ມາເລເຊຍ ໄດ້ສົ່ງຈົດໝາຍຮ້ອງຮຽນເຖິງ ຫວຽດນາມ ກ່ຽວກັບກໍລະນີທໍາການຂະຫຍາຍແນວຫີນປະກາລັງໃນຂົງເຂດທະເລຈີນໃຕ້ ທີ່ທັງສອງປະເທດອ້າງວ່າເປັນຂອງຕົນ, ເຊິ່ງເຈົ້າໜ້າທີ່ສອງທ່ານ ກ່າວຕໍ່ອົງການຂ່າວ Reuters, ອັນຖື ເປັນຄວາມຂັດແຍ້ງທີ່ກໍາລັງເພີ້ມຂຶ້ນຂອງທະວີພາຄີ ໂດຍບໍ່ກ່ຽວຂ້ອງກັບ ຈີນ.
ການເຄື່ອນໄຫວດັ່ງກ່າວ ສົ່ງຜົນເຮັດໃຫ້ເກີດຄວາມຂັດແຍ້ງກັນອີກຫຼາຍຄັ້ງໃນເສັ້ນທາງຍຸດທະສາດທາງນ້ຳດັ່ງກ່າວ, ເຊິ່ງ ຈີນ ໄດ້ອອກມາອ້າງເອົາອະທິປະໄຕສ່ວນໃຫຍ່ໃນຫນ່ານນໍ້າດັ່ງກ່າວ, ໂດຍປັກກິ່ງ ມີການໂຕ້ແຍ້ງກັບ ຟີລິບປິນ ຢູ່ເລື້ອຍໆ ແລະເກີດການປະທະກັນກັບ ຫວຽດນາມ ເປັນໄລຍະໆ ອີກດ້ວຍ.
ລັກສະນະທີ່ມີການຂັດແຍ້ງກັນຫຼາຍທີ່ສຸດແມ່ນຢູ່ບໍລິເວນອ້ອມຮອບໝູ່ເກາະ ສະແປຣດລີ (Spratly), ບ່ອນທີ່ ຈີນ, ໄຕ້ຫວັນ, ມາເລເຊຍ, ຫວຽດນາມ, ບຣູໄນ ແລະ ຟີລິບປິນ ລ້ວນແຕ່ມີການອ້າງເອົາກຳມະສິດ ແລະຄອບຄອງພື້ນ ທີ່ໃນລະດັບທີ່ແຕກຕ່າງກັນ.
ຈົດໝາຍຂອງມາເລເຊຍ ຖືກສົ່ງເຖິງກະຊວງການຕ່າງປະເທດຂອງຫວຽດນາມ ໃນຕົ້ນເດືອນຕຸລາຜ່ານມາ, ແຕ່ມາຮອດປັດຈຸບັນ ຍັງບໍ່ໄດ້ຮັບການຕອບຮັບ ໃດໆ, ອີງຕາມການກ່າວຂອງເຈົ້າຫນ້າທີ່ທັງສອງທ່ານ, ເຊິ່ງໄດ້ປະຕິເສດທີ່ຈະ ລະບຸຢ່າງຈະແຈ້ງ ເນື່ອງຈາກເລື້ອງດັ່ງກ່າວເປັນເລື້ອງທີ່ລະອຽດອ່ອນ.
ການຮ້ອງຮຽນດັ່ງກ່າວ ກ່ຽວພັນກັບການກ່າວຫາຂອງ ຫວຽດນາມ ທີ່ວ່າ ທໍາການຂະຫຍາຍແລວຫີນປະກາລັງທຽມ ບາກຄ໌ ການາດາ (Barque Canada), ເຊິ່ງເປັນໝູ່ເກາະນ້ອຍໆໃນໝູ່ເກາະ ສະແປຣດລີ ທີ່ຫວຽດນາມ ໄດ້ທໍາການກໍ່ສ້າງພື້ນຖານໂຄງລ່າງຫຼາຍຢ່າງໃສ່, ອີງຕາມຮູບຖ່າຍດາວທຽມທີ່ວິ ເຄາະໂດຍສູນກາງຄົ້ນຄວ້າຍຸດທະສາດ ແລະການສຶກສາສາກົນ, ເຊິ່ງເປັນກຸ່ມ ງານວິໄຈທີ່ມີສໍານັກງານຕັ້ງຢູ່ນະຄອນຫຼວງວໍຊິງຕັນ, ແລະໄດ້ຖືກເປີດເຜີຍ ໃນເດືອນແລ້ວນີ້.
ໃນທ້າຍເດືອນຕຸລາທີ່ຜ່ານມາ, ວິທະຍຸເອເຊຍເສລີລາຍງານວ່າ ຫວຽດນາມ ຍັງທໍາການກໍ່ສ້າງສະໜາມບິນເທິງແລວຫີນປະກາລັງນໍາອີກດ້ວຍ.
ກະຊວງການຕ່າງປະເທດຂອງຫວຽດນາມ ບໍ່ໄດ້ສະແດງຄໍາເຫັນໃດໆຕາມຄຳຮຽກຮ້ອງ, ແລະກະຊວງການຕ່າງປະເທດຂອງມາເລເຊຍ ກໍບໍ່ໄດ້ໃຫ້ຄວາມເຫັນໃດໆເຊັ່ນກັນ.
ຈົດໝາຍສະບັບດັ່ງກ່າວ ມີອອກມາກ່ອນການພິມເຜີຍແຜ່ເຫຼົ່ານັ້ນ ແລະໄດ້ ທໍາການຕໍາໜິວິຈານພຽງການຂະຫຍາຍເກາະດອນນ້ອຍໆເທົ່ານັ້ັນ, ບໍ່ແມ່ນ ການສ້າງພື້ນຖານໂຄງລ່າງ, ອີງຕາມການກ່າວຂອງເຈົ້າໜ້າທີ່ຄົນນຶ່ງ.