ລະເບີດລົດບັນທຸກຂະໜາດແຮງ ໄດ້ແຕກຂຶ້ນ ຢູ່ທີ່ຄຸ້ມນັກການທູດໃນນະຄອນຫຼວງຂອງ ອັຟການິສຖານ ໃນເຊົ້າວັນພຸດມື້ນີ້, ເຮັດໃຫ້ປະຊາ ຊົນຢ່າງໜ້ອຍ 90 ຄົນ ເສຍຊີວິດ
ແລະ ໄດ້ຮັບບາດເຈັບຫຼາຍກວ່າ 300 ຄົນ.
ເຈົ້າໜ້າທີ່ຮັກສາຄວາມປອດໄພຄົນໜຶ່ງທີ່ບໍ່ປະສົງອອກຊື່ ໄດ້ກ່າວຕໍ່ວີໂອເອ ກ່ຽວກັບ ຕົວ ເລກຜູ້ເສຍຊີວິດ ແລະ ບາດເຈັບພຽງບໍ່ເທົ່າໃດຊົ່ວ ໂມງຫຼັງຈາກລະເບີດແຕກ. ກ່ອນໜ້າ
ນີ້, ໂຄສົກກະຊວງສາທາລະນະສຸກ ອັຟການິສຖານ ທ່ານ Wahidullah Majroh ແຈ້ງ
ວ່າ ຕົວເລກຜູ້ເສຍຊີວິດແມ່ນມີຢູ່ 80 ຄົນ, ແລະ ກ່າວວ່າ ມັນອາດເພີ່ມຂຶ້ນອີກ.
ຜູ້ຊາຍ ອັຟການິສຖານ ຄົນໜຶ່ງສະແດງອາການເສຍໃຈ ຢູ່ສະຖານທີ່ສະເບີດແຕກໃນນະຄອນຫຼວງ ກາບູລ, ອັຟການິສຖານ. 31 ພຶດສະພາ, 2017.
ລະເບີດໄດ້ທຳລາຍຄຸ້ມ Wazir Akbar Khan ເຊິ່ງເປັນໃຈກາງຂອງນະຄອນຫຼວງ ກາ
ບູລ, ບ້ານພັກຂອງທູດຕ່າງປະເທດ ແລະຫ້ອງການ ລັດຖະບານຫຼາຍແຫ່ງ, ໄດ້ສ້າງ
ຄວາມເສຍຫາຍໃຫ້ລົດຫຼາຍສິບຄັນແລະ ອາຄານທີ່ຢູ່ອ້ອມແອ້ມ. ລາຍງານເບື້ອງຕົນ
ໄດ້ກ່າວວ່າ ລະເບີດໄດ້ຖືກເຊື່ອງໄວຢູ່ໃນຖັງນໍ້າ.
ລະເບີດໄດ້ແຕກຢູ່ໃນບໍລິເວນທີ່ບໍ່ໄກປານໃດຈາກສະຖານທູດ ເຢຍຣະມັນ. ຮູບພາບຂອງ ເຫດການທີ່ລົງໃນສື່ສັງຄົມໄດ້ສະແດງໃຫ້ເຫັນວ່າ ເຫດລະເບີດໄດ້ປ່ຽນພາກສ່ວນໜຶ່ງ
ຂອງເຂດສະຖານທູດເປັນຊາກຫັກພັງ. ລັດຖະມົນຕີການຕ່າງປະເທດ ເຢຍຣະມັນ ທ່ານ Sigmar Gabriel ໄດ້ກ່າວໃນ Twitter ວ່າ ເຈົ້າໜ້າທີ່ຮັກສາຄວາມປອດໄພ ອັຟການິສ
ຖານ ແມ່ນຮວມຢູ່ໃນບັນດາພວກທີ່ຖືກຂ້າຕາຍ ແລະ ວ່າພະນັກງານຈຳນວນໜຶ່ງແມ່ນ ໄດ້ຮັບບາດເຈັບ.
ເຫດລະເບີດຍັງໄດ້ສ້າງຄວາມເສຍຫາຍໃຫ້ອາຄານທີ່ຢູ່ໃກ້ຄຽງ, ແລະ ຕຶກໃຫຍ່ຂອງບໍລິ
ສັດ Roshan, ເຊິ່ງເປັນບໍລິສັດໂທລະຄົມມະນາຄົມທີ່ສຳຄັນໃນ ອັຟການິສຖານ.
ກອງກຳລັງຮັກສາຄວາມປອດໄພ ອັຟການິສຖານ ໄດ້ປິດລ້ອມບໍລິເວນດັ່ງກ່າວ ຢ່າງວ່ອງ
ໄວ ແລະ ກອງທະຫານນາໆຊາດ ກໍໄດ້ເດີນທາງໄປຍັງສະຖານທີ່ເກີດເຫດ ເພື່ອຊ່ວຍ
ເຫຼືອໃນການກູ້ໄພ.
ຜູ້ຊາຍ ອັຟການິສຖານ ທີ່ໄດ້ຮັບບາດເຈັບ ເດີນທາງຮອດໂຮງໝໍ ຫຼັງຈາກລະເບີດແຕກໃນ ນະຄອນຫຼວງ ກາບູລ, ອັຟການິສຖານ. 31 ພຶດສະພາ, 2017.
ໂທລະພາບ ອັຟການິສຖານ ໄດ້ສະແດງໃຫ້ເຫັນລົດພະຍາບານຫຼາຍສິບຄັນນຳພາຄົນ ບາດເຈັບພ້ອມດ້ວຍແມ່ຍິງຫຼາຍຄົນໄປໂຮງໝໍ.
ໂທລະພາບທີ່ສຳຄັນສອງສະຖານີຂອງອັຟການິສຖານ ຕ່າງກໍລາຍງານວ່າ ກຸ່ມລັດອິສ
ລາມ ໄດ້ອ້າງເອົາຄວາມຮັບຜິດຊອບ ຕໍ່ອັນທີ່ປະຊາຊົນໃນນະຄອນຫຼວງ ກາບູລ ໄດ້ກ່າວ
ວ່າ ປາກົດເປັນເຫດລະເບີດທີ່ຮ້າຍແຮງທີ່ສຸດໃນຮອບຫຼາຍປີ.
ກຸ່ມກໍ່ການຮ້າຍທີ່ມີຖານປະຕິບັດງານຕັ້ງຢູ່ ຊີເຣຍ ໄດ້ອ້າງເອົາຄວາມຮັບຜິດຊອບໃນ
ການໂຈມຕີຕໍ່ເປົ້າໝາຍທີ່ສຳຄັນໆໃນ ອັຟການິສຖານ ຫວ່າງສອງສາມເດືອນຜ່ານມານີ້
ຮວມທັງການໂຈມຕີສະຫຼະຊີບ ທີ່ຮ້າຍແຮງສຸດຕໍ່ໂຮງໝໍທະຫານທີ່ໃຫຍ່ທີ່ສຸດຂອງປະ
ເທດທີ່ນະຄອນຫຼວງ ກາບູລ ໃນເດືອນມີນາຜ່ານມາ.
ການໂຈມຕີດັ່ງກ່າວເຮັດໃຫ້ມີຢ່າງໜ້ອຍ 50 ຄົນເສຍຊີວິດ ຮວມທັງພວກທະຫານ ແລະ
ທ່ານໝໍ.