ນັກຮ້ອງອາເມຣິກັນຊື່ດັງ Madonna ຕິດອັນດັບນຶ່ງຢູ່ໃນບັນຊີ
ພວກຄົນໃນແວດວົງບັນເທີງທີ່ມີລາຍໄດ້ສູງທີ່ສຸດໃນໂລກຂອງ
ວາລະສານ Forbes ປະຈໍາປີ 2013
(Forbes magazine's 2013 list of the highest-paid celebrities)
ຄືມີລາຍໄດ້ໃນປີຜ່ານມາ ປະມານ 125 ລ້ານໂດລ່າ. ດາລາດັງ
ຈໍານວນທັງໝົດ 14 ຄົນ ທີ່ຢູ່ໃນສິບອັນດັບສູງສຸດຂອງບັນຊີ
ແມ່ນມີລາຍໄດ້ລວມກັນ ຕົກເປັນຫຼາຍກວ່າ 1 ພັນລ້ານໂດລ່າ.
Alex Villarreal ມີລາຍງານເລື່ອງນີ້ເພີ່ມຕື່ມຈາກວົງການທຸລະ
ກິດການບັນເທີງ ຊຶ່ງດາຣາຈະນໍາມາສະເໜີທ່ານໃນອັນດັບຕໍ່ໄປ.
ແນ່ນອນທີ່ສຸດວ່າ ມາດອນນາ ມີເຫດຜົນທີ່ຈະຍິ້ມໄດ້.ພວກຄົນໃນແວດວົງບັນເທີງທີ່ມີລາຍໄດ້ສູງທີ່ສຸດໃນໂລກຂອງ
ວາລະສານ Forbes ປະຈໍາປີ 2013
(Forbes magazine's 2013 list of the highest-paid celebrities)
ຄືມີລາຍໄດ້ໃນປີຜ່ານມາ ປະມານ 125 ລ້ານໂດລ່າ. ດາລາດັງ
ຈໍານວນທັງໝົດ 14 ຄົນ ທີ່ຢູ່ໃນສິບອັນດັບສູງສຸດຂອງບັນຊີ
ແມ່ນມີລາຍໄດ້ລວມກັນ ຕົກເປັນຫຼາຍກວ່າ 1 ພັນລ້ານໂດລ່າ.
Alex Villarreal ມີລາຍງານເລື່ອງນີ້ເພີ່ມຕື່ມຈາກວົງການທຸລະ
ກິດການບັນເທີງ ຊຶ່ງດາຣາຈະນໍາມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ຟັງລາຍງານກ່ຽວກັບ ດາລາທີ່ມີລາຍໄດ້ສູງທີ່ສຸດ
ດ້ວຍລາຍໄດ້ເພີ່ມອີກ 125 ລ້ານໂດລ່າ ຕື່ມເຂົ້າໃນຊື່ຂອງມາດອນນາ ລະຫວ່າງເດືອນ
ມິຖຸນາປີກາຍ ຫາເດືອນມິຖຸນາຂອງປີນີ້ ມາດອນນາ ເຈົ້າຂອງສຽງເພງ Material Girl
ແມ່ນຕິດອັນດັບນຶ່ງ ຢູ່ໃນບັນຊີດາລາທີ່ມີລາຍໄດ້ ສູງສຸດປະຈໍາປີ 2013 ຂອງວາລະສານ Forbes.
ງານຄອນເສີດ ຫຼືງານອອກສະແດງດົນຕີຄັ້ງລ່າສຸດຂອງດາລາທີ່ມີປະສົບການສູງຄົນນີ້
ແມ່ນທໍາລາຍໄດ້ສ່ວນໃຫຍ່ໃຫ້ນາງ ແລະ John Simson ຜູ້ອໍານວຍການ ໂຄງການ
ທຸລະກິດແລະການບັນເທີງຂອງມະຫາວິທະຍາໄລ American University ເວົ້າວ່າ ບໍ່
ແມ່ນເລື້ອງແປກຫຍັງເລີຍຍ້ອນວ່າ ລາຄາປີ້ເຂົ້າຊົມແພງຫລາຍ.
ທ່ານ ຊິມຊັນ ເວົ້າວ່າ: “ງານທົວສະແດງດົນຕີນັ້ນ ຈະສ້າງລາຍໄດ້ໃຫ້ຫຼາຍທີ່ສຸດ
ຍ້ອນລາຄາປີ້ແພງຫລາຍ ຄືຜູ້ຊົມຈະຍອມຈ່າຍ ຮອດລາຄາ 200 ໂດລ່າ ເພື່ອ
ເຂົ້າຊົມ ທຽບໃສ່ເມື່ອ 20 ປີກ່ອນ ທີ່ຄ່າປີ້ມີແຕ່ 20 ໂດລ່າ ໃນເວລານັ້ນ.”
ຜູ້ຕິດອັນດັບສອງຮອງລົງມາ ທີ່ມີລາຍໄດ້ໄກກັນສົມຄວນ ຢູ່ໃນບັນຊີຂອງວາລະສານ
Forbes ນັ້ນ ໄດ້ແກ່ Steven Spielberg ຜູ້ກໍາກັບການສະແດງຮູບເງົາ Hollywood
ທີ່ມີລາຍໄດ້ 100 ລ້ານໂດລ່າ ສ່ວນໃຫຍ່ເປັນລາຍໄດ້ຈາກຮູບເງົາທີ່ທໍາລາຍສະຖິຕິ
ໄດ້ຮັບຄວາມນິຍົມສູງ ເຊັ່ນເລື້ອງ E.T. ມະນຸດຕ່າງດາວ ແລະ Jurassic Park ເປັນຕົ້ນ.
ທ່ານ ຊິມຊັນ ເວົ້າວ່າ ມັນບໍ່ແມ່ນເລື້ອງບັງເອີນຫຍັງເລີຍ ທີ່ພວກທີ່ມີລາຍໄດ້ສູງສຸດນັ້ນ ຫລາຍໆຄົນແມ່ນ ມາຈາກ ຫຼືມີບ້ານເຮືອນຢູ່ໃນ ສະຫະລັດ .
ທ່ານ ຊິມຊັນ ເວົ້າວ່າ: “ຍາມໃດສະຫະລັດກໍແມ່ນຈະມີຄວາມສາມາດເປັນພິເສດ
ຢ່າງໜ້າເຫລືອເຊື່ອ ໃນການສ້າງສັນສິ່ງບັນເທີງ ທີ່ທັງໂລກມັກເບິ່ງມັກຟັງ. ທ່ານລອງເດີນທາງໄປທົ່ວໂລກເບິ່ງ ໃນປະເທດສ່ວນຫຼາຍ ຄືເວົ້າແບບອອມໆຊະ
ປະມານ 30 ຫາ 50 ເປີເຊັນຂອງເພງທີ່ທ່ານຈະໄດ້ຍິນນັ້ນ ແມ່ນຈະເປັນເພງ
ທີ່ຜະລິດຢູ່ໃນສະຫະລັດ ແລະຮູບເງົາຫຼາຍໆເລື້ອງ ກໍຄືກັນ.”
ມີສາມຄົນຕິດອັນດັບສາມໃນບັນຊີ ຄືມີລາຍໄດ້ 95 ລ້ານໂດລ່າເທົ່າກັນ ແມ່ນໄດ້ແກ່
ສອງເສດຖີສື່ມວນຊົນ ຄື Simon Cowell ກັບ Howard Stern ແລະນັກປະພັນຍິງຊາວອັງກິດ
E.L. James ຜູ້ຂຽນນະວະນິ ຍາຍທີ່ມີຍອດຂາຍສູງ ເລື້ອງ Fifty Shades of Grey ທີ່ໄດ້ຖືກຊື້ເອົາໄປສ້າງຮູບເງົາແລ້ວ.
ຕໍ່າລົງມາຮອດອັນດັບທີ 9 ໄດ້ແກ່ Oprah Winfrey ຜູ້ຈັດລາຍການສົນທະນາທາງໂທລະ
ພາບ ຫຼື talk show ທີ່ສ້າງລາຍໄດ້ອັນດັບສູງສຸດ ເມື່ອປີຜ່ານມາ ຄືຫລຸດຈາກ 88 ລ້ານ
ມາຢູ່ 77 ລ້ານໂດລ່າ.
ເພື່ອນດາລານັກຮ້ອງ ທໍານອງ pop ແບບດຽວກັບ ມາດອນນາ ຄື Lady Gaga ຂຶ້ນມາຢູ່
ອັນດັບທີເຈັດ ເທົ່າກັບ Jerry Bruckheimer ຜູ້ຜະລິດຮູບເງົາເລຶ່ອງ Pirates of the Caribbean ຊຶ່ງທັງສອງມີລາຍໄດ້ 80 ລ້ານໂດລ່າ ເມື່ອປີຜ່ານມາ.
ເບິ່ງວີດິໂອລາຍງານນີ້ ເປັນພາສາອັງກິດ:
Your browser doesn’t support HTML5
Madonna Tops Highest Paid Entertainers List
John Simson ເວົ້າວ່າ ພວກອຸບປະໂພກບໍລິໂພກ ເບິ່ງຄືວ່າຈະສືບຕໍ່ຈ່າຍເງິນແບບບໍ່ອັ້ນ
ສ້າງລາຍໄດ້ໃຫ້ພວກດາລາເຫລົ່ານັ້ນ.
ທ່ານຊິມຊັນ ເວົ້າວ່າ: “ພວກເຮົາມັກຟັງມັກເບິ່ງເລື້ອງລາວຕ່າງໆ ມັກເວົ້າເລື້ອງນັ້ນ
ເລື້ອງນີ້ໃຫ້ກັນຟັງ ແລະສະນັ້ນ ຖ້າພວກເຮົາພົບຜູ້ທີ່ແຕ່ງເລື້ອງດີໆແດ່ ບໍ່ວ່າຈະ
ເປັນພວກນັກແຕ່ງເພງ ນັກປະພັນ ນັກສ້າງຮູບເງົາກໍດີ ພວກເຮົາກໍແມ່ນຫຼົງໄຫຼ ຈັບໃຈກັນເອົາແທ້ເອົາວ່າ.”
ຄວາມຫຼົງໄຫຼດັ່ງກ່າວນັ້ນ ແນ່ນອນ ແມ່ນແຜ່ລາມໄປຮອດພວກນັກກິລາເດັ່ນຊື່ດັງທັງຫຼາຍ
ນໍາ. ແຊມປ້ຽນກິລາຕີກ໊ອຟ Tiger Woods ເປັນນັກກິລາພຽງຄົນດຽວ ທີ່ຮວມຢູ່ໃນສິບ
ອັນດັບສູງສຸດຂອງບັນຊີຂອງວາລະສານ Forbes ຄືຢູ່ໃນອັນດັບທີແປດ ເທົ່າກັນກັບ Tyler Perry ຜູ້ສ້າງຮູບເງົາ ຊາວອາເມຣິກັນ.