ຝລັ່ງພວມເຂົ້າຮ່ວມກັບອັງກິດໃນການຈັດສົ່ງທີ່ປຶກສາດ້ານທະຫານຂອງຕົນໄປຍັງລີເບຍ ເພື່ອຊ່ວຍພວກກໍາລັງຝ່າຍກະບົດ.
ໂຄສົກລັດຖະບານຝລັ່ງຄົນນຶ່ງໄດ້ປະກາດໃຫ້ຊາບກ່ຽວກັບການເຄື່ອນໄຫວ ດັ່ງກ່າວໃນວັນ ພຸດມື້ນີ້ວ່າ ໃນຂະນະທີ່ປະທານາທິບໍດີ Nicolas Sarkozy ໄດ້ກຽມພ້ອມທີ່ພົບປະກັບ ທ່ານ Mustafa Abdel Jalil ຫົວໜ້າພວກກະບົດລີເບຍທີ່ນະຄອນຫລວງປາຣີຂອງຝລັ່ງ.
ການພົບປະກັນຄັ້ງນີ້ ຄາດວ່າຈະເພັ່ງເລັງໃສ່ຄວາມພະຍາຍາມຕ່າງໆກ່ຽວກັບການຫັນປ່ຽນ ໄປສູ່ລະບອບປະຊາທິປະໄຕຢູ່ໃນລີເບຍນັ້ນ.
ຂະນະດຽວກັນການສູ້ລົບກັນຍັງດຳເນີນຕໍ່ມາໃນວັນພຸດມື້ນີ້ລະຫວ່າງກໍາລັງສະໜັບສະໜຸນລັດຖະບານ ແລະພວກກະບົດ ທີ່ເມືອງ Misrata ທີ່ຖືກທະຫານລັດຖະບານປິດລ້ອມ ທີ່ປະຊາ ຊົນໃນເມືອງດັ່ງກ່າວພາກັນຮ້ອງຂໍຄວາມຊ່ວຍເຫລືອຂອງນານາຊາດ. ການໂຈມຕີທາງອາ
ກາດຂອງກໍາລັງເນໂຕ້ໄດ້ມີຕໍ່ທີ່ໝັ້ນຕ່າງໆຂອງຝ່າຍລັດຖະບານຢູ່ໃນຫລາຍໆຫົວເມືອງ.
ເມື່ອວັນອັງຄານວານນີ້ ທ່ານ William Hague ລັດຖະມົນຕີຕ່າງປະເທດອັງກິດ ກ່າວວ່າ ທີມທີ່ປຶກສາພິເສດດ້ານທະຫານຂອງອັງກິດປະມານສິບກວ່າຄົນ ແມ່ນຈະເຂົ້າໄປຊ່ວຍພວກ ກະບົດດ້ານການຈັດຕັ້ງດ້ານພະລາທິການແລະການສື່ສານ.