ເຈົ້າໜ້າທີ່ສາທາລະນະສຸກຂອງມາລີກ່າວວ່າ ເດັກຍິງອາຍຸ
2 ຂວບ ທີ່ຫາກໍ ເດີນທາງກັບຄືນມາແຕ່ປະເທດກີນີ ທີ່ເປັນ
ເພື່ອນບ້ານເມື່ອໄວໆມານີ້ ໄດ້ເສຍ ຊີວິດຍ້ອນອີໂບລາ.
ການເສຍຊີວິດຂອງເດັກຍິງ ໃນມື້ວັນສຸກວານນີ້ ແມ່ນຜູ້
ເຄາະຮ້າຍຕິດເຊື້ອອີໂບລາຄົນທຳອິດທີ່ໄດ້ຮັບການຢືນຢັນ
ຂອງມາລີ.
ອົງການອະນາໄມໂລກກ່າວວ່າ ເດັກຍິງຜູ້ນີ້ແລະຄອບຄົວ
ຂອງນາງ ໄດ້ມີການ ຕິດຕໍ່ກັບຜູ້ຄົນເປັນຈຳນວນຫຼວງຫຼາຍ
ໃນລະຫວ່າງທີ່ເດີນທາງຢູ່ໃນປະເທດກີນີໂດຍລົດເມ ແລະເຕືອນວ່າອີກຫຼາຍໆຄົນອາດ
ຈະຕົກຢູ່ໃນອັນຕະລາຍ ຕິດແປດກັບພະຍາດດັ່ງກ່າວ.
ແຫຼ່ງຂ່າວທາງການທູດໄດ້ສະແດງຄວາມວິຕົກກັງວົນກ່ຽວກັບຄວາມພ້ອມຂອງ ມາລີ ທີ່
ຈະຄວບຄຸມການລະບາດຂອງອີໂບລາ. ມາລີເປັນນຶ່ງໃນບັນດາປະເທດ ທີີ່ທຸກຍາກທີ່
ສຸດໃນໂລກ.
Your browser doesn’t support HTML5
EBOLA CNPK
ການແຜ່ລະບາດ ເຊື້ອອີໂບລາ ປັດຈຸບັນນີ້ແມ່ນມີຂຶ້ນຢູ່ໃນສາມປະເທດ ອາຟຣິກາຕາ
ເວັນຕົກ ຄື ກີນີ ໄລບີເຣຍ ແລະຊິແອຣາ ລີອອນ ທີ່ໄດ້ເຮັດໃຫ້ມີຜູ້ເສຍຊີວິດແລ້ວເກືອບ
5000 ຄົນ ຂອງຈຳນວນຜູ້ທີ່ລົ້ມປ່ວຍຍ້ອນພະຍາດດັ່ງກ່າວທີ່ ຮູ້ກັນວ່າມີກວ່າ 10 ພັນ
ຄົນນັ້ນ. ນອກນັ້ນຍັງມີລາຍງານ ໄດ້ເກີດກໍລະນີການ ລະບາດຂອງເຊື້ອອີໂບລາ ຢ່າງ
ກະຈັດກະຈາຍ ໃນຢູໂຣບ ແລະສະຫະລັດ.
ອົງການ WHO ກ່າວໃນວັນສຸກວານນີ້ວ່າ ຕົນມີແຜນທີ່ຈະຊັກຢາວັກຊີນປ້ອງ ກັນ ອີີ
ໂບລາໃຫ້ແກ່ຫຼາຍຮ້ອຍພັນຄົນທີ່ພ້ອມແລ້ວຈະເລີ້ມຂຶ້ນໃນເຄິ່ງທຳອິດຂອງປີ 2015.
ບັນດາຜູ້ນຳຢູໂຣບ ໄດ້ປະກາດໃນວັນສຸກວານນີ້ວ່າ ຕົນຈະໃຫ້ເງິນຊ່ອຍເຫຼືອ 1 ພັນ 2
ຮ້ອຍຫ້າສິບລ້ານໂດລາ ເພື່ອສູ້ກັບວິກິດການອີໂບລາ ຢູ່ໃນອາຟຣິກາຕາເວັນຕົກ.
ນາງພະຍາບານ ສະຫະລັດ ສອງຄົນ ທີ່ໄດ້ຕິດເຊື້ອໄວຣັສອີໂບລາ ໃນຂະນະທີ່ປິ່ນປົວ
ຄົນເຈັບຊາວໄລບີເຣຍຄົນນຶ່ງ ທີ່ເມືອງ Dallas ລັດ Texas ບັດນີ້ ບໍ່ມີເຊື້ອໄວຣັສອີກແລ້ວ.
ທ່ານໝໍ ຢູ່ນິວຢອກ ກວດພົບ ຕິດເຊື້ອ ອີິໂບລາ
ໃນຂະນະດຽວກັນ ຄົນປ່ວຍຕິດເຊື້ອອີໂບລາອີກຄົນນຶ່ງໃນສະຫະລັດ ໄດ້ພາໃຫ້ ມີການ
ອອກມາດຕະການໃໝ່ ກ່ຽວກັບການແຍກຕົວຄົນປ່ວຍ ຢູ່ໃນ ແລະອ້ອມ ແອ້ມນະຄອນ
New York. ດອກເຕີ Craig Spencer ຢູ່ທີ່ນະຄອນ New York ຫລັງຈາກໄດ້ໄປປິ່ນ
ປົວຄົນເຈັບຕິດເຊື້ອອີໂບລາຢູ່ກີນີ ໄດ້ຢືນຢັນໃນວັນພະຫັດຜ່ານມານີ້ວ່າ ຕິດເຊື້ອອີໂບ
ລາ. ໃນວັນສຸກວານນີ້ ຜູ້ປົກຄອງລັດ New York ທ່ານ Andrew Cuomo ແລະຜູ້ປົກ
ຄອງລັດ New Jersey ທ່ານ Chris Christie ກ່າວວ່າ ບັນດາຜູ້ເດີນທາງເຂົ້າມາໃນ
ລັດທັງສອງທີ່ໄດ້ສຳຜັດ ກັບຄົນປ່ວຍຕິດເຊື້ອອີໂບລາ ຢູ່ໃນອາຟຣິກາຕາເວັນຕົກນັ້ນ
ຈະຖືກບັງຄັບໃຫ້ ແຍກຕົວຢູ່ ເປັນເວລາ 21 ມື້.
ເຂົາເຈົ້າກ່າວວ່າ ຜູ້ຍິງຄົນນຶ່ງໄດ້ຖືກສັ່ງໃຫ້ແຍກຕົວຫລັງຈາກໄດ້ໄປເຖິສະໜາມ ບິນ
Newark Liberty ທີ່ລັດ New Jersey ໃນວັນສຸກມື້ນີ້.
ປະທານາທິບໍດີສະຫະລັດ ທ່ານບາຣັກ ໂອບາມາ ໃນວັນເສົາມື້ນີ້ ຮຽກຮ້ອງໃຫ້ ຊາວ
ອາເມຣິກັນ ໃນຄຳປາໄສປະຈຳສັບປະດາຂອງທ່ານວ່າ ໃຫ້ປະຕິບັດຕາມ ຄຳແນະນຳ
ຂອງວິທະຍາສາດ ໃນການຕໍ່ສູ້ກັບອີໂບລາ. ທ່ານເວົ້າວ່າ ພວກເຮົາ ຕ້ອງໄດ້ຮັບການ
ນຳພາໂດຍຄວາມຈິງ ບໍ່ແມ່ນຄວາມຢ້ານກົວ.
Your browser doesn’t support HTML5
Despite Gains, Obama Still Facing Ebola Criticism