ສະຫະລັດແລະສະຫະພາບຢູໂຣບໄດ້ປະນາມລັດຖະບານ
ລີເບຍ ທີ່ໄດ້ທໍາການປາບປາມພວກປະທ້ວງຕໍ່ຕ້ານລັດຖະ
ບານຢ່າງຮຸນແຮງ ທີ່ພາໃຫ້ມີການເສຍ ເລືອດເນື້ອນັ້ນ
ແລະຮຽກຮ້ອງໄປຍັງປະເທດໃນອາຟຣິກາເໝືອແຫ່ງນັ້ນ
ບໍ່ໃຫ້ ໃຊ້ຄວາມຮຸນແຮງ ຕໍ່ພວກທີ່ທໍາການປະທ້ວງຢ່າງ
ສັນຕິນັ້ນ.
ເອກອັກຄະລັດຖະທູດສະຫະລັດປະຈໍາອົງການສະຫ
ປະຊາຊາດ ທ່ານນາງ Susan Rice ໄດ້ປະນາມການ
ກວາດລ້າງພວກປະທ້ວງຂອງລັດຖະບານລີເບຍ ໃນວັນ
ອາທິດວານນີ້ ໃນການໃຫ້ສໍາພາດກັບຕານ່າງຂ່າວໂທລະ
ພາບ NBC ຂອງສະຫະລັດ. ທ່ານນາງຍັງຂໍຮ້ອງໃຫ້ມີການເຄົາລົບ ຕໍ່ການປະທ້ວງຢ່າງສັນຕິນັ້ນ.
ທາງໂຄສົກກະຊວງການຕ່າງປະເທດ ທ່ານ Philip
Crowley ກໍກ່າວວ່າ ທາງ Washington ໄດ້ສະແດງ
ການຄັດຄ້ານຂອງຕົນຕໍ່ການໃຊ້ກໍາລັງຕໍ່ພວກປະທ້ວງຢ່າງຮຸນແຮງເຖິງຕາຍນັ້ນ ກັບລັດຖະ ມົນຕີການຕ່າງປະເທດລີເບຍ ທ່ານ Musa Kusa ແລະເຈົ້າໜ້າທີ່ຄົນອື່ນໆຂອງລີເບຍນໍາ.
ບັນດາລັດຖະມົນຕີການຕ່າງປະເທດຂອງ EU ຫລືສະຫະພາບຢູໂຣບ ທີ່ພົບປະກັນຢູ່
Brussels ກໍໄດ້ອອກຖະແຫລງການໃນວັນອາທິດວານນີ້ ປະນາມອັນທີ່ພວກເຂົາເຈົ້າ
ເອີ້ນວ່າ ການປາບປາມຕໍ່ພວກທີ່ທໍາການປະທ້ວງຢ່າງສັນຕິນັ້ນ ພ້ອມກັບສະແດງຄວາມ
ເສຍໃຈຢ່າງເລິກເຊິ່ງ ນໍາການເສຍຊີວິດຂອງພົນລະເຮືອນ.
ພວກລັດຖະມົນຕີການຕ່າງປະເທດ EU ໄດ້ຮຽກຮ້ອງໃຫ້ລັດຖະບານລີເບຍໃຊ້ຄວາມຍັບ
ຍັ່ງຊັ່ງໃຈ ລະເວ້ນຈາກການໃຊ້ຄວາມຮຸນແຮງຕື່ມອີກໂດຍທັນທີ ແລະເລີ້ມຕົ້ນການສົນທະ
ນາ ທີ່ເປີດກ້ວາງແລະມີຄວາມໝາຍ ເພື່ອແກ້ໄຂບັນຫາຄວາມໄຝ່ຝັນແລະມຸ່ງມາດປາດຖະ
ໜາຂອງປະຊາຊົນນັ້ນ.
ໃນຄໍາຖະແຫລງສະບັບນຶ່ງໃນວັນອາທິດວານນີ້ ເລຂາທິການໃຫຍ່ອົງການສະຫະປະຊາ
ຊາດທ່ານ Ban Ki-moon ກ່າວວ່າ ທ່ານມີຄວາມຕັ້ງໃຈທີ່ຈະຍົກເອົາອັນທີ່ທ່ານເອີ້ນວ່າ
“ລາຍງານທີ່ໜ້າຮ້ອນໃຈ” ທີ່ອອກມາຈາກລີເບຍນັ້ນ ຂຶ້ນມາສົນທະນາກັບພວກຜູ້ນໍາຂອງ
ລີເບຍ.