ພາລະກິດການກູ້ຊີວິດ ຫຼາຍເຖິງ 40 ຄັ້ງໄດ້ມີຂຶ້ນຢູ່ນອກຊາຍຝັ່ງຕອນ ເໜືອຂອງປະເທດ ລີເບຍ ໃນວັນຈັນວານນີ້ ໂດຍເຈົ້າໜ້າທີ່ຈາກໜ່ວຍຍາມຝັ່ງ ອີຕາລີ ແລະ ຄູ່ຮ່ວມງານຫຼາຍ ອົງການໄດ້ຊ່ວຍເຫຼືອພວກຍົກ ຍ້າຍຖິ່ນຖານປະມານ 6,500 ຄົນ ທີ່ກ່າວກັນວ່າ ໄດ້ເດີນ ທາງມາຈາກປະເທດ ໂຊມາເລຍແລະເອຣິເທຣຍ ອີງຕາມເຈົ້າໜ້າທີ່ຈາກໜ່ວຍຍາມຝັ່ງ.
ຄວາມພະຍາຍາມໃນການກູ້ໄພ, ເຊິ່ງຖືກບັນທຶກພາບໂດຍກ້ອງວິດີໂອ, ໄດ້ສະແດງໃຫ້ ເຫັນພວກຍົກຍ້າຍຖິ່ນຖານ ທີ່ມີຄວາມໝົດຫວັງ ໂດດອອກຈາກເຮືອປະມົງ ເພື່ອລອຍນ້ຳ ໄປຫາເຮືອຂອງເຈົ້າໜ້າທີ່ຍາມຝັ່ງ ແລະ ຄົນອື່ນໆສົ່ງສຽງຮ້ອງເຊຍ ໃນຂະນະທີ່ພວກທາ ລົກ ແລະເດັກນ້ອຍໄດ້ຖືກສົ່ງໄປເຮືອກູ້ໄພຫຼາຍລຳ.
ການປະຕິບັດພາລະກິດ ໃນວັນຈັນວານນີ້ ໄດ້ມີການປະສານງານກັນ ລະຫວ່າງເຈົ້າໜ້າ ທີ່ຍາມຝັ່ງ ອິຕາລີ, ອົງການແພດບໍ່ມີພົບແດນ ແລະ ອົງການຄວບຄຸມເຂດຊາຍແດນຂອງ ສະຫະພາບ ຢູໂຣບ ຊື່ວ່າ Frontex.
ອົງການຂ່າວ AP ລາຍງານວ່າ ພວກອົບພະຍົບຮູ້ວ່າ ເຮືອໄມ້ນ້ອຍ 20 ລຳທີ່ພວກເຂົາ ເຈົ້າໃຊ້ເພື່ອເດີນທາງຂ້າມທະເລ ເມດີເທີເຣນຽນ ນັ້ນ ແມ່ນບໍ່ແຂງແຮງພໍສຳລັບການເດີນ ທາງ, ແຕ່ແນວໃດກໍຕາມພວກເຂົາກໍໃຊ້ເຮືອເຫຼົ່ານີ້, ດ້ວຍຄວາມຫວັງທີ່ຈະເດີນທາງໃຫ້ ໄປຮອດພວກເຮືອກູ້ໄພ, ເຊິ່ງລໍຖ້າຢູ່ປະມານ 20 ກິໂລແມັດ ນອກແຄມຝັ່ງທະເລອອກໄປ.
ການປະຕິບັດການກູ້ໄພທີ່ຄ້າຍຄືກັນ ໄດ້ມີຂຶ້ນໃນຂົງເຂດດຽວກັນໃນວັນອາທິດຜ່ານມານີ້ ແລະ ໄດ້ຊ່ວຍເຫຼືອພວກຍົກຍ້າຍຖິ່ນຖານ ຫຼາຍກວ່າ 1,100 ຄົນ.
ມາຮອດປະຈຸບັນປີນີ້, ພວກຍົກຍ້າຍຖິ່ນຖານປະມານ 106,000 ຄົນໄດ້ເດີນທາງດ້ວຍ ຄວາມສຳເລັດໄປຮອດ ອິຕາລີ, ໃນຂະນະທີ່ອີກ 2,726 ຄົນໄດ້ເສຍຊີວິດ ໃນເວລາທີ່ພະ ຍາຍາມທຳການເດີນທາງ, ອີງຕາມອົງການຈັດຕັ້ງສາກົນເພື່ອການຍົກຍ້າຍຖິ່ນຖານ.
Your browser doesn’t support HTML5
Italy Migrants