ພວກນັກເຄື່ອນໄຫວຊາວລີເບຍ ຮຽກຮ້ອງໃຫ້ມີການປະ
ທ້ວງຢູ່ໃນທົ່ວປະເທດໃນວັນພະຫັດມື້ນີ້ລຸນຫຼັງທີ່ໄດ້ເກີດ
ການປະທະກັນ ລະຫວ່າງພວກເດີນຂະບວນຕໍ່ຕ້ານລັດ
ຖະບານແລະກຳລັງຮັກສາຄວາມສະຫງົບ.
ພວກຜູ້ນຳຝ່າຍຄ້ານ ທີ່ໜີໄປຢູ່ຕ່າງປະເທດ ບັນດາກຸ່ມ
ປົກປ້ອງສິດທິມະນຸດ ແລະພວກນັກເຄື່ອນໄຫວທາງອິນ
ເຕີແນັດໄດ້ໃຊ້ຕາໜ່າງສັງຄົມ Facebook ຮຽກຮ້ອງໃຫ້
ມີການໂຮມຊຸມນຸມປະທ້ວງ “ວັນແຫ່ງຄວາມໂກດແຄ້ນ”
ໃນວັນພະຫັດມື້ນີ້ ຊຶ່ງການຮຽກຮ້ອງໃຫ້ດຳເນີນການດັ່ງ
ກ່າວ ແມ່ນໄດ້ຮັບກຳລັງໃຈຈາກການລຸກຮືຂຶ້ນຂັບໄລ່ພວກປົກຄອງຜະເດັດການຢູ່ໃນ
ອີຈິບແລະຕູນີເຊຍ ເມື່ອບໍ່ເທົ່າໃດອາທິດຜ່ານມານີ້.
ເວັບໄຊທ໌ຝ່າຍຄ້ານທີ່ມີຊື່ວ່າ Libya Al-Youm ກ່າວໃນວັນພະຫັດມື້ນີ້ວ່າ ມີ 4 ຄົນ
ເສຍຊີວິດໃນການປະທະກັນກັບກຳລັງຮັກສາຄວາມສະງົບທີ່ເມືອງ Beyida ໃນມື້ວານ
ນີ້ ຂະນະທີ່ພວກປະທ້ວງໂຮມຊຸມນຸມກັນ ຕໍ່ຕ້ານທ່ານ Moammar Gadhafi ຜູ້ນຳ
ເປັນເວລາດົນນານຂອງລີເບຍນັ້ນ.
ໃນວັນພຸດວານນີ້ ພວກປະທ້ວງຫຼາຍຮ້ອຍຄົນ ກໍໄດ້ປະທະກັບຕຳຫຼວດທີ່ເມືອງ Ben-
ghazi ຫົວເມືອງໃຫຍ່ອັນດັບ 2 ຂອງລີເບຍ. ພວກປະທ້ວງໄດ້ທວງໃຫ້ທາງການລີເບຍ ປ່ອຍນັກເຄື່ອນໄຫວເພື່ອສິດທິມະນຸດທີ່ເປັນຜູ້ຕາງໜ້າໃຫ້ແກ່ພວກເຄາະຮ້າຍໃນການສັງ
ຫານໝູ່ຢູ່ທີ່ຄຸກ Abu Salim ຊຶ່ງເປັນຄຸກທີ່ມີຊື່ສຽງບໍ່ດີຂອງລີເບຍໃນປີ 1996. ພວກປະ
ທ້ວງຈຳນວນນຶ່ງ ແມ່ນເປັນຍາດພີ່ນ້ອງຂອງຜູ້ເຄາະຮ້າຍ.
ສື່ມວນຊົນທ້ອງຖິ່ນລາຍງານວ່າ ພວກປະທ້ວງໄດ້ແກວ່ງລະເບີດໄຟແລະກ້ອນຫີນເຂົ້າ
ໃສ່ຕຳຫຼວດແລະກໍຈູດເຜົາລົດ ໃນການປະທະກັນ ທີ່ເຮັດໃຫ້ມີຜູ້ບາດເຈັບຫຼາຍສິບຄົນ
ນັ້ນ. ຕຳຫຼວດໄດ້ຍິງລູກປືນຢາງ ເຂົ້າໃສ່ພວກປະທ້ວງ.
ອົງການຂ່າວເອພີ ລາຍງານວ່າ ທີ່ເມືອງ Zentan ໃນພາກໃຕ້ຂອງລີເບຍ ພວກປະ
ທ້ວງຫຼາຍຮ້ອຍຄົນໄດ້ພາກັນເດີນຂະບວນຢູ່ຕາມຖະໜົນຫົນທາງສາຍຕ່າງໆ ແລະ
ກໍພາກັນຈູດເຜົາ ກອງບັນຊາການກຳລັງຮັກສາຄວາມສະຫງົບ ແລະປ້ອມຕຳຫຼວດ
ຫຼາຍໆແຫ່ງ.
ໂທລະພາບຂອງທາງການລີເບຍ ບໍ່ໄດ້ເອົາຫົວຊາ ຫລືຖ່າຍທອດການປະທ້ວງເຫຼົ່ານີ້
ແຕ່ໄດ້ຖ່າຍທອດຂ່າວການປະທ້ວງນິຍົມລັດຖະບານ 12 ແຫ່ງ ທີ່ເມືອງ Benghazi,
ນະຄອນຫຼວງຕຣີໂປລີ ແລະຫົວເມືອງອື່ນໆອີກ.