Legacies of War ຫລື “ມໍຣະດົກຫລັງສົງຄາມ” ແມ່ນອົງການຈັດຕັ້ງເອກກະຊົນທີ່ຕັ້ງຂື້ນ
ມາໃນປີ 2004 ເປັນອົງການທີ່ບໍ່ສ້າງຜົນກໍາໄລ ໄດ້ຮັບທຶນມາຈາກຫລາຍໆແຫ່ງ ເພື່ອນໍາ
ມາບໍລິຫານກິດຈະການ ຊຶ່ງມີຫ້ອງການຕັ້ງຢູ່ ນະຄອນຫລວງ ວໍຊິງຕັນ ດີ.ຊີ ໂດຍການ
ເປັນຜູ້ອໍານວຍການບໍຣິການຂອງ ທ່ານນາງ ຈັນນະພາ ຄໍາວົງສາ. ຈຸດປະສົງຂອງ ອົງການ
ມໍລະດົກຫລັງສົງຄາມ ກໍຄື ສຸກຍູ້ ຍົກລະດັບ ຄວາມຮູ້ກ່ຽວກັບ ປະຫວັດສາດສົງຄາມຫວຽດ
ນາມ ແລະການຖີ້ມລະເບີດໃນສະໃໝ ສົງຄາມລັບ ຢູ່ໃນລາວ. ມໍລະດົກຫລັງສົງຄາມ ແມ່ນ
ປາກກະບອກສຽງ ຂໍຮ້ອງສະພາຄອງ ແກຣສ ຮັບຮູ້ ອະນຸມັດທຶນໄຊ້ຈ່າຍເກັບກູ້ລະເບີດທີ່
ຍັງບໍ່ທັນແຕກ ຢູ່ໃນເມືອງລາວ ເພື່ອເຮັດໃຫ້ມີເນື້ອທີ່ເປັນບ່ອນຢູ່ອາໃສ ມີບ່ອນປູກຝັງທໍາມາ
ຫາກິນ ປິ່ນປົວບາດແຜສົງຄາມ ແລະສ້າງຄວາມຫວັງໃຫ້ມີຄວາມ ສະງົບໃນອານາຄົດ.
ອົງການມໍລະດົກຫລັງສົງຄາມ ໄຊ້ເຄື່ອງມືທາງດ້ານ ສີນລະປະ ວັດທະນາທໍາ ການສຶກສາ
ການປູ້ມລູມຈາກປະຊາຄົມ ແລະການສົນທະນາຕິດຕໍ່ກັນ ເພື່ອສ້າງບັນຍາກາດປ່ຽນແປງ
ຈາກຄວາມພິນາດອັນເປັນຊາກຫັກພັງຂອງສົງຄາມ.
ອົງການມໍລະດົກຫລັງສົງຄາມ ບໍ່ໄດ້ໃຫ້ການຊ່ວຍເຫລືອ ແລະກໍບໍ່ໄດ້ເປັນຜູ້ໃຫ້ທຶນໂດຍຕົງ
ແຕ່ວ່າເປັນຜູ້ໃຫ້ການສຶກສາ ລະດົມຊາວລາວ ອາເມຣິກັນ ແລະສາທາຣະນະທົ່ວໆໄປ ເພື່ອ
ຊ່ວຍເປັນປາກກະບອກສຽງ ສຸກຍູ້ການເພີ້ມທຶນເກັບກູ້ລະເບີດ ການສຶກສາ ແລະໃຫ້ການ
ຊ່ວຍເຫລືອແກ່ຜູ້ເຄາະຮ້າຍຈາກລະເບີດ. ເປົ້າໝາຍຈາກກອງທຶນນ້ອຍໆດັ່ງກ່າວນີ້ ມີຈຸດມຸ້ງ
ໝາຍທີ່ຈະເຮັດໃຫ້ ເກີດຜົນກະທົບແກ່ປະຊາຄົມຢ່າງກວ້າງຂວາງອອກໄປ. ນອກຈາກນັ້ນ
ອົງການມໍລະດົກຫລັງສົງຄາມ ຍັງມີກິດຈະການຕ່າງໆອີກຫລາຍຢ່າງທີ່ປະກອບ ຢູ່ໃນພາ
ລະກິດ ຂອງໂຄງການ.
ທ່ານນາງ ຈັນນະພາ ຄໍາວົງສາ ຜູ້ອໍານວຍການບໍຣິຫານ ອົງການ ມໍລະດົກຫລັງສົງຄາມ
ໄດ້ອະທິປາຍຕໍ່ ວີໂອເອ ວ່າ”
Channapha act:
ໃນຕອນແລງຂອງວັນຈັນ ທີ່ 18 ມິຖຸນາ ທີ່ຜ່ານມານີ້ ອົງການ ອົງການມໍລະດົກຫລັງ
ສົງຄາມ ໄດ້ຈັດພິທີ່ ພົບປະສັງສັນ ຄົບຮອບ 8 ປີ ທີ່ໄດ້ປະຕິບັດງານມາຢູ່ທີ່ ນະຄອນ
ຫລວງວໍຊິງຕັນ ດີ.ຊີ ຊຶ່ງມີແຂກຜູ້ມີກຽດທີ່ຖືກເຊີນເຂົ້າຮ່ວມ ປະມານ 200 ຄົນ ຢູ່ໃນ
ນັ້ນມີບັນດາ ຜູ້ແທນສະພາຄອງແກຣສ ໂດຍ ສະເພາະຢ່າງຍິງ ທ່ານ Mike M.
Honda ສະມາຊິກສະພາຕໍ່າ ຈາກລັດ ຄາລີຟໍເນຍ ຜູ້ເປັນປາກກະບອກສຽງ ທີ່ໄດ້ຕິດ
ຕາມຢ່າງໄກ້ສິດ ນອກນັ້ນກໍມີບັນດາ ອະດີດເອກອັກຄະລັດທະທູດ ສະຫະລັດ ອາເມ
ຣິກາ ປະຈໍາ ສປປລາວ ເຊນວ່າ ທ່ານ Douglas A.Hartwick (2001-2004) ແລະ
ທ່ານນາງ Patricia Haslach (2004-2006) ພ້ອມດ້ວຍບັນດາແຂກຜູ້ສໍາຄັນ ແລະ
ສະມາຊິກປະຊາຄົມລາວ ອາເມຣິກັນອີກຫລາຍໆທ່ານ.
ທ່ານ Titus Peachey ສະມາຊິກປົກຄອງ ອົງການມໍລະດົກຫລັງສົງຄາມ ໄດ້ເດີນທາງ
ມາຈາກລັດ Pensyvania ເຂົ້າຮ່ວມໃນພິທີ່ ໄດ້ໃຫ້ການສໍາພາດຕໍ່ ວີໂອເອ ວ່າ:
Titus Peachey act:
ຜູ້ແທນສະພາຕໍ່າ ທ່ານ Mike Honda ແຂກກິດຕິມະສັກ ໄດ້ກ່າວເປີດພິທີ່ເຖິງຈຸດສໍາ
ຄັນກ່ຽວກັບ ອົງການມໍລະດົກຫລັງສົງຄາມ ດັ່ງທີ່ ສະຫລຸບໄດ້ດັ່ງນີ້:
Representative Mike Honda Act:
ຫລັງຈາກນັ້ນ ທ່ານ Douglas A. Hartwick ອະດີດເອກອັກຄະລັດຖະທູດ ສະຫະລັດ
ອາເມຣິກາ ປະຈໍາ ສປປລາວ (2001-2004) ກ່າວຫຍໍ້ໆດັ່ງມີເນື້ອຄວາມສໍາຄັນດັ່ງນີ້:
Embassador Hartwick act:
ເພື່ອເປັນການກ່ອມອາຣົມແກ່ແຂກທີ່ເຂົ້າຮ່ວມ ບັນດາເຍົາວະຊົນລາວ ອາເມຣິກັນ ພາຍ
ໃຕ້ການນໍາພາຂອງ ອົງການມູນມໍຣະດົກລາວ ໄດ້ພາ ກັນມາສະແດງສິນລະປະເປົ່າແຄນ
ແລະຟ້ອນ ໃຫ້ບັນດາແຂກຜູ້ມີກຽດໄດ້ຮັບຊົມ. ໃນຂະນະດຽວກັນ ອາຫານພື້ນເມືອງລາວ
ຫລາຍຢ່າງໄດ້ຖືກຕົກແຕ່ງວາງໄວ້ ໃຫ້ບັນດາແຂກໄດ້ຮັບປະທານ. ພິທີ່ໄດ້ຜ່ານພົ້ນໄປດ້ວຍ
ຄວາມມ່ວນຊື່ນ ແລະໄດ້ຮັບການສຶກສາ ກ່ຽວກັບປະຫວັດການຖີ້ມລະເບີດຢູ່ໃນສົງຄາມລັບ
ໃນລາວ ພ້ອມດ້ວຍຮິດຄອງປະເພນີ ສີນລະປະວັດທະນາທໍາ ທີ່ປະຊາຄົມລາວ ອາເມຣິກັນ
ຍັງຄົງຮັກສາເອົາໄວ້.