ດາຣາຮູບເງົາ ທ່ານ Leonard Nimoy ທີ່ຕາຍບໍ່ເປັນ ໃນນາມ
ເຄິ່ງມະນຸດໂລກ ແລະເຄິ່ງມະນຸດຕ່າງດາວ ທ່ານ Spock ໃນ
ຮູບເງົາໂທລະພາບເລື້ອງ Star Trek ນັ້ນ ໄດ້ເສຍຊີວິດໃນວັນ
ສຸກວານນີ້ ຢູ່ທີ່ນະຄອນ Los Angeles ຮວມອາຍຸໄດ້ 83 ປີ
ທ່ານ Nimoy ໄດ້ລົ້ມປ່ວຍມາຊົ່ວໄລຍະນຶ່ງຍ້ອນພະຍາດປອດ
ອັນເປັນອາ ການທີ່ທ່ານໄດ້ຖິ້ມໂທດໃສ່ການສູບຢານັ້ນ.
ທ່ານ Nimoy ເກີດຢູ່ນະຄອນ Boston ເປັນລູກຊາຍຂອງຊາວ
ຢິວຈາກຢູເຄຣນ ທີ່ນັບຖືສາສະໜາຢ່າງເຄັ່ງຄັດ ທີ່ໄດ້ອົບພະ
ຍົບເຂົ້າມາຢູ່ສະຫະລັດ. ຮູບຮ່າງດຳກໍ່າ ແລະຄ້າຍຄືກັບຄົນເອ
ເຊຍ ໄດ້ເຮັດໃຫ້ທ່ານຖືກເລືອກສະແດງໃນບົດບາດທີ່ແປກໆຜິດປົກກະຕິ.
ທ່ານໄດ້ສະແດງໃນບົດບາດເປັນຕົວປະກອບທີ່ນັບບໍ່ໄດ້ ທັງໃນຮູບເງົາແລະຢູ່ໃນໂທລະ
ພາບ ກ່ອນທີ່ຈະໄດ້ສະແດງເປັນ ທ່ານ Spock ໃນເລື້ອງ Star Trek ທີ່ມີຊື່ສຽງ ຂອງປີ 1966.
ໃນນາມເປັນເຄິ່ງມະນຸດໂລກ ແລະເຄິ່ງມະນຸດຕ່າງດາວ ທ່ານ Spock ແມ່ນສາມາດຈຳ
ໄດ້ໂດຍທັນທີຈາກບົດບາດຂອງທ່ານ ທີ່ມີຫູແຫລມ. ທ່ານໄດ້ຕໍ່ສູ້ກັບສົງຄາມທີ່ບໍ່ສີ້ນສຸດ ລະຫວ່າງຄວາມຮູ້ສຶກຂອງມະນຸດ ແລະແນວຄິດອັນເຢັນຊາຂອງມະນຸດຕ່າງດາວ. ກິລິ
ຍາທ່າທີທີ່ສະຫງົບງຽບເຍືອກເຢັນຂອງທ່ານ ໄດ້ເປັນຄົນທີ່ຂັດແຍ້ງ ແຕ່ກໍເຂົ້າກັນໄດ້ດີ
ກັບລັກສະນະຂອງຜູ້ບັງຄັບຍານ Captain Kirk ໃນຂະນະທີ່ບຸກຄົນທັງສອງ ແລະລູກ
ເຮືອເຂົາເຈົ້າພາກັນເດີນທາງສຳຫຼວດໂລກໃໝ່ ທີ່ໄກອອກໄປຈາກໂລກມະນຸດເຮົາ.
ເລື້ອງ Stark Trek ດັ້ງເດີມ ໄດ້ຢຸດເຊົາອອກອາກາດເມື່ອສາມປີກວ່າໆຜ່ານມານີ້ ແຕ່
ວ່າໄດ້ກັບຄືນມາສາຍໃໝ່ອີກແຕ່ນັ້ນມາຍ້ອນມີຜູ້ຕິດຕາມເບິ່ງເປັນຈຳນວນຫຼວງຫລາຍ
ໂດຍສະເພາະໃນໝູ່ບັນດາຊາຍໜຸ່ມ.
ນອກນັ້ນທ່ານ Nomoy ຍັງໄດ້ສະແດງຢູ່ໃນລາຍການໂທລະພາບອັນເປັນທີນິຍົມອື່ນໆ
ເຊັ່ນເລື້ອງ Mission Impossible ແລະເປັນຜູ້ຈັດລາຍການ ສາລະຄະດີ In Search Of ແຕ່ວ່າ ບໍ່ເປັນທີ່ນິຍົມເທົ່າກັບການເປັນ Mr. Spock.
Your browser doesn’t support HTML5
LEONARD NIMOY OBIT VO