ປະທານາທິບໍດີສະຫະລັດ ທ່ານບາຣັກໂອບາມາກ່າວວ່າ
ພັກພວກຂອງທ່ານມວມມາກາດດາຟີ ຜູ້ນໍາລີເບຍຮູ້ຈັກ
ແລ້ວວ່າ ການຄອງອໍານາດຂອງທ່ານກໍາລັງເຖິງຈຸດຈົບໃນ
ຂະນະທີ່ປະຊາຄົມນາໆຊາດເພີ່ມຄວາມກົດດັນຂຶ້ນໃສ່ລັດ
ຖະບານຂອງທ່ານ.
ໃນການໃຫ້ສໍາພາດທາງໂທລະພາບໃນວັນອັງຄານວານນີ້
ປະທານາທິບໍດີໂອບາມາ ກ່າວວ່າ ເຊືອກບ້ວງໄດ້ຮັດແໜ້ນ
ເຂົ້າອ້ອມໂຕທ່ານກາດດາຟີ ແລະວ່າພວກທີ່ຢູ້ອ້ອມຂ້າງ
ທ່ານນັ້ນກໍາລັງເລີ້ມຮັບຮູ້ວ່າ ເວລາຍັງເຫລືອຂອງພວກ
ເຂົາເຈົ້ານັບມື້ນັບຫຍັບເຂົ້າມາແລ້ວ.
ທ່ານໂອບາມາ ກ່າວວ່າ ບັດນີ້ປະຊາຄົມນາໆຊາດຕ້ອງໄດ້
ເພີ່ມຄວາມກົດດັນທາງການທູດຂຶ້ນເພື່ອວ່າຜູ້ນໍາລີເບຍຈະຕັດສິນໃຈລາອອກຈາກຕໍາແໜ່ງ.
ພວກກໍາລັງນາໆຊາດໄດ້ທຳການໂຈມຕີທາງອາກາດໃສ່ກໍາລັງນິຍົມກາດດາຟີມາໄດ້ອາທິດປາຍແລ້ວເພື່ອຈັດຕັ້ງປະຕິບັດເຂດຫ້າມການບິນທີ່ໄດ້ຮັບອະນຸມັດຈາກສະຫະປະຊາຊາດນັ້ນ. ພວກປະເທດມະຫາອໍານາດຂອງໂລກກໍໄດ້ຈັດຕັ້ງປະຕິບັດການລົງໂທດທາງດ້ານການເງິນ
ເຊ່ນກັນຕໍ່ລັດຖະບານລີເບຍນັ້ນ.
ໃນກອງປະຊຸມທີ່ກຸງລອນດອນໃນວັນອັງຄານວານນີ້ ມີຫລາຍກວ່າ40 ປະເທດແລະອົງການຈັດຕັ້ງນາໆຊາດໄດ້ຕົກລົງເຫັນດີວ່າ ທ່ານກາດດາຟີຈະຕ້ອງລາອອກຈາກຕໍາແໜ່ງໃນຂະນະ
ທີ່ພວກເຂົາເຈົ້າເພີ່ມທະວີການເຈລະຈາກັບພວກກໍາລັງຝ່າຍຄ້ານເພື່ອໃຫ້ມີການໂອນອໍານາດ
ທາງດ້ານການເມືອງຢູ່ໃນປະເທດລີເບຍ.
ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວວ່າ ມະຕິຂອງ
ອົງການສະຫະປະຊາຊາດ ທີ່ອະນຸມັດໃຫ້ປະເທດພັນທະມິດທຳການໂຈມຕີທາງອາກາດກໍ
ຈະອະນຸຍາດໃຫ້ປະເທດຕ່າງໆ ປະກອບ ຫຼືຕິດອາວຸດໃຫ້ພວກກະບົດໄດ້ຢ່າງຖືກຕ້ອງຕາມ
ກົດໝາຍ ເຖິງແມ່ນບໍ່ໄດ້ມີການຕັດສິນໃຈກັນກ່ຽວກັບເລື່ອງນີ້. ລັດຖະມົນຕີການຕ່າງປະ
ເທດຝຣັ່ງທ່ານ Alain Juppe ກ່າວວ່າ ປາຣີພ້ອມແລ້ວທີ່ຈະສົນທະຫາລືກ່ຽວກັບການຈັດ
ສົ່ງການຊ່ອຍເຫຼືອທາງທະຫານໄປໃຫ້ກຳລັງຕໍ່ຕ້ານທ່ານກາດດາຟີ.
ແຕ່ລັດຖະມົນຕີການຕ່າງປະເທດຣັດເຊຍທ່ານ Sergei Lavrovເຕືອນໃນວັນພຸດມື້ນີ້ກ່ຽວ
ກ່ຽວກັບການປະກອບອາວຸດໃຫ້ພວກກະບົດ. ທ່ານເວົ້າວ່າ ມົສກູເຫັນພ້ອມນຳຖ້ອຍຖະ
ແຫຼງຂອງເລຂາທິການໃຫຍ່ອົງການເນໂຕ້ທ່ານ Anders Fogh Rasmussen ທີ່ວ່າ
ການປະຕິບັດງານໃນລີເລຍ ແມ່ນເພື່ອໃຫ້ການປົກປ້ອງຄຸ້ມຄອງພົນລະເຮືອນບໍ່ແມ່ນປະ
ກອບອາວຸດໃຫ້ພວກກະບົດ.