ມາເລເຊຍ ໄດ້ເປີດເຜີຍບົດລາຍງານ ການສືບສວນເປັນການ
ຊົ່ວຄາວ ກ່ຽວກັບການຫາຍສາບສູນຂອງ ຖ້ຽວບິນ MH370 ຂອງ
ສາຍການບິນມາເລເຊຍ ໃນວັນອາທິດມື້ນີ້ ຊຶ່ງຄົບຮອບ 1 ປີພໍດີ
ຫຼັງຈາກທີ່ເຮືອບິນ ໂດຍສານ Boeing 777 ລຳນັ້ນ ໄດ້ຫາຍສາບ
ສູນໄປ ໂດຍປາດສະຈາກຮ່ອງຮອຍໃດໆເລີຍ ພ້ອມດ້ວຍຜູ້ໂດຍ
ສານ ແລະ ລູກເຮືອທັງໝົດ 239 ຄົນ.
ບົດລາຍງານດັ່ງກ່າວ ບໍ່ໄດ້ໃຫ້ແສງສະຫວ່າງໃໝ່ໃດໆ ກ່ຽວກັບ
ຄວາມເລິກລັບນັ້ນ ໂດຍບໍ່ໄດ້ກ່າວຫານັກບິນແລະຈຸບິນ ວ່າມີພຶດ
ຕິກຳ ທີ່ຜິດປົກກະຕິໃດໆ ທັງຍັງໄດ້ໃຫ້ຂໍ້ສັງເກດວ່າ ບໍ່ພົບເຫັນສິ່ງ
ໃດໆ ທີ່ເຮັດໃຫ້ເກີດຄວາມວິຕົກ ໃນການກວດເບິ່ງບັນທຶກການ
ຮັກສາສ້ອມແປງຕ່າງໆ. ມີພຽງສິ່ງດຽວທີ່ພົບເຫັນວ່າ ຜິດປົກກະຕິກໍ່ແມ່ນວ່າ ແບດເຕີຣີ
ຂອງເຄື່ອງສົ່ງສັນຍານຈຸດ ທີ່ຢູ່ຂອງເຮືອບິນນັ້ນ ໝົດອາຍຸການນຳໃຊ້ມາໄດ້ ໜຶ່ງປີແລ້ວ
ກ່ອນໜ້າການຫາຍສາບສູນໄປ.
ໃນວັນອາທິດມື້ນີ້ ນາຍົກລັດຖະມົນຕີມາເລເຊຍ ທ່ານ Najib Razak ໄດ້ກ່າວໃນຄຳຖະ
ແຫລງສະບັບໜຶ່ງ ວ່າ “ມາເລເຊຍ ຍັງຄົງມຸ້ງໝັ້ນທີ່ ຈະທຳການຊອກຫາຕໍ່ໄປ ແລະ
ຍັງມີຄວາມຫວັງຢູ່ວ່າ ຈະຊອກເຫັນ ເຮືອບິນຖ້ຽວ MH370 ນັ້ນ.”
Your browser doesn’t support HTML5
Malaysia plane search report video
ຫົວໜ້າທີມສືບສວນສອບສວນ ທ່ານ Kok Soo Chon ເວົ້າວ່າ “ໃນໄລຍະສອງສາມ
ເດືອນຂ້າງໜ້ານີ້ ທີມສືບສວນຈະຕ້ອງໄດ້ທຳການວິເຄາະ ເພື່ອສະຫລຸບຜົນ ແລະ
ໃຫ້ການແນະນຳດ້ານຄວາມປອດໄພຕ່າງໆ ບົນພື້ນຖານຂອງຂໍ້ມູນຫລັກຖານອັນ
ແທ້ຈິງ ທີ່ເກັບກຳມາໄດ້ ນັ້ນ.”
ໃນຂະນະດຽວກັນ ບັນດາຍາດຕິພີ່ນ້ອງຂອງພວກໂດຍສານຊາວຈີນ ກໍ່ໄດ້ເຕົ້າໂຮມກັນ
ຢູ່ທີ່ວັດຕ່າງໆໃນນະຄອນຫລວງປັກກິ່ງ ເພື່ອທຳພິທີ ຂີດໝາຍວັນຄົບຮອບ 1 ປີ ຂອງ
ການຫາຍສາບສູນຂອງເຮືອບິນ.
Your browser doesn’t support HTML5
Answers Elude Families of MH370 Passengers