ກຸ່ມມຸສລິມຫົວຮຸນແຮງ ໃນເມືອງທິມບັກຕູ ຊຶ່ງເປັນຫົວເມືອງປະຫວັດສາດຂອງມາລີ
ໄດ້ທໍາລາຍແລະສ້າງຄວາມເສຍຫາຍໃຫ້ແກ່ໂບຮານສະຖານຫຼາຍໆແຫ່ງໃນເມືອງດັ່ງ
ກ່າວ ເປັນມື້ທີ່ສາມລຽນຕິດ ທ້າທາຍຕໍ່ການຂົ່ມຂູ່ ທີ່ຈະຟ້ອງຮ້ອງດຳເນີນຄະດີຂອງ
ນາໆຊາດ.
ບັນດາຜູ້ເຫັນເຫດການກ່າວວ່າ ໃນມື້ວັນຈັນວານນີ້ກຸ່ມ Ansar Dine ຊຶ່ງເປັນເຄືອຂ່າຍ
ຂອງກຸ່ມກໍ່ການຮ້າຍ al-Qaida ໄດ້ແນເປົ້າໝາຍໃສ່ວັດມຸສລິມ Sidi Yahya ທີ່ສ້າງຂື້ນ
ໃນສັດຕະວັດ ທີ 15 ໂດຍໄດ້ພາກັນມ້າງເພປະຕູທາງເຂົ້າ. ປະຕູດັ່ງກ່າວນີ້ຖືວ່າເປັນທີ່
ສັກສິດ ແລະຖືກປິດໄວ້ຢູ່ສະເໝີ ຈົນກວ່າໂລກຈະສະຫລາຍ.
ທີມບັກຕູ ເປັນເມືອງທີ່ມີອະນຸສາວະລີເກົ່າແກ່ 16 ແຫ່ງທີ່ກ່າວວ່າ ບັນຈຸສົບຂອງພວກ
ນັກບຸນສາສະໜາອິສລາມ. ພວກຫົວຮຸນແຮງກ່າວວ່າ ຊາວມຸສລິມຄວນຈະນັບຖືພະເຈົ້າ
ອາລລ່າ ບໍ່ແມ່ນພວກນັກບຸນ ແລະພາກັນທຳລາຍອະນຸສາວະລີເຫຼົ່ານີ້ດ້ວຍຈົກຂຸດຫີນ
ແລະຊ້ວນ.
ເມືອງທີມບັກກູ ເປັນສະຖານທີ່ມໍລະດົກ ຂອງອົງການສະຫະປະຊາຊາດ. ຫົວ ໜ້າພະ
ແນກອາຟຣິກາ ຢູ່ສູນກາງມໍລະດົກໂລກຂອງສະຫະປະຊາຊາດ ທ່ານ Lazare
Eloundou Assomo ໄດ້ອະທິບາຍກ່ຽວກັບສະຖານະການໃນເມືອງ ດັ່ງກ່າວຕໍ່
ວີໂອເອ ພາກພາສາຝຣັ່ງໄປຍັງອາຟຣິກາວ່າ ເປັນບັນຫາທີ່ຮ້າຍແຮງ ແລະເສົ້າໃຈ ແລະ
ກ່າວອີກວ່າ ເປັນເລື່ອງທີ່ໜ້າເສົ້າເສຍໃຈຂອງໂລກ.