ສະຫະພາບອາຟຣິກາ ຮຽກຮ້ອງໃຫ້ມີການສ້າງຕັ້ງລັດຖະບານໄລຍະຂ້າມຜ່ານ ທີ່ຮວມເອົາ
ທຸກພັກຝ່າຍເຂົ້າຮ່ວມຢູ່ໃນລີເບຍ ແຕ່ກໍຍັງບໍ່ເຖິງຂັ້ນ ກັບປະເທດມະຫາອຳນາດອື່ນໆຂອງ
ໂລກ ທີ່ໄດ້ຮັບຮູ້ສະພາໄລຍະຂ້າມຜ່ານຫຼື TNC ຂອງພວກຝ່າຍຄ້ານລີເບຍຢ່າງເປັນທາງ
ການແລ້ວນັ້ນ.
ສະພາສັນຕິພາບແລະຄວາມໝັ້ນຄົງຂອງສະຫະພາບອາຟຣິກາໄດ້ປະກາດກ່ຽວກັບການຕັດ
ສິນໃຈດັ່ງກ່າວໃນວັນສຸກວານນີ້ ຫຼັງຈາກກອງປະຊຸມສຸດຍອດສຸກເສີນກ່ຽວກັບລີເບຍທີ່ເອທິ
ໂອເປຍ.
ຫຼາຍປະເທດໃນອາຟຣິກາ ມີຄວາມສຳພັນມາເປັນເວລາດົນນານກັບຜູ້ນຳລີເບຍ ທ່ານ Mo-
ammar Gadhafi ແຕ່ພວກນັກການທູດຕາເວັນຕົກທີ່ໄປຮ່ວມກອງ ປະຊຸມສະຫະພາບອາ
ຟຣິກາກ່າວວ່າ 20 ປະເທດໃນອາຟຣິກາໄດ້ຮັບຮູ້ສະພາປົກຄອງໄລຍະຂ້າມຜ່ານຂອງພວກ
ກະບົດລີເບຍ ທີ່ໄດ້ເຂົ້າຢຶດເອົານະຄອນຫຼວງຕຣີໂປລີໃນສັບປະດານີ້.
ຂະນະດຽວກັນ ຜູ້ນຳຂອງສະພາໄລຍະຂ້າມຜ່ານ ທ່ານ Mahmoud Jibril ກ່າວວ່າ ຊ່ອງ
ທາງດຽວເທົ່ານັ້ນທີ່ກຸ່ມຂອງທ່ານຈະສາມາດປະສົບຄວາມສຳເລັດໄດ້ ກໍຕໍ່ເມື່ອປະຊາຄົມນາໆ
ຊາດປ່ອຍຊັບສົມບັດທັງໝົດທີ່ຖືກຢຶດໄວ້ ໃນລະຫວ່າງທີ່ທ່ານ Gadhafi ປົກຄອງປະເທດຢູ່
ນັ້ນ.
ທ່ານກ່າວໃນມື້ວານນີ້ວ່າ ພວກຝ່າຍຄ້ານຕ້ອງການເງິນເພື່ອສືບຕໍ່ໃຫ້ການບໍລິການຂອງລັດ ຖະບານແລະຈ່າຍເງິນເດືອນໃຫ້ພວກລັດຖະກອນ.
ນອກນັ້ນໂຄສົກຂອງກະຊວງການຕ່າງປະເທດຝຣັ່ງທ່ານ Bernard Valero ກ່າວໃນມື້ວານ
ນີ້ວ່າ ຝຣັ່ງຢາກເຫັນຊັບສົມບັດຂອງທ່ານ Gadhafi ຖືກນຳໄປແຈກຢາຍ ໃຫ້ແກ່ປະຊາຊົນ
ລີເບຍ. ຝຣັ່ງແມ່ນມະຫາອຳນາດປະເທດທຳອິດທີ່ຮັບຮູ້ສະພາໄລຍະຂ້າມຜ່ານຂອງພວກກະ
ບົດລີເບຍ.