຖ້ວມຂອງອິນໂດເນ
ເຊຍ.
ທ່ານກ່າວຕື່ມອີກວ່າ “ແນ່ນອນ ເລື້ອງນີ້ຈະແກ້ໄຂບໍ່ໄດ້ໃນນຶ່ງ ຫລືສອງມື້ ຫລື ນຶ່ງປີ ຫລື
ສອງປີ. ນະຄອນ Jakarta ໄດ້ປະສົບກັບໄພນ້ຳຖ້ວມມາເປັນເວລາຫລາຍທົດສະວັດ
ແຕ່ພວກເຮົາສາມາດແກ້ໄຂໄດ້.”
ນ້ຳຖ້ວມຖະໜົນຫົນທາງ ຢູ່ອິນໂດເນເຊຍ
ທຳນຽບປະທານາທິບໍດີ ແລະຫໍພິພິດທະພັນແຫ່ງຊາດ
ແມ່ນສອງເຂດທີ່ຖືກນຳ້ຢ່າງໜ້ອຍ 50 ຊັງຕີແມັດ ຫລັງ
ຈາກເກີດຝົນຕົກໜັກມາຫລາຍມື້. ຜູ້ປົກຄອງນະຄອນ
Jakarta ທ່ານ Basuki Tjahaja Purnama ທີ່ຮູ້ກັນດີ
ໃນຊື່ທ່ານ Ahok ນັ້ນ ໄດ້ຖິ້ມໂທດໄພນໍ້າຖ້ວມໃສ່ລະດັບ
ນຳ້ທະເລທີ່ສູງຂື້ນ. ທ່ານກ່າວວ່າ ນະຄອນ Jakarta ບໍ່ມີ
ຄວາມສາມາດພຽງພໍໃນການດູດນ້ຳອອກ ເພື່ອບໍ່ໃຫ້ນຳ້ຖ້ວມ.
ເບິ່ງວີດີໂອ ກ່ຽວກັບບັນຫາລົດຕິດ ຢູ່ຈາກາຕາ:
Your browser doesn’t support HTML5
Jakarta Sees End to Gridlock Woes in the Future